Gujarati News

Gujarati News

News of Thursday, 19th July 2018

સંસદ ઉપર હુમલો કરવા નીકળ્યા છે બે ખાલીસ્તાની

નેપાળના રસ્તે સફેદ ઈનોવામાં મોતનો સામાન સાથે આવી રહ્યાનો ધડાકોઃ સુરક્ષા વ્યવસ્થા સજ્જડ બનાવી દેવાઈ

નવી દિલ્હી, તા. ૧૯ : ત્રાસવાદીઓએ ફરી એક વખત સંસદ ભવન ઉપર હુમલાનું ષડયંત્ર રચ્યુ છે. આવવા માટે બે ખાલિસ્તાની ત્રાસવાદીઓ નાપાક ઈરાદાઓ સાથે દિલ્હી તરફ આગળ વધી રહ્યા છે. ગુપ્તચર એજન્સીઓ તરફથી મળેલા ઈનપુટ બાદ સેન્ટ્રલ અને ન્યુ દિલ્હી જીલ્લામાં સુરક્ષા વધારી દેવામાં આવી છે. એવી બાતમી મળી છે કે ત્રાસવાદીઓ યુપીના નંબરવાળી વિસ્ફોટો સાથેની કારમાં આવી રહ્યા છે.

સૂત્રોના જણાવ્યા પ્રમાણે બે ત્રાસવાદીઓ લખવિંદરસિંહ અને પરમીંદરસિંહ નેપાળ બોર્ડરથી સફેદ ઈનોવા (યુપી ૨૬એઆર ૨૪) કારથી આવી રહ્યા છે. ઈનપુટ મળ્યા છે કે તેઓની ઉંમર ૪૦ વર્ષની નજીક છે અને તેઓ આઈઈડી બનાવવામાં નિષ્ણાંત છે. આવા ઈનપુટને ગંભીરતાથી લેવામાં આવેલ છે. કારણ કે બાતમી નક્કર મળી છે. એજન્સી ઉપરાંત એક અજાણ્યા શખ્સે પણ ફોન પર આમ જણાવ્યુ છે.

આ એલર્ટ એવા સમયે આવેલ છે કે સ્વતંત્રતા દિવસ નજીક આવી રહ્યો છે.

ખાલીસ્તાની ત્રાસવાદી ભારતમાં જ નહિં ઈટલી, યુકે અને જર્મનીમાં પણ છે અને તેમણે પંજાબ અને દેશના અન્ય હિસ્સામાં હુમલાનું ષડયંત્ર રચતા હોય છે.

(11:10 am IST)
  • દેશમાં છેલ્લા ત્રણ વર્ષમાં રાજદ્રોહના આરોપમાં 179 લોકોની ધરપકડ :માત્ર બે લોકોને દોષિત સાબિત કરી શકાયા :કેન્દ્રીય ગૃહ મંત્રલાય દ્વારા સંસદને ઉપલબ્ધ કરાયેલ આંકડા પરથી સ્પષ્ટ થયું કે રાજ્યોની પોલીસ આરોપીઓ વિરુદ્ધ દોષ સાબિત કરવામાં નિષફળ નીવડી છે access_time 1:00 am IST

  • ગ્રેટર નોઈડાના બિલ્ડીંગ ધરાશયી થતા મૃત્યુઆંક આઠ થયો :એનડીઆરએફની ટીમે કાટમાળમાંથી વધુ એક મૃતદેહ બહાર કાઢ્યો :મુખ્યમંત્રી યોગી આદિત્યનાથે મૃતકોના પરિવારજનોને 2 - 2 લાખ અને ઘાયલોને 50 હજારની મદદની જાહેરાત કરી :આ મામલે બે અધિકારીઓને સસપેન્ડ કરી દીધા છે access_time 1:01 am IST

  • દેશના અર્થવ્યવસ્થા નજીકના ભવિષ્યમાં ચિંતાનો સામનો કરાવશે :ઉદ્યોગપતિ કુમાર મંગલમ બિરલાએ સચેત કરતા કહ્યું કે ક્રૂડતેલની વધતી કિંમત,વધતો ફુગાવો અને ચાલુ ખાતાની ખાદ્ય મુખ્ય ચિંતાનો વિષય છે access_time 12:55 am IST