Gujarati News

મુંબઈ : બુલ્લી બાઈ કેસના આરોપી વિશાલ ઝા, મયંક રાવત અને શ્વેતા સિંહ દ્વારા દાખલ કરાયેલી જામીન અરજીઓ બાંદ્રા મેટ્રોપોલિટન મેજિસ્ટ્રેટ કોમલસિંગ રાજપૂતે ફગાવી દીધી છે. જે ચુકાદો 18 જાન્યુઆરી, 2022ના રોજ અનામત રાખ્યો હતો .જે આજે સંભળાવ્યો હતો.

બાંદ્રા મેટ્રોપોલિટન મેજિસ્ટ્રેટ કોમલસિંગ રાજપૂતે આ મામલે મુંબઈ પોલીસ દ્વારા અત્યાર સુધી ધરપકડ કરાયેલા ત્રણ આરોપીઓ દ્વારા દાખલ કરવામાં આવેલી જામીન અરજીઓ પર આજે ચુકાદો સંભળાવ્યો હતો.ત્રણેય આરોપીઓ - બેંગ્લોરના વિદ્યાર્થી વિશાલ ઝા અને ઉત્તરાખંડના રહેવાસી શ્વેતા સિંહ અને મયંક રાવતે તેમની અરજીઓમાં ધ્યાન દોર્યું હતું કે તેઓને આ કેસમાં ખોટી રીતે ફસાવવામાં આવ્યા હતા કારણ કે તેઓએ કોઈ ગુનો કર્યો નથી અને તેમનો કોઈ ગુનાહિત ઇતિહાસ  નથી.

તેઓએ એવો પણ દાવો કર્યો હતો કે તેઓએ કોઈ મોબાઈલ એપ્લીકેશન બનાવી નથી કે તેઓ આ કેસના અન્ય આરોપીઓ સાથે જોડાયેલા નથી.

મુંબઈ પોલીસે તેમની અરજીઓનો વિરોધ કર્યો હતો અને એ હકીકત પર ભાર મૂક્યો હતો કે કેસની વધુ ઊંડાણપૂર્વક તપાસ માટે આરોપીઓની કસ્ટડી જરૂરી છે.
આરોપીઓએ તેમના ટ્વિટર અને અન્ય સોશિયલ મીડિયા હેન્ડલ્સ પર શીખો અને મુસ્લિમો વચ્ચે દુશ્મનાવટ ઉભી કરવા જાણીજોઈને શીખ નામોનો ઉપયોગ કર્યો હતો અને તેઓ સુલ્લીબાઈ કેસના આરોપીઓના સંપર્કમાં પણ હતા જેના કારણે તેઓએ સંબંધિત વિવિધ સોશિયલ મીડિયા એકાઉન્ટ્સ ડિલીટ કરી દીધા હતા.

વર્તમાન કેસ 'બુલ્લી બાઈ' નામની એપ દ્વારા ટ્રિગર થયો હતો, જે ઓપન-સોર્સ પ્લેટફોર્મ GitHub પર દેખાયો હતો, જેમાં 100 થી વધુ મુસ્લિમ મહિલાઓની વિગતો મૂકવામાં આવી હતી, જે વપરાશકર્તાઓને તે મહિલાઓની 'ઓક્શન'માં ભાગ લેવાની મંજૂરી આપે છે.

1 જાન્યુઆરીએ સંબંધિત ટ્વિટર હેન્ડલ અને બુલ્લી બાઈના ડેવલપર વિરુદ્ધ ભારતીય દંડ સંહિતા અને ઈન્ફોર્મેશન ટેક્નોલોજી એક્ટ હેઠળ લક્ષિત મહિલાઓની ફરિયાદના આધારે એફઆઈઆર નોંધવામાં આવ્યા બાદ મુંબઈ પોલીસના સાયબર સેલ દ્વારા ત્રણેય આરોપીઓની ધરપકડ કરવામાં આવી હતી.તેવું બી.એન્ડ બી.દ્વારા જાણવા મળે છે.