Gujarati News

નવી દિલ્હીઃ ભારતમાં મહિલાઓને જાહેરમાં જો ઇમર્જન્સી કોલ આવે એટલે કે યુરિનેટ જવાની જરુર જણાય તો સાફ ટોઈલેટ શોધવું એક મુશ્કેલ કામ બની જાય છે. જોકે મહિલાઓ અને તેમાં પણ ખાસ કરીને કામ કરતી મહિલાઓની આ સમસ્યાને IIT દિલ્હીના બે વિદ્યાર્થીઓએ સમજી અને અનુભવી પણ ખરી. જેમાંથી આવ્યો એક વિચાર કે એવું કંઈક બનાવીએ જેના કારણે મહિલાઓને ન ગંદા વોશરુમના કારણે યુરિન રોકવું પડે કે ન આ કારણે જુદા જુદા ઇન્ફેક્શનનું ભોગ બનવું પડે અને શરું કરું આ ધ્યેય સાથેનું સ્ટાર્ટ જેણે બનાવ્યું ફિમેલ યૂરિનરી ડિવાઇસ ‘સેનિટેશન ફોર વિમેન(SanFe)’.

આ ડિવાઇસની મદદથી મહિલાઓ હવે ઉભા રહીને પણ યૂરિન કરી શકે છે. આજે વર્લ્ડ ટોઇલેટ ડેના દિવસે દિલ્હી IIT દ્વારા આ ખાસ ડિવાઇસ લોંચ કરવામાં આવ્યું હતું. IIT દિલ્હીમં ભણતા અર્ચિત અગ્રવાલ જ્યારે ફર્સ્ટયરમાં અભ્યાસ કરતો હતો ત્યારે તેને આ પ્રકારના ડિવાઇસનો વિચાર આવ્યો હતો. કેમ કે તે સમયે તે ભારતમાં પબ્લિક વોશરુમ પર એક પ્રોજેક્ટ કરી રહ્યો હતો. અર્ચિતે કહ્યું કે, ‘સર્વે દરમિયાન અમને ખબર પડી કે ભારતમાં મહિલાઓની સૌથી મોટી મુશ્કેલી આ ગંદા પબ્લિક ટોઇલેટ હોય છે. તેની સીટ એટલી ગંદી હોય છે કે તેના પર બેસી શકાય નહીં. તેમજ આવા ટોઇલેટના ઉપયોગથી ઇન્ફેક્શનનો ખતરો પણ રહે છે.’

અર્ચિતના સર્વે રિપોર્ટને વર્લ્ડ હેલ્થ ઓર્ગેનાઇઝેશન પણ સપોર્ટ કરે છે. તેના મુજબ ભારતમાં દરેક બે માંથી એક મહિલાને તેમના લાઇફ સ્પાનમાં ઓછામાં ઓછું એકવાર યૂરિનરી ટ્રેક્ટ ઇન્ફેક્શન થાય છે. હવે આવા ડિવાઇસના પ્રોડક્શન માટે અર્ચિતે પોતાના એક મિત્ર હેરી સેરાવતને જોડ્યો અને એન્ટપ્રેન્યોર્શિપ તરફ પગલા ભર્યા. પોતાની પ્રોડક્ટ અંગે અર્ચિત કહે છે કે, ‘આ એક સિંપલ ફનલ ડિઝાઇન પર આધારિત છે. આ રીતે પબ્લિક વૉશરુમમાં ટોઇલેટ સીટના ઉપયોગની જરુરીયાત નથી રહેતી. તેમાં પણ ખાસ કરીને પ્રેગ્નેન્ટ મહિલાઓ માટે આ ડિવાઇસ ખૂબ રાહત આરનારું છે.’

અર્ચિતના મુજબ ‘મેટ્રો, એરપોર્ટ, ઓફિસ, કૉલેજ, રેસ્ટોરન્ટ કે પછી બીજા કોઈ પબ્લિક ટોઇલેટ્સ મહિલાઓ માટે ખતરનાક ઇન્ફેક્શનની જગ્યાઓ છે તેમાં આ ડિવાઇસ ખૂબ ઉપયોગી નીવડશે.’ આ ડિવાઇસ પર અર્ચિત અને તેની ટીમે 23વાર ફરી ફરી કામ કર્યું છે. ત્યારે ફાઇનલ પ્રોડક્ટ્સ તૈયાર કરવામાં આવી છે. આ પ્રોડક્ટની ખાસીયત છે કે તે મેન્સ્ટ્રુઅલ ફ્રેન્ડલી પણ છે. આ પ્રોડક્ટને ગ્રિપ દ્વારા ઉપયોગમાં લઈ શકાય છે. તેની પાછળનું કારણ એવું આપવામાં આવ્યું કે તેથી સાડી પહેરનાર મહિલાઓ પણ તેનો ઉપયોગ કરી શકે.

આ ડિવાઇસ લીકપ્રુફ, વોટરપ્રુફ અને બાયોડિગ્રેબલ ડિવાઇસ છે. ઉપયોગ બાદ તેને આસાનીથી કચરા ભેગું ફેંકી શકાય છે. તેમજ આ ડિવાઇસની કિંમત પણ ખૂબ જ ઓછી રુ. 10 રાખવામાં આવી છે. ઓનલાઇલ આ પ્રોડક્ટ લોન્ચ કરી દેવામાં આવ્યું છે અને અત્યાર સુધીમાં 10000 ડિવાઇસ સેલ પણ થઈ ચૂક્યા છે. જે ખૂબ જ મહત્વપૂર્ણ છે કે વિદ્યાર્થીઓએ તૈયાર કરેલ આ ડિવાઇસને ખૂબ સારો સિસ્પોન્સ મળી રહ્યો છે.