Gujarati News

Gujarati News

News of Wednesday, 20th March 2019

ભારતમાં ઇ-સિગારેટસ, હુક્કા તથા નિકોટીનયુકત ચીજો ઉપર પ્રતિબંધ મુકવાના કેન્દ્ર સરકારના નિર્ણય વિરૂદ્ધ દિલ્હી હાઇકોર્ટનો સ્ટેઃ ઇલેકટ્રોનિક નિકોટીન ડીલીવરી સિસ્ટમ્સ ( ENDS) તરીકે ઓળખાતી આ ચીજો ભારતના ડ્રગ્સ એન્ડ કોસ્મેટીકસ એકટના ભંગ સમાન ગણી શકાય નહીઃ સ્ટે વિરૂદ્ધ ર સપ્તાહમાં અપીલ કરવા કેન્દ્ર સરકારને આદેશ

         ભારતમાં ઇ-સિગારેટસ, તથા હુક્કા સહિત અન્ય ઇલેકટ્રોનિક નિકોટીનયુકત ચીજોના  ઉત્પાદન, વેચાણ તથા વપરાશ કે જાહેરાત ઉપર પ્રતિબંધ મુકવા કેન્દ્ર સરકારે રર ફેબ્રુ. ર૦૧૯ ના રોજ રાજય સરકારોને કરેલી ભલામણ ઉપર દિલ્હી હાઇકોર્ટએ સ્ટે ફરમાવ્યો છે.

         કેન્દ્ર સરકારે  રાજયને કરેલી ભલામણમાં ઉપરોકત નિકોટીનયુકત ચીજો કે જે '' ઇલેકટ્રોનિક નિકોટીન ડીલીવરી સિસ્ટમ્સ( ENDS)  તરીકે ઓળખાય છે તે ભારતના ડ્રગ્સ એન્ડ કોસ્મેટીકસ એકટ ૧૯૪૦ ના ભંગ સમાન ગણાવી હતી.

         કેન્દ્ર સરકારના આ આદેશ વિરૂદ્ધ ર ઇલેકટ્રોનિકસ સિગારેટસ કંપનીઓએ પીટીશન દાખલ કરી હતી. જેમાં જણાવ્યા મુજબ  આ ઇ-સિગારેટ, પેપર સિગારેટની જગ્યાએ ગ્રાહકોની પસંદગી ઉપર તરાપ સમાન છે. તથા પેપર સિગારેટ કરતાં વધુ સારો વિકલ્પ છે.

         નામદાર કોર્ટને પ્રાથમિક તારણમાં (ENDS)  ઉત્પાદનો ડ્રગ્સ એન્ડ કોસ્મેટીકસ એકટમાં આવતા ન હોવાનું જણાતા તેના ઉપરના પ્રતિબંધને કામચલાઉ રીતે અટકાવી દીધો છે. તથા જો આ વસ્તુઓ ઉપરોકત એકટમાં  આવતી ન હોય તો તેના ઉપર પ્રતિબંધ મુકવાનો કેન્દ્ર સરકારનો અધિકાર ગણાય નહીં તેમ જણાવ્યું છે.

         નામદાર કોર્ટએ આપેલા સ્ટે વિરૂદ્ધ અપીલ કરવા માટે કેન્દ્ર સરકારને ર સપ્તાહનો સમ આપવામાં  આવ્યો છે તેવું  B એન્ડ B દ્વારા જાણવા મળે છે.

        

 

(10:44 pm IST)
  • છત્તીસગઢમાં નક્સલીઓએ આઈઈડી બ્લાસ્ટ કરીને કારને ઉડાવી : 9 લોકો ઘાયલ :નક્સલીઓએ હોળીના દિવસે આઈઈડી વિસ્ફોટ કરીને એક કારને ઉડાવી : બ્લાસ્ટને કારનો કચરઘાણ access_time 12:50 am IST

  • ડાકોર મંદિરમાં ભક્તોનો ધસારો :ફાગણી પૂનમમાં ડાકોરના ઠાકોરના દર્શનનો અનેરો મહિમા :વહેલી સવારથી જ મંદિરમાં ભક્તોનું ઘોડાપૂર ઉમટ્યું :જય રણછોડ, માખણચોરના નાદથી મંદિર ગૂંજી ઉઠ્યુ :મંગળા આરતી બાદ ભગવાનને કરાયો શણગાર access_time 10:59 am IST

  • પાકિસ્તાની નેતાએ હિંદુઓ વિરુદ્ધ ઓક્યું ઝેર :કહ્યું હિન્દૂ અમારા સૌથી મોટા દુશ્મન છે :પાકિસ્તાન પીપલ્સ પાર્ટીના નેતા શેર આઝમ વજીરે વિધાનસભામાં જ હિંદુઓને પોતાના સૌથી મોટા દુશ્મન ગણાવ્યા :પાકિસ્તાનના ખૈબર પખ્તુનખ્વા પ્રાંત વિધાનસભામાં આઝમ વજીરે કહ્યું કે પાકિસ્તાનના સૌથી મોટા દુશ્મન હિન્દૂ છે :આ નિવેદન બાદ વિધાનસભામાં હિન્દૂ નેતા રવિકુમાર અને રંજીત સિંહે જબરો વિરોધ કરીને સદનથી બહાર ચાલ્યા ગયા access_time 12:30 am IST