Gujarati News

Gujarati News

News of Wednesday, 20th March 2019

ઓછી બેઠક આવશે તો મોદીની જગ્યાએ કોણ PM બનશે એ બાબતે ગડકરીએ શું કહ્યું ?

મોદી વિરૂધ્ધ ભાજપમાં '૨૨૦ કલબ?' ગડકરીએ આપ્યો જવાબ

નવી દિલ્હી તા. ૨૦ : છેલ્લાં થોડાંક મહિનાઓથી મીડિયા અને રાજકીય ગલિયારામાં ભાજપના ૨૨૦ સીટો લાવવા પર નિતિન ગડકરીના પીએમ બન્યાની ચર્ચાઓને તેમને ખુદ જવાબ આપ્યો છે. કેન્દ્રીય પરિવહન મંત્રી નિતિન ગડકરી એ કહ્યું કેભાજપમાં એવી કોઇ '૨૨૦ કલબ' નથી, જો કોઇ ઇચ્છે છે કે લોકસભા ચૂંટણીમાં સીટો ઘટવી અને પીએમ મોદીના વિકલ્પ તરીકે બીજા કોઇ નેતા ઉભરે. આ બધી મીડિયામાં ચાલી રહેલી અફવાઓ છે.

આ સંપૂર્ણ ચર્ચાના કેન્દ્રમાં નિતિન ગડકરી જ ચાલી રહ્યા છે. કહેવાય છે કે જો ભાજપને બહુમતની યોગ્ય સીટો મળતી નથી તો પછી નિતિન ગડકરી પીએમ પદ માટે સર્વમાન્ય ચહેરો હશે. તેના પર ચાલી રહેલી ચર્ચા અંગે અગ્રણી મીડિયા સાથે વાત કરતાં ગડકરી એ કહ્યું કે આ બધી અફવાઓ છે. એટલું જ નહીં તેમણે કહ્યું કે પીએમ મોદીના નેતૃત્વમાં ભાજપ ફરી એકવખત સંપૂર્ણ બહુમતની સાથે સત્ત્।ામાં વાપસી કરશે.

ગડકરીએ કહ્યું કે એવું કંઇ જ નથી અને જે લોકો લખવા માંગદે છે તે લખજે જ. પોતાને પાર્ટીના સમર્પિત સિપાઇ ગણાવતા ગડકરીએ કહ્યું કે હું આ પ્રકારનું કેલ્કયુલેશન કરી શકું નહીં અને નહીં તો મારી આવી કોઇ અપેક્ષા છે. હું પાર્ટીનો કાર્યકર્તા છું. મને પૂરો વિશ્વાસ છે કે પીએમ મોદીના નેતૃત્વમાં કરાયેલા કામોના લીધે પૂર્ણ બહુમતની સાથે સરકાર પાછી આવશે. આથી આવું કંઇ થવા જઇ રહ્યું નથી.

રામ મંદિર અને એર સ્ટ્રાઇક પર થઇ રહેલા રાજકારણને લઇ તેમણે કહ્યું કે આ મુદ્દાને રાજકીયકરણ કરવું દુર્ભાગ્યપૂર્ણ છે. ગડકરી એ કહ્યું કે પાકિસ્તાનમાં આતંકી કેમ્પો પર કરાયેલ એર સ્ટ્રાઇકના પુરાવા માંગવા સારી વાત નથી.

(10:30 am IST)
  • સપા -બસપાના ઉમેદવાર શફીકુર્રરહમાન બર્કનું વિવાદી નિવેદન :કહ્યું વંદેમાતરમના આજે પણ અમે વિરોધી છીએ :ચાર વખત સાંસદ અને યુપી સરકારમાં મંત્રી રહી ચૂકેલા બર્કે મુરાદાબાદમાં કહ્યું કે તેઓ વંદેમાતરમનો ખુલીને વિરોધ કરે છે :પૂર્વ સંસદે કેમરા સમક્ષ ભાર મૂકીને કહ્યું કે તેઓ આજે પણ વંદેમાતરમનો વિરોધ કરે છે :ગત સરકારમાં સંસદમાં ચાલતા રાષ્ટ્રગીતનો વિરોધ કરીને બર્કે વોકઆઉટ કર્યો હતો access_time 12:31 am IST

  • બનાસકાંઠાના રામસણ ગામમાં વર્ષો પહેલાના ઋષિઓના શ્રાપના કારણે હોળી પ્રગટાવવામાં નથી આવતી : બનાસકાઠાંના રામસણ ગામે વર્ષો પહેલા ઋષિઓએ શ્રાપ આપ્યો હોવાની માન્યતાઃ હોળી પ્રગટાવે તો આખા ગામમાં લાગે છે આગ : યુવાનોએ હોળી પ્રગટાવવાના પ્રયત્નો કર્યા હતા પરંતુ આખા ગામમાં આગ લાગી ગઈ હતી : ચાર થી પાંચ વાર લાગી ચૂકી છે આગ : વડીલોના ડરના કારણે નથી પ્રગટાવાતી હોળી access_time 3:45 pm IST

  • ભરૂચ 108ની ટીમે એમ્બ્યુલન્સમાં મહિલાની સફળ પ્રસુતિ કરાવી:મહિલાએ સ્વસ્થ બાળકને જન્મ આપ્યો :108 એમ્બ્યુલન્સમાં હોસ્પિટલ લઈ જતી વખતે માર્ગમાં જ પીડા થતા પ્રસુતિ કરાવવાની ફરજ પડી access_time 8:18 pm IST