Gujarati News

Gujarati News

News of Wednesday, 20th March 2019

કૌભાંડી નિરવ મોદીની આખરે ધરપકડ : પીએનબી કૌભાંડનો મુખ્ય આરોપી: ભારતમાં હજારો કરોડનું કૌભાંડ કરી ભાગી છૂટેલા નિરવ મોદીની લંડન કોર્ટના આદેશ અનુસાર લંડનમાંથી ધરપકડ

લંડન તા. ૨૦: પંજાબ નેશનલ બેંકને ૧૩ હજાર કરોડનું બુચ લગાવી ફરાર થઇ જનાર નિરવ મોદી આખરે ઝડપાયો છે.

આજે બપોરે તેની લંડનમાં ધરપકડ કરવામાં આવી છે. અત્રે એ નોંધનીય છે કે તાજેતરમાં વેસ્ટમિંસ્ટર કોર્ટે તેની સામે ધરપકડનું વોરંટ ઇસ્યુ કર્યુ હતું જે પછી ચર્ચાતુ હતું કે તેની ગમે ત્યારે ધરપકડ કરવામાં આવશે. આખરે આજે બપોરે તેની ધરપકડ કરવામાં આવી હતી.

આ લખાય છે ત્યારે તેને હવે કોર્ટમાં રજૂ કરવાની તૈયારી ચાલી રહી છે. નિરવ મોદીને ટૂંક સમયમાં ભારત પણ લાવવામાં આવે તેવી પૂરેપૂરી શકયતા છે.

૧૩ મહિનાથી ભારતમાંથી તે ફરાર હતો. જો કે,ધરપકડ બાદ નિરવ મોદી પાસે જામીન માટે કોર્ટમાં જવાનો વિકલ્પ છે. કોર્ટ તરફથી તેને સર્શત જામીન પણ મળી શકે છે.

અત્રે એ નોંધનીય છે કે તેની વિરૂદ્ધ રેડકોર્નર નોટીસ જાહેર કરવામાં આવી હતી.

(3:29 pm IST)
  • ગુજરાતમાં એસીડ એટેકના વધતા કિસ્સાઓના નિયંત્રણ માટે હાઇકોર્ટમાં રીટ પીટીશન : અદાલતે નોટીસો આપી : ગુજરાત હાઇકોર્ટમાં એસિડ પર નિયંત્રણ મુકવા માટે અરજી થઇ છેઃ રાજયમાં એસીડ એટેકના કિસ્સા ન બને તે માટે આ અરજી થઇ છેઃ ગુજરાત હાઇકોર્ટે એસીડના વેચાણ પર નિયંત્રણની અરજી સ્વીકારી : રાજય સરકાર સામે નોટીશ જારી કરીઃ એસીડના ખરીદ વેચાણને લઇ સુપ્રિમકોર્ટે ગાઇડ લાઇન જાહેર કરી હતીઃ સુપ્રીમે કહયું કે રાજય સરકારે ગાઇડ લાઇન પ્રમાણે નિયમો નથી બનાવ્યાઃ આ મામલે રાજય સરકારને હાઇકોર્ટેમાં જવાબ રજુ કરવાનો રહેશે access_time 4:14 pm IST

  • ભારતમાંથી હશે મારો આગામી ઉત્તરાધિકારી:બૌદ્ધ ધર્મગુરુ દલાઇ લામાની મોટી જાહેરાત : તિબેટીયન બૌદ્ધ ધર્મગુરુ દલાઇ લામાનું કહેવું છે કે તેમનો ઉત્તરાધિકારી ભારતનો હોઇ શકે :તેઓએ કહ્યું કે તેમણે પોતાના જીવનના 60 વર્ષ ભારતમાં પસાર કર્યા અને અહીંથી તેમનો ઉત્તરાયધિકારી હોઇ શકે છે access_time 1:19 am IST

  • હવે ભાગેડુ મેહુલ ચોકસીનો વારો :ભારત લાવવા પ્રક્રિયા પુરજોશમાં ; ભારત સરકારે સોંપ્યા કાગળો : ભાગેડુ હીરા વેપારી મેહુલ ચોક્સી વિરુદ્ધ એન્ટીગુઆમાં પ્રત્યાર્પણની પ્રક્રિયા ચાલુ access_time 12:48 am IST