Gujarati News

Gujarati News

News of Friday, 19th October 2018

ઉત્તરપ્રદેશમાં પોલીસ સ્ટેશનમાંથી રાઇફલ લૂંટી જનારા ત્રણ ખાલીસ્તાનીઓ ઝડપાયા

ત્રણેયને કોર્ટે દશ દિવસ માટે પોલીસ રિમાન્ડ પર મોકલ્યા

ઉત્તરપ્રદેશનાં પાલીસ સ્ટેશનમાંથી રાઇફલ લૂંટી જનારા ત્રણ ખાલીસ્તાનીઓ પોલીસે પકડી પાડ્યા છે. આ ત્રણ વ્યક્તિઓ પર ખાલીસ્તાન આંતકવાદી સંગઠન સાથે જોડાયેલા હોવાનો આરોપ છે. આ ઘટના ઉત્તરપ્રદેશમાં શામલી જિલ્લામાં બની આ ત્રણ વ્યક્તિઓને કોર્ટે દશ દિવસ માટે પોલીસ રિમાન્ડ પર મોકલ્યા છે.

 આ ત્રણ ખાલીસ્તાનીઓમાં અમરત સિંઘ, ગુર્જન અને કરણ સિંઘનો સમાવેશ થાય છે. તેઓ ખાલીસ્તાની લિબરેશન ફ્રન્ટ સાથે જોડાયેલા છે. તપાસ એજન્સની શંકા છે કે, આ ખાલીસ્તાનીઓ ફરી સક્રિય થયા છે અને પંજાબમાં ફરી પગ પેસારો કરી રહ્યાં છે.

 તપાસ એજન્સીએ કોર્ટને જણાવ્યું હતું કે, આરોપીએ પંજાબનાં પર્વ મુખ્યમંત્રી પ્રકાશ સિંઘ બાદલ પર હુમલો કરવાનું ષડયંત્ર રચી રહ્યા હતા. આ માટે વધુ તપાસની જરૂર છે. આરોપીઓએ એવુ પણ કબુલ્યું છે કે, તેમની સાથે બીજા બે સભ્યો પણ હતા પણ તે ભાગી છૂટ્યા છે. પોલીસ તેમને પણ પકડવા માંગે છે.

(2:30 pm IST)
  • બેગુસરાયના ભાજપના સાંસદ ભોલાસિંહનું નિધન ; લાંબા સમયથી બીમાર હતા : રામમનોહર લોહિયા હોસ્પિટલમા દાખલ હતા :ભોલાસિંહ લેફ્ટના સમર્થનથી પહેલીવાર બેગુસરાયથી અપક્ષ ચૂંટાયા હતા : access_time 1:17 am IST

  • સુરત: શહેરમાં સ્વાઈન ફ્લુમાં વધુ 3 કેસ પોઝિટિવ:સ્વાઈન ફ્લૂના પોઝિટિવ કેસની સંખ્યા 112 થઈ:પનાસના 20 વર્ષીય યુવકનો રિપોર્ટ પોઝિટિવ:વેસુની 30 વર્ષની મહિલાનો રિપોર્ટ પોઝિટિવ:વેસુના 59 વર્ષીય પુરુષનો પોઝિટિવ રિપોર્ટ:22 દર્દીઓ હજુ સારવાર હેઠળ: 1ને ડિસ્ચાર્જ કરાયા access_time 9:44 pm IST

  • રેલ રાજ્યમંત્રી મનોજ સિન્હા, રેલ્વે બોર્ડ પ્રમુખ અશ્વિની લોહાની, ઉત્તર રેલ્વેના જનરલ મેનેજર વાયુસેનાના વિશેષ વિમાનથી રાત્રે 11 કલાકે અમૃતસર જવા રવાના access_time 10:41 pm IST