Gujarati News

Gujarati News

News of Wednesday, 20th March 2019

ભગવાન શ્રી કૃષ્‍ણના દર્શનનું હોળી પર્વમાં વિશેષ મહત્વ હોવાથી ગુજરાતના મંદિરોમાં ૧ મહિનાથી જામે છે હોળી-ધૂળેટીનો માહોલ

અરવલ્લી :અરવલ્લી જિલ્લાના પ્રસિદ્ધ યાત્રાધામ શામળાજી ખાતે ફાગણ સુદ પૂર્ણિમા અને હોળીના પાવન અવસરે ભગવાન શામળીયાના દર્શને ભક્તોનું ઘોડાપુર ઉમટ્યું છે. હજારો ભક્તો ભગવાન શામળીયાના દર્શન કરી ધન્ય બન્યા હતા.

આજે ફાગણ સુદ પૂર્ણિમા એટલે હોળીનો તહેવાર. હોળીના પાવન અવસરે ભગવાન શ્રી કૃષ્ણના દર્શનનું વિશેષ મહત્વ હોવાના કારણે રાજ્યના કૃષ્ણ મંદિરોમાં ભક્તો દર્શન માટે ઉમટે છે. ત્યારે અરવલ્લી જિલ્લાના યાત્રાધામ શામળાજી ખાતે આજે હોળી પર ભગવાન શામળાજીનાં દર્શન માટે વહેલી સવારથી જ ભક્તોનું ઘોડાપૂર ઉમટ્યું હતું. વહેલી સવારથી જ ભક્તો ભગવાન કાળીયા ઠાકોરના દર્શન માટે મંદિર પરિસરમાં લાઈનમાં જોડાયા હતા.

હોળી ઉત્સવ પ્રસંગે ભગવાન શામળાજીને વિશેષ સોનાનાં આભૂષણ અને સફેદ કોટનના વસ્ત્રોથી શણગાર કરાયા હતા. ત્યાર બાદ ઠાકોરજીને મંદિરના પૂજારી દ્વારા અબીલ ગુલાલ તેમજ કેસૂડાંનાં રંગે હોળી રમાડાઇ હતી. આ પ્રસંગે અહીં આવેલા હજારો ભક્તો પણ ભગવાન શામળીયાના અબીલ ગુલાલનાં રંગે રંગાયા હતા. જોકે ભગવાન શામળાજીને મહા સુદ પંચમ એટલે વસંત પંચમીથી એક માસ ધૂળેટી સુધી શણગાર આરતી સમયે રોજે રોજ અબીલ ગુલાલ છાંટી હોળી રમાડવામાં આવે છે.

(5:13 pm IST)
  • ચૂંટણી પ્રચાર દરમ્યાન વાણી અને વર્તનમાં વિવેક રાખવા જાહેરનામું: પ્રચાર ભાષણનાં નહીં થઇ શકે નેતાઓની મિમિક્રી: ગાંધીનગર કલેક્ટરનું જાહેરનામું access_time 11:00 am IST

  • દિલ્હીમાં દિવસનું આ મહિનાનું રેકર્ડ ૩૨ ડિગ્રી આસપાસ અને રાત્રે ૧૫II ડિગ્રી આસપાસ ઉષ્ણતામાન access_time 3:54 pm IST

  • સપા -બસપાના ઉમેદવાર શફીકુર્રરહમાન બર્કનું વિવાદી નિવેદન :કહ્યું વંદેમાતરમના આજે પણ અમે વિરોધી છીએ :ચાર વખત સાંસદ અને યુપી સરકારમાં મંત્રી રહી ચૂકેલા બર્કે મુરાદાબાદમાં કહ્યું કે તેઓ વંદેમાતરમનો ખુલીને વિરોધ કરે છે :પૂર્વ સંસદે કેમરા સમક્ષ ભાર મૂકીને કહ્યું કે તેઓ આજે પણ વંદેમાતરમનો વિરોધ કરે છે :ગત સરકારમાં સંસદમાં ચાલતા રાષ્ટ્રગીતનો વિરોધ કરીને બર્કે વોકઆઉટ કર્યો હતો access_time 12:31 am IST