Gujarati News

Gujarati News

News of Monday, 18th June 2018

બાળકનું નામ રાખવા પણ બેલેટ પેપરથી થયું મતદાન! મહારાષ્ટ્રના ગોંદિયા જિલ્લામાં શિશુના નામ માટે ચૂંટણી

નાગપુર: ચૂંટણીને લોકતંત્રનું પર્વ કહેવાય છે,લોકતંત્રમાં ચૂંટણી દ્વારા સરકાર ચૂંટવામાં આવે છે, તેવામાં એક પરિવારમાં બાળકનું નામ રાખવા માટે પણ ચૂંટણી કરાઈ હતી મહારાષ્ટ્રના ગોદિયા જિલ્લામાં આવું બન્યું છે.અહીં એક દંપતિએ પોતાના નવજાત બાળકનું નામ રાકવા માટે પોતાના પરિવારજનો, મિત્રો અને સંબંધીઓ વચ્ચે મતદાન કરાવ્યું. મિથુન અને માનસી બાંગે 5 એપ્રિલે જન્મેલા બાળકના નામ પર નિર્ણય લેવા માટે અનોખી રીત અપનાવી. તેમણે મતદાતા તરીકે પરિવારજનો, મિત્રો અને સંબંધીઓને સામેલ કર્યા અને તે પછી 15 જૂને વોટિંગ કરાવવામાં આવ્યું.

  હકીકતમાં પરિવારજનો અને સંબંધીઓએ બાળક માટે ત્રણ નામોનું સૂચવ્યા હતા અને દંપતિએ નામ પર નિર્ણય લેવા માટે બેલેટ પેપરનો પ્રયોગ કર્યો, જેમાં સૂચવાયેલા ત્રણે નામો લખવામાં આવ્યા હતા.   ખાસ વાત છે કે કાર્યક્રમમાં હાજર લોકોમાં પૂર્વ સાંસદ નાના પટોલે પણ સામેલ હતા, જેમના રાજીનામાને કારણે 28મી મેએ ગોદિયામાં પેટાચૂંટણી કરાવવામાં આવી હતી.

  પિતા મિથુને કહ્યું કે, બાળક માટે ત્રણ નામ યક્ષ, યુવાન અને યૌવિક સૂચવાયા હતા, પરંતુ નામને લઈને અસમંજસમાં હતા. એટલે અમે બેલેટ પેપરની મદદથી નામ પર નિર્ણય લેવાનું વિચાર્યું. તેમણે કહ્યું કે, વોટિંગમાં કુલ 192 મત પડ્યા અને યુવાનને સૌથી વધુ 92 વોટ મળ્યા. તે પછી બાળકનું નામ યુવાન રાખવામાં આવ્યું છે

(12:08 am IST)
  • કાલે બુધવારે પેટ્રોલ ડીઝલના ભાવમાં કોઈ ઘટાડો નહીં થાય ;પેટ્રોલ-ડીઝલના ભાવ યથાવત રખાશે : છેલ્લા ચાર દિવસમાં પેટ્રોલમાં માત્ર આઠ પૈસા અને ડીઝલમાં આઠ -આઠ પૈસાનો બે વખત ઘટાડો કરાયો છે :રવિવાર અને સોમવારે ડીઝલના ભાવમાં સતત બે દિવસ 8 પૈસાનો ઘટાડો થયો હતો અને પેટ્રોલના ભાવ યથાવત રાખ્યા બાદ મંગળવારે પેટ્રોલમાં પણ માત્ર 8 પૈસાનો ઘટાડો થયો હતો access_time 10:43 pm IST

  • આંધ્રપ્રદેશ અને બિહાર બાદ ઓરિસ્સાએ પણ માંગ્યો વિશેષ રાજ્યનો દરજ્જો :ચંદ્રાબાબુ નાયડુ અને નીતીશકુમાર બાદ નવીન પટનાયકે પછાતપણા અને અનુસૂચિત જાતિ ,જનજાતિ વસ્તીની વધુ ટકાવારીનો હવાલો આપીને વિશેષ રાજ્યનો દરજ્જો માંગ્યો ;નિતીઆયોગની બેઠકમાં ગેરહાજર રહ્યા બાદ મોદીને લખ્યો પત્ર access_time 1:03 am IST

  • પેટ્રોલના ભાવમાં 8 પૈસાનો થશે ઘટાડો :ડીઝલના ભાવમાં કોઈ ફેરફાર કરાશે નહિ : રવિવાર અને સોમવારે ડીઝલના ભાવમાં સતત બે દિવસ 8 પૈસાનો ઘટાડો થયો હતો અને પેટ્રોલના ભાવ યથાવત રાખ્યા બાદ હવે પેટ્રોલમાં પણ માત્ર 8 પૈસાનો ઘટાડો કરાશે access_time 12:12 am IST