Gujarati News

 (કપિલા શાહ દ્વારા) શિકાગોઃ અમેરીકામાં ગઇ છઠ્ઠી નવેમ્બરના રોજ મધ્યવર્તી ચુંટણી યોજાઇ ગઇ અને તેમાં હાઉસમાં કેમોક્રેટીક પાર્ટીના સભ્યો બહ્મતીમાં ચુંટાઇ આવતા વર્ષથી સત્તાના સૂક્ષો તેઓ હસ્તગત કરશે જયારે સેનેટમાં રીપબ્લીકન પર્ટીન સભ્યો બહુમતીમાં ચુંટાતા તેઓ સેનેટના સુત્રો આવતા વર્ષે હસ્તગીત કરશે જે કે હાલમાં સેનેટની હકુમત રીપબ્લીકન પાર્ટીના હાથમાં છે પરંતુ હાઉસ પરની પકડ તેમણે મધ્યવર્તી ચુંટણીના પરિણામો બાદ ગુમાવેલ છે અને તે સત્તા ડેમોક્રેટીક પાર્ટીના નેતાઓના હાથમાં આવેલ છે.

બંન્ને ગૃહોનું સંચાલન વ્યવસ્થીત રીતે થઇ શકે તે માટે બંધારણ અનુસાર હાઉસ માટે સ્પીકરની જોગવાઇ કરવામાં આવેલ છે અને સેનેટમાં પણ બહુમતી પક્ષને નેતાની વ્યવસ્થા કરવામાં આવેલ છે અને તેઓ નિયમ અનુસાર પોતાની ફરજો બજાવે છે. ચાલુ વર્ષે મધ્યવર્તી ચુંટણી થતા હાઉસમાં ડેમોક્રેટીક પક્ષ સત્તા પર આવતા તેમણે સ્પીકરના પદ માટે વરણી કરવાની હોય છે પરંતુ આ પક્ષે પાતળી બહુમતી મેળવી હોવાથી અનેક મુરતીયાઓ આ પદ માટે દાવેદારી કરી રહ્યા છે પરંતુ ૨૮મી નવેમ્બર આવતા સુધીમા આ પદ અંગેનું ચિત્ર સ્પષ્ટ થઇ જશે. ઇલીનોઇ રાજયમાં હાઉસના ડેમોક્રેટીક પાર્ટીન નેતાઓ પણ બે વિભાગમાં વહેચાઇ જવા પામેલ છે પરંતુ મોટા ભાગના નેતાઓ સ્પીકરના પદ માટે નેન્સી પલોસીની તરફેણ કરે છે.

ભૂતકાળમાં નેન્સી પલોસી આ પદ ભોગવી ચુલેલ છે પરંતુ સત્તામાં પલ્ટો આવતા આ પદ તેમણે ગુમાવવુ પડ્યું હતું. મોટા ભાગના ચુંટાયેલા નેતાઓ અનુભવી નેતા આ પદ ભોગવે એવું ઇચ્છી રહ્યા છે માટે આવનાર સમયમાં આ પદ કોના ફળે જાય છે તે તરફ સૌનું ધ્યાન કેન્દ્રિત થયેલું જોવા મળે છે.