Gujarati News

Gujarati News

News of Monday, 19th August 2019

મહારાષ્ટ્રમાં ગમખ્વાર અકસ્માતઃ બસ કન્ટેઈનર ટ્રકની ટક્કરમાં ૧૩ના ઘટના સ્થળે જ મોતઃ ૨૦ ઘાયલ

નવી દિલ્હી, તા.૧૯: મહારાષ્ટ્રના ધૂલેમાં રવિવારે રાતે મોટો અકસ્માત સર્જાયો. જેમાં ૧૩ લોકોના મોત થયા. જયારે ૧૫થી ૨૦ લોકો ઈજાગ્રસ્ત થયા. મહારાષ્ટ્રના ધૂલે જિલ્લામાં સ્ટેટ ટ્રાન્સપોર્ટની બસ અકસ્માતનો ભોગ બની. આ બસ ઔરંગાબાદથી ધૂલે તરફ જઈ રહી હતી. તે સમયે તેની ટક્કર સામેથી આવતા એક કન્ટેઈનર ટ્રક સાથે થઈ. જેમાં ૧૩ લોકોના ઘટનાસ્થળે જ મોત નિપજયાં. ઘાયલોમાંથી કેટલાકની સ્થિતિ ગંભીર છે.

ઘટનાની જાણકારી મળ્યા બાદ ઘટનાસ્થળે પહોંચેલી પોલીસે રેસ્કયુ ઓપરેશન દ્વારા દ્યાયલો અને મૃતદેહોને બસથી બહાર કાઢ્યા અને હોસ્પિટલ માટે રવાના કર્યાં. જયાં કેટલાક લોકોની હાલત ગંભીર છે. પોલીસે આશંકા વ્યકત કરી છે કે હજુ મૃતકોની સંખ્યા વધી શકે છે કારણ કે કેટલાક મુસાફરોની સ્થિતિ ગંભીર છે. જો કે ડોકટર તેમની સારવાર કરી રહ્યાં છે. પરંતુ ડોકટરોએ હાલ કઈ પણ કહેવાનો ઈન્કાર કરી દીધો છે.

મળતી માહિતી મુજબ દુર્ઘટના રવિવારે રાતે ૧૦.૩૦ કલાકે શાહદા-ડોંડીચા માર્ગ પર નિમગુલ ગામ પાસેની છે. જયાં મુસાફરોને લઈને ઔરંગાબાદથી ધૂળે જિલ્લા તરફ જઈ રહેલી બસની ટક્કર સામેથી આવતા કન્ટેઈનર ટ્ર્ક સાથે થઈ. ત્યારબાદ બસ બેકાબુ બનીને પલટી ગઈ અને અકસ્માતમાં ૧૩ લોકોના મોત થયાં.(૨૩.૮)

 

(1:01 pm IST)
  • ઉત્તર પ્રદેશમાં ઇંધણ મોંઘુ:યોગી સરકારે વેટના દરમાં કર્યો વધારો :ખાદ્ય ઘટાડવા યોગી સરકારે પેટ્રોલ ઉપર 28,8 ટકા અને ડીઝલ ઉપર 17,48 ટકા વેટ વસૂલવા કર્યો નિર્ણંય ;વેટ વધતા પેટ્રોલ લિટરે 2,35 રૂપિયા અને ડીઝલ 92 પૈસા લિટરે મોંઘુ થયું access_time 1:15 am IST

  • પાકિસ્તાની સ્કોલર, લેખિકા અને સંરક્ષણ બાબતોની નિષ્ણાત આયેશા સિદ્દીકાએ પાકિસ્તાન અને તેની સેનાને અરીસો દેખાડતા કાશ્મીરને ભૂલી જવાની શિખામણ આપી:ભારતને યુદ્ધ માટે લલકારતા પાકિસ્તાનની નબળી આર્થિક સ્થિતિની પોલ તેના જ દેશની મહિલા સ્કોલરે ઉઘાડી પાડી access_time 9:14 am IST

  • સરકારે અર્ધ સૈનિક દળની નિવૃત્તિ વયમર્યાદા નક્કી કરી ;હવે 60 વર્ષે થશે રિટાયર્ડ :ગૃહ મંત્રાલયનો આ આદેશ દિલ્હી હાઇકોર્ટના જાન્યુઆરીના ચુકાદા બાદ કરાયો :હાઇકોર્ટે કેન્દ્ર સરકીરને કહ્યું હતું કે તમામ રેન્ક માટે એક સેવા નિવૃત્તિ વાય નિર્ધારિત કરો access_time 1:02 am IST