Gujarati News

Gujarati News

News of Wednesday, 20th March 2019

અસ્સી ઘાટ પર પ્રિયંકા દ્વારા ગંગા આરતી કરવામાં આવી

કાશી વિશ્વનાથ મંદિરમાં ખાસ પૂજા-અર્ચના કરી : જયહિન્દના નારા લગાવીને ભાજપ પર તીવ્ર પ્રહારો કર્યા

વારાણસી, તા. ૨૦ : કોંગ્રેસના મહાસચિવ પ્રિયંકા ગાંધી આજે પ્રયાગરાજમાં મનૈયા ઘાટથી વારાણસીના અસ્સી ઘાટ ઉપર પહોંચ્યા હતા. બોટ યાત્રા ઉપર પ્રિયંકા ગાંધી પહોંચ્યા હતા. સમર્થકો અને કોંગ્રેસની મોટી સંખ્યામાં ઉપસ્થિતિ વચ્ચે પ્રિયંકાએ અસ્સી ઘાટ પહોંચીને ભાજપ ઉપર પ્રહાર કર્યા હતા. પ્રિયંકાએ વારાણસીમાં પૂર્વ વડાપ્રધાન લાલબહાદુર શાસ્ત્રીની પ્રતિમા ઉપર પુષ્પાંજલિ અર્પણ કરી હતી. ત્યારબાદ ભાજપના કાર્યકરોએ ગંગાજળથી શુદ્ધિકરણ કર્યું હતું. ત્યારબાદ કોંગ્રેસ અને ભાજપના કાર્યકરો વચ્ચે ખેંચતાણ પણ જોવા મળી હતી. પ્રિયંકાના સમર્થકોએ જોરદાર હોબાળો પણ મચાવ્યો હતો. પ્રિયંકાએ જયહિન્દના નારા પણ લગાવ્યા હતા. પ્રિયંકાએ પોતાના ભાષણમાં કહ્યું હતું કે, વારાણસીની પ્રજા પ્રેમથી તેમનું સ્વાગત કરે છે. વારાણસીથી દેશને નકારાત્મક, ખેડૂત વિરોધી, જનવિરોધી અને મહિલા વિરોધી સરકાર બનાવવા અપીલ પણ કરવામાં આવી હતી. છેલ્લા પાંચ વર્ષના ગાળામાં દેશ અને ઉત્તરપ્રદેશમાં સ્થિતિ શું બની છે તેને લઇને લોકો જોઇ ચુક્યા છે.  તેમણે એમ પણ કહ્યું હતું કે, જ્યારે રાજનીતિનો ઇરાદો ખોટો હોય છે ત્યારે પરિણામ શું આવે છે.  રાજનીતિનો ઇરાદો હકીકતમાં સેવાનો હોય છે. અસ્સી ઘાટ બાદ પ્રિયંકાએ દશાસ્વમેઘ ઘાટ ઉપર આરતી પણ કરી હતી. પ્રિયંકા ગાંધીએ કહ્યું હતું કે, માછીમારો માટે એક અલગ મંત્રાલયની રચના તેમની સરકાર આવશે તો કરવામાં આવશે. ખેડૂતો હજુ પણ પરેશાન થયેલા છે. બે કરોડ લોકોને રોજગારી આપવાની વાત કરવામાં આવી હતી પરંતુ હજુ સુધી કોઇને પણ રોજગારી મળી નથી. વારાણસીમાં પણ લોકોને રોજગારી આપવામાં આવી નથી.

 

(6:17 pm IST)
  • પાકિસ્તાની નેતાએ હિંદુઓ વિરુદ્ધ ઓક્યું ઝેર :કહ્યું હિન્દૂ અમારા સૌથી મોટા દુશ્મન છે :પાકિસ્તાન પીપલ્સ પાર્ટીના નેતા શેર આઝમ વજીરે વિધાનસભામાં જ હિંદુઓને પોતાના સૌથી મોટા દુશ્મન ગણાવ્યા :પાકિસ્તાનના ખૈબર પખ્તુનખ્વા પ્રાંત વિધાનસભામાં આઝમ વજીરે કહ્યું કે પાકિસ્તાનના સૌથી મોટા દુશ્મન હિન્દૂ છે :આ નિવેદન બાદ વિધાનસભામાં હિન્દૂ નેતા રવિકુમાર અને રંજીત સિંહે જબરો વિરોધ કરીને સદનથી બહાર ચાલ્યા ગયા access_time 12:30 am IST

  • પહેલી એપ્રિલથી ઘર ખરીદવાનું થશે સસ્ત:નિર્માણાધીન એફોર્ડેબલ પ્રોજેક્ટ પર 8 ટકાને બદલે 1 ટકા જ્યારે અન્ય મકાનો પર 12 ટકાને બદલે 5 ટકા ટેક્સ લાગશે. access_time 11:00 am IST

  • બીજી સર્જીકલ સ્ટ્રાઈક આવી રહી છે?: જાણીતા ડેટા એનાલીસ્ટ જી. પ્રધાને તેમના એક ફોલોઅર રેણુકા જૈન - ચોકીદારના એક ટ્વીટનો જવાબ આપતા લખ્યુ છે કે 'અમે તેમને નિરાશ નહિં કરીએ.' રેણુકા જૈને લખ્યુ હતું કે રોજ હું સવારે ઉઠુ છુ ત્યારે શિવજી પ્રતિ મારો ભાવ પ્રગટ કરી સમાચારો જોવા લાગુ છું કે પાકિસ્તાન ઉપર બીજો હુમલો થયો કે નહિં? તેના જવાબમાં ડો.જી.પ્રધાને સુચક રીતે લખ્યુ છે કે ''અમે તમને નિરાશ નહિં કરીએ'' જેનો અર્થ એવો કઢાઈ રહ્યો છે કે આતંકીઓના છોતરા કાઢવા બીજી સર્જીકલ સ્ટ્રાઈક તોળાઈ રહી છે. access_time 11:28 am IST