Gujarati News

Gujarati News

News of Wednesday, 19th June 2019

ડ્રાઈવિંગ લાઇસન્સ માટે ન્યુનતમ શૈક્ષણિક લાયકાતનો નિયમ દુર

માત્ર કુશળ છેઃ સાક્ષર છે કે નહિ તે જોવાશે

નવી દિલ્હી, તા.૧૯: સરકારે રોજગારીની તકો વધારવા માટે બસ, ટ્ર્ક અને ટ્રાન્સપોર્ટના અન્ય વાહનો ચલાવવા માટે લાઇસન્સ મેળવવા માટે ન્યૂયનતમ શૈક્ષણિક લાયકાતની જરૂરિયાતને સમાપ્ત કરવાનો નિર્ણય કર્યો છે. મિનિસ્ટ્રી ઓફ રોડ ટ્રાન્સપોર્ટ એન્ડ હાઈવેએ મંગળવારે આ જાહેરાત કરી છે. હાલમાં કેન્દ્રીય મોટર વાહન અધિનિયમ ૧૯૮૯ના નિમય ૮ મુજબ વાહન ચાલકને લાઇસન્સ મેળવવા માટે ધોરણ ૮ પાસ હોવું જરૂરી છે.

સત્તાવાર નિવેદન મુજબ આર્થિક રીતે પછાત લોકોને કામકાજ મળી શકે તે માટે કુશળ લોકોને લાભ પહોંચાડવા માટે મિનિસ્ટ્રી ઓફ રોડ ટ્રાન્સપોર્ટ એન્ડ હાઈવે દ્વારા બસ, ટ્ર્ક અને ટ્રાન્સપોર્ટ વાહનોના ચાલકો માટે ન્યૂનતમ શૈક્ષણિક લાયકાત દૂર કરવાનો નિર્ણય કર્યો છે. જેમાં કહેવામાં આવ્યું છે કે દેશમાં મોટી સંખ્યામાં બેરોજગાર યુવા છે જે ભલે શિક્ષિત નથી પરંતુ કુશળ અને સાક્ષર છે.

નિવેદનમાં કહેવામાં આવ્યું છે કે આ નિયમ રદ્દ કરતા મોટી સંખ્યામાં બેરોજગાર વ્યકિતઓ, ખાસ કરીને યુવાનો માટે દેશમાં રોજગારીની તકો ઊભી થશે. આ નિર્ણયથી ટ્રાંસપોર્ટના ક્ષેત્રમાં લગભગ ૨૨ લાખ ડ્રાઈવરોની ઉણપને પૂરી કરી શકાશે. ન્યૂનતમ શૈક્ષણિક યોગ્યતા હોવાને કારણે ડ્રાઈવરોને લાઈસન્સ મેળવવામાં તકલીફ પડતી હતી. જેથી મંત્રાલય દ્વારા કેન્દ્રી મોર વાહન ૧૯૮૯ના નિમય ૮માં સંશોધનની પ્રક્રિયા શરૂ કરી છે અને આ અંગે નોટિફિકેશન જલદી બહાર પાડવામાં આવશે. જોકે ડ્રાઈવિંગ લાઇસન્સ મેળવવા માટે અરજી કરનારા વ્યકિતએ કડક કૌશલ પરીક્ષા પાસ કરવી ફરજિયાત રહેશે.

(10:15 am IST)
  • આ વર્ષે શાળા પ્રવેશોત્સવ નહિ યોજાય : શાળા પ્રવેશ ઉત્સવને લઇ રાજય સરકારનો મહત્વનો નિર્ણયઃ આ વર્ષે શાળા પ્રવેશોત્સવ નહિ ઉજવાયઃ દર વર્ષે રાજય સરકાર દ્વારા શાળા પ્રવેશોત્સવ ઉજવાય છેઃ ટુક સમયમાં શિક્ષણ મંત્રી સત્તાવાર રીતે જાહેરાત કરશે access_time 4:04 pm IST

  • ડ્રાઈવિંગ લાયસન્સ માટે લઘુતમ શૈક્ષણિક યોગ્યતાની અનિવાર્યતા ખતમ કરશે સરકાર :હાલમાં વાહન ચાલકને લાયસન્સ મેળવવા માટે 8 પાસ હોવું જરૂરી છે;આર્થિક પછાતવર્ગને કામકાજના સંદર્ભે કુશળ લોકોને લાભ પહોંચાડવા બસ,તર્ક,અને માલવાહક,વાહનોના ચાલકો માટે લઘુતમ શૈક્ષણિક યોગ્યતા હટાવવા નિર્ણંય લેવાય શકે છે access_time 12:53 am IST

  • લોધીકામાં ૦II ઈંચ : સૌરાષ્ટ્રના ૧૨ તાલુકામાં હળવા-ભારે ઝાપટા : રાજકોટ સહિત સૌરાષ્ટ્ર - કચ્છમાં મેઘાવી માહોલ વચ્ચે હળવો - ભારે વરસાદ વરસી રહ્યો છે. આજે સાંજે ૪:૩૦ વાગ્યા સુધીમાં લોધીકામાં અડધો ઈંચ વરસાદ વરસ્યો છે. જયારે ઉમરાળા, વલ્લભીપુર, જામકંડોરણા, ગોંડલ, પડધરી, રાજકોટ, બોટાદ, ઉના, ભેસાણ, જૂનાગઢ, મેંદરડા અને વિસાવદરમાં હળવા - ભારે ઝાપટા વરસ્યા છે. access_time 4:46 pm IST