Gujarati News

Gujarati News

News of Monday, 19th August 2019

સહારનપુરમાં હ્ય્દયદ્રાવક ઘટનાઃ ગુન્હેગારોએ પત્રકાર અને તેના સગાભાઇની ગોળી ધરબી કરી હત્યા

સાહરનપુર, તા., ૧૯: ઉતરપ્રદેશના સાહરનપુરમાં ગઇકાલે સવારે પત્રકાર અને તેના ભાઇની ગોળી મારી હત્યા કરી નાખવામાં આવતા દહેશતનો માહોલ ફેલાયો છે. પોલીસની ઐસીતૈસી કરનાર હત્યારાઓના ઘર ઉપર ગુસ્સે ભરાયેલી ભીડે આગચંપીની કોશીષ કરી હતી. પરંતુ પોલીસે સ્થળ પર પહોંચી લાઠીચાર્જ કરી ભીડને વિખેરી નાખી હતી.

મળતી માહીતી મુજબ રવિવારે સવારે લગભગ ૧૦ વાગ્યા આસપાસ માધવનગરમાં રહેવાવાળા રપ વર્ષીય આશીષ અને તેના ભાઇ આશુતોષની સામે જ રહેવાવાળા મહીપાલ સૈની સાથે વિવાદ ચાલતો હતો. આ વિવાદ ગાયના છાણના કારણે થતો હતો. આશીષના ઘરે ગાય છે અને મહિપાલ સૈનીના ઘરે પણ ગાય છે. મહિપાલ પોતાની ગાયનું છાણ આશીષના ઘર સામેની નાલીમાં નાખતો હતો. આ બાબતે બોલાચાલી અને મારપીટ થઇ ગઇ હતી. ત્યાર બાદ તેના ઘરમાં ઘુસી મહિપાલ સૈનીએ આશીષ અને તેના નાનાભાઇની ગોળી મારી હત્યા કરી નાસી છુટયા હતા. સવાર સવારમાં ગોળીઓના અવાજથી અફડાતફડી મચી ગઇ હતી.

આશીષ એક દૈનિક પત્રમાં રીપોર્ટીગ કરતો હતો તેના પિતાનું બે વર્ષ પહેલા કેન્સરમાં મૃત્યુ થયું હતું. આશીષના લગ્ન દોઢ વર્ષ પહેલા થયા હતા. હાલ તેની પત્ની ચાર મહિનાની ગર્ભવતી છે. ઘરમાં આશીષ અને તેનોભાઇ બે જ કમાવવાવાળા હતા. આ ઘટનાથી અત્યંત કરૂણાસભર વાતાવરણ સર્જાયુ છે આશીષની પત્ની અને મા સાવ નોંધારા બની ગયા છે.

(3:55 pm IST)
  • પૂછ-રાવલકોટ બસ સેવા સ્થગિત ;ચાકન દા બાગ ક્રોસિંગ પાસે 65 ટ્રક ફસાયા :પાકિસ્તાન કબ્જાગ્રસ્ત અને જમ્મુ કશ્મીર વચ્ચે દોડતી બસ પૈગામ એ અમન સ્થગિત :પાકિસ્તાનના ચાકન દા બાગ ગ (જમ્મુ કાશ્મીર )થી રાવલ કોટ (પાક,કબ્જાગ્રસ્ત કાશ્મીર )વચ્ચે ચાલતી આ બસ ફરી ક્યારે શરૂ થશે તેની કોઈ જાણકારી આવી નથી access_time 1:00 am IST

  • સાતમ-આઠમ પછી ગુજરાત-મહારાષ્ટ્ર સહિત રાજયોના પશ્ચિમ કાંઠે સારો વરસાદ પડશેઃ ખાનગી વેધર એનાલીસ્ટે ટવીટ્ કરી જણાવ્યું છે કે ૩૧ ઓગષ્ટ પછી લો-પ્રેસર (એલપીએ) ફોર્મેશન થવાની જીએફએસની આગાહીઃ દેશના પશ્ચિમના કાંઠે ફરી ભારે વરસાદની પુરી સંભાવનાઃ ગુજરાત-મહારાષ્ટ્ર-કર્ણાટક, આંધ્ર-છત્તીસગઢ-ઓડીસા સહિતના રાજયોમાં સારા વરસાદના એંધાણ access_time 11:35 am IST

  • જમ્મુમાં ઇન્ટરનેટ બંધ હોવા છતાં ગિલાનીનું ટવિટર એકાઉન્ટ ચાલુઃ બીએસએનએલના બે અધિકારી ઉપર શંકાઃ ગિલાની ટિવટર પરથી સતત ભારત વિરોધી ટવીટ કરતા હતાં access_time 3:58 pm IST