Gujarati News

Gujarati News

News of Monday, 19th August 2019

તેલંગાણામાં TDPને ઝાટકો, ૬૦ નેતા ભાજપમાં જોડાયા

જેપી નડ્ડાએ કહ્યું, ૩૧ ડિસેમ્બર પહેલા ભાજપને નવો રાષ્ટ્રીય અધ્યક્ષ મળી શકે છે

હૈદરાબાદ, તા.૧૯: ચન્દ્રબાબુ નાયડૂની તેલુગુ દેશમ પાર્ટી(ટીડીપી)ના લગભગ ૬૦ પ્રમુખ નેતા અને હજારો સમર્થક રવિવારે ભાજપમાં સામેલ થઇ ગયા છે. તમામ નેતાઓ અને કાર્યકર્તાઓએ ભાજપના કાર્યકારી અધ્યક્ષ જેપી નડ્ડાની હાજરીમાં પાર્ટીની સભ્યતા લીધી હતી. નડ્ડાએ જણાવ્યું હતું કે, સંગઠનની ચૂંટણી પ્રક્રિયા સપ્ટેમ્બરથી શરૂ થશે અને ૩૧ ડિસેમ્બરથી પહેલા ભાજપના નવા રાષ્ટ્રીય અધ્યક્ષની પસંદગી કરવામાં આવશે.

આ અવસરે જૂન માસમાં ટીડીપી છોડીને ભાજપમાં જોડાયેલા લંકા દિનકરને જણાવ્યું હતું કે, જયાં સુધી તેલંગાણા ભાજપનો સંબંધ છે તો આ ખૂબ જ સારા સંકેત છે. આ તેલંગાણા માટે હકારાત્મક સંકેત છે. ત્રણ તલાક અને આર્ટિકલ ૩૭૦ને હટાવ્યા બાદથી અનેક નવા કાર્યકર્તા પાર્ટી સાથે જોડાયા છે.

જેપી નડ્ડાએ ભાજપના સંગઠનની ચૂંટણીને અંગે કાર્યકર્તાઓને જણાવ્યું હતું કે, સપ્ટેમ્બરમાં દેશભરના ૮ લાખ બૂથ પર ચૂંટણી કરાવવામાં આવશે. ત્યારબાદ ઓકટોબરમાં મંડળ સ્તર પર પ્રતિનિધિઓની ચૂંટણી યોજાશે. નવેમ્બરમાં જિલ્લા સ્તરે ચૂંટણી યોજાશે. ૧૫ ડિસેમ્બર સુધી તમામ રાજયોમાં સંગઠનની ચૂંટણી પ્રક્રિયા પૂરી થઇ જશે.  ત્યારબાદ ભાજપને ૩૧ ડિસેમ્બર પહેલા નવો રાષ્ટ્રીય અધ્યક્ષ પણ મળી જશે.

(4:10 pm IST)
  • વડાપ્રધાન મોદીના આગામી વિદેશ પ્રવાસથી ભારતની વધશે તાકાત :મળશે સાઉદી અરબનું સર્વોચ્ચ સન્માન ;આગામી 23મી ઓગસ્ટ પહેલા પીએમ મોદી સાઉદી અરબના પ્રવાસે જશે ;પીએમ મોદી અબુધાબીના ક્રાઉન પ્રિન્સ શેખ મોહમ્મ્દ બિન જાયદ અલ નાહયાન સાથે મુલાકાત કરશે access_time 9:11 am IST

  • આંધ્રપ્રદેશમાં પુરમાં ડૂબી શકે છે ચંદ્રબાબુનું ઘર :તંત્રએ ખાલી કરવા નોટિસ ફટકારી :આધ્રપ્રદેશના અધિકારીઓએ પૂરની ભયંકર સ્થિતિને લઇને પૂર્વ મુખ્યમંત્રી ચંદ્રબાબુને કૃષ્ણા નદી કિનારાના ઘરને ખાલી કરવા નોટિસ મોકલી access_time 12:51 am IST

  • કૈલાસ માનસરોવર યાત્રા સ્થગિત : હિમાલય તથા ઉત્તરાંચલમાં ભારે વરસાદના કારણે લેવાયેલો નિર્ણય : દિલ્હીથી આજરોજ રવાના થનારી 18 મી ટુકડીને રોકી દેવાઈ access_time 8:17 pm IST