Gujarati News

Gujarati News

News of Friday, 19th October 2018

સબરીમાલા મંદિર કોઇ પ્રવાસ સ્થાન નથી : ચેન્નીથલાનો દાવો

પોલીસના વલણને લઇને અનેક પ્રશ્નો ઉઠાવ્યા : મહિલા કાર્યકર રેહાનાને પોલીસ વર્દી અપાઈ જે અયોગ્ય

થિરુવંતનપુરમ, તા. ૧૯ : કોંગ્રેસના નેતા અને વરિષ્ઠ કાર્યકર આર ચેન્નીથલાએ કહ્યું છે કે, સબરીમાલા મંદિર કોઇ પ્રવાસ સ્થળ નથી. રાજ્યમાં વિપક્ષી કોંગ્રેસે કેરળ પોલીસના વલણને લઇને પણ પ્રશ્નો ઉઠાવ્યા છે. તેમણે કહ્યું છે કે, માત્ર શ્રદ્ધાળુ જ મંદિરમાં જઇ શકે છે. હાલના સમયમાં કેરળની પોલીસ જે કંઇ કરી રહી છે તે યોગ્ય નથી. જો અમારી સરકાર રહી હોત તો મામલાને વધારે સારીરીતે હાથ ધરી શક્યા હોત. અમે ભક્તો પાસેથી વાત કરીને વિવાદને ઉકેલી શક્યા હોત. હિંસા પણ થઇ ન હોત. તેમણે ઉમેર્યું હતું કે, અમે રાજ્યપાલ સાથે વાતચીત કરી ચુક્યા છે. વર્તમાન સ્થિતિથી વાકેફ કરાવી ચુક્યા છે. તેમણે કહ્યું હતું કે, માત્ર હિન્દુ લોકો જ નહીં બલ્કે અન્ય ધર્મના લોકો પણ જઈ રહ્યા છે. તમામ લોકો ચિંતિત છે. મહિલા કાર્યકર રેહાનાને પોલીસની વર્દી આપવામાં આવી હતી તે યોગ્ય નથી. બીજી બાજુ આજે સબરીમાલા મંદિરના મુખ્ય પુજારીને વહીવટીતંત્રને સંદેશ આપ્યો હતો કે, જો મહિલાઓના પ્રવેશ થશે તો મંદિરના ધાર્મિક કાર્યક્રમને રોકી દેવામાં આવશે. મુખ્ય પુજારી કંડરારુ રાજીવારુનું કહેવું છે કે, અમે મંદિરને લોક કરીને ચાવી સોંપવાનો નિર્ણય કરી ચુક્યા છે.

(7:36 pm IST)
  • સુરત:નાની અંબાજી ખાતેથી ગઇકાલે નીકળેલી રથયાત્રામાં બની અકસ્માત ઘટના:માતાજીના રથયાત્રા દરમ્યાન યુવક રથ પરથી નીચે પટકાયો:ઘટના બાદ લોકો વચ્ચે મચી નાશભાગ યુવક ઈજાગ્રસ્ત થતા સારવાર અર્થે નજીકની હોસ્પિટલ ખસેડવામાં આવ્યો access_time 4:34 pm IST

  • ટ્રેન દુર્ઘટના બાદ નવજોત કૌર સિદ્ધુ હોસ્પિટલ પહોંચ્યા :દુર્ઘટના બની ત્યારે મેં સ્થળ છોડી દીધું હતું :ઇજાગ્રસ્તોને સારવાર મળે તેને પ્રાધાન્ય આપવું જોઈએ :જે લોકો આ બનાવ પર રાજકારણ કરી રહ્યા છે તેઓ શરમ આવવી જોઈએ;વિપક્ષના આક્ષેપનો નવજોત કૌર સિદ્ધુનો આકારો જવાબ access_time 1:10 am IST

  • અમદાવાદ:સરદાર પટેલની જયંતીએ 22મી ઓક્ટોબરે એકતા યાત્રા વિષયે સ્પર્ધા યોજવા આદેશ:પરીક્ષાના સમયે શિક્ષણ વિભાગે કર્યો આદેશ:શિક્ષણ વિભાગના પરિપત્રથી આચાર્યો અને સચાલકોમાં નારાજગી:વેકેશન પૂર્ણ થયા બાદ સ્પર્ધાનું આયોજન access_time 8:37 pm IST