Gujarati News

Gujarati News

News of Wednesday, 20th March 2019

છતીસગઢમાં ભાજપે તમામ ૧૧ સાંસદોની બાદબાકી કરી નાખતા ગુજરાતના સાંસદોમાં ફફડાટ

સૌરાષ્ટ્રના બે સાંસદો એકથી વધુ વખત ચૂંટાયેલા છે, બાકીના બધા પ્રથમ વખત : છવીસે છવીસ બેઠકો જીતવા અણધારી 'થિયરી' આવી શકે

રાજકોટ, તા., ૨૦: લોકસભાની ચુંટણીની છતીસગઢની બેઠકો માટે ભાજપે નો-રીપીટની થીયરી અપનાવતા ગુજરાતના ભાજપના સાંસદોમાં ઉચાટ વ્યાપી ગયાનું જાણવા મળે છે. છતીસગઢમાં લોકસભાની ૧૧ બેઠકો છે. ર૦૧૪ માં ત્યાં ભાજપના ઉમેદવારો ચુંટાયેલા. ર૦૧૯ની ચુંટણીમાં ભાજપે તમામ ૧૧ સાંસદોની ટીકીટ કાપી નવા ચહેરા પસંદ કર્યાનું બહાર આવતા ગુજરાત સહિત અન્ય રાજયોમાં આ થીયરી લાગુ પડવાની શકયતા ડોકાવા લાગી છે.

ગઇ લોકસભાની ચુંટણીમાં ગુજરાતમાં ભાજપને તમામ ર૬ બેઠકો પર વિજય મળેલ. આ વખતે પણ ભાજપે તમામ બેઠકો જીતવાનો લક્ષ્યાંક રાખ્યો છે. સાંસદ સામેની લોકોની નારાજગી હોય તો તે ઉમેદવાર બદલવાથી દુર થઇ શકે તેવું પાર્ટીના મોભીઓનું માનવું છે. તેથી છતીસગઢમાં નો-રીપીટ થીયરી અપનાવેલ. છતીસગઢમાં જે પધ્ધતી અપનાવી તે જ પધ્ધતી ગુજરાતમાં અપનાવવામાં આવે તેવું માનવાનું કોઇ દેખીતું કારણ નથી છતાં ચુંટણી જીતવા માટે મોદી-શાહ કોઇ પણ થીયરી અપનાવી શકે છે.

સૌરાષ્ટ્ર-કચ્છમાં વિઠ્ઠલભાઇ રાદડીયા અને અમરેલીના નારણભાઇ કાછડીયા એકથી વધુ વખત ચુંટાયેલા છે. બાકીના હાલના તમામ સાંસદો પ્રથમ વખત જ ચુંટાયા છે.

(3:48 pm IST)
  • મોડીરાત્રે રાજકોટમાં શક્તિ ઉર્ફે પેંડાનો સાગરીત પાર્થરાજ ઉર્ફે ગટુ જાડેજાની કરપીણ હત્યા :પુનિતનગર પાણીના ટાંકા પાસે પાર્થરાજસિંહ જાડેજાની કરપીણ હત્યા :પેટ અને છાતીના ભાગે તીક્ષ્ણ હથિયારના ઘા ઝીકી હત્યા ;આરોપી ધર્મેન્દ્રસિંહ પોલીસ સ્ટેશનમાં સરેન્ડર :150 ફૂટ રિંગ રોડ પર પુનિતનગર કર્મચારી સોસાયટીમાં શેરી ન,1માં રહેતો 24 વર્ષીય પાર્થરાજસિંહ હરદેવસિંહ જાડેજાની પુનિતનગર પાણીના ટાકા સામે તીક્ષ્ણ હથિયારના ઘા ઝીકી હત્યા access_time 11:25 pm IST

  • વડાપ્રધાન મોદીના ગઢમાં પ્રિયંકા ગાંધી :વારાણસીના ગંગા તટે મંદિરમાં માથું ટેકવ્યું :લાલબહાદુર શાસ્ત્રીના પૈતૃક ઘરની લેશે મુલાકાત :આ પહેલા મિર્ઝાપુરમાં મૌલાના ઈસ્માઈલ ચિશ્તીની મજાર પર ચાદર ચડાવી:વિદ્યા વાસીની મંદિરમાં દર્શન કર્યા: ભદોહીમાં સીતામઢી સમાહિત મંદિરમાં પૂજા અર્ચન કર્યા હતા access_time 1:17 am IST

  • રાષ્ટ્રપતિએ આપી લોકપાલ ટીમને મંજૂરી : ગુજરાતના બે સભ્યોની પસંદગી : લોકપાલ તરીકે જસ્ટિસ પિનાકી ચાંદ્રા ઘોષ અને જ્યુડીશ્યલ મેંમેંબરમાં જસ્ટિસ દિલીપ ભોંસલે,જસ્ટિઝ પ્રદીપકુમાર મોહન્ટી, જસ્ટિસ અજયકુમાર ત્રિપાઠી :નોન જ્યુડીશ્યલ મેમ્બરમાં દિનેશકુમાર જૈન (ચીફ સેક્રેટરી મહારાષ્ટ્ર ), અર્ચના રામસુન્દરમ (પૂર્વ આઇપીએસ અધિકારી )અને ડો, ઇંદ્રજીતપ્રસાદ ગૌતમ (પૂર્વ આઇપીએસ ઓફિસર ) રહેશે access_time 11:10 pm IST