Gujarati News

Gujarati News

News of Monday, 19th April 2021

પાકિસ્તાન માટે જાસૂસી કરનાર હરપાલ ૧૦ દિવસના રિમાન્ડ પર

ત્રણ વર્ષથી પાક. એજન્સીને માહિતી મોકલતો હતો : હરપાલ વિદેશી નંબરો ઉપર ભારતમાં વ્હોટ્સએપ અને મેસેન્જર વાપરતો હતો અને વ્હોટ્સએપ કોલ કરતો હતો

નવી દિલ્હી, તા. ૧૯ : હરપાલ સિંહ (૩૫) છેલ્લા વર્ષથી પાકિસ્તાની ગુપ્તચર એજન્સી આઈએસઆઈને ભારતીય સેના અને બીએસએફની ગુપ્ત માહિતીઓ મોકલી રહ્યો હતો. તે ભારતમાં રહીને વિદેશી નંબરની મદદથી ગુપ્ત માહિતી મોકલી રહ્યો હતો. ગુપ્ત માહિતી મોકલવા માટે તેણે અત્યાર સુધીમાં ૧૨ વિદેશી નંબરોનો ઉપયોગ કર્યો છે. તેમાં મોબાઈલ નંબર ઓમાન, પાકિસ્તાન અને બાંગ્લાદેશ સહિત અન્ય દેશોના છે.

હરપાલ વિદેશી નંબરો પર ભારતમાં વ્હોટ્સએપ અને મેસેન્જર વાપરતો હતો અને વ્હોટ્સએપ કોલ કરતો હતો. સુરક્ષા એજન્સીના અધિકારીઓના કહેવા પ્રમાણે વિદેશી નંબર દ્વારા ભારતીય ગુપ્ત માહિતી મોકલીને તે સુરક્ષા એજન્સીઓથી બચવા પ્રયત્ન કરી રહ્યો હતો. વિદેશી નંબરને લોકેટ કરવો મુશ્કેલ હોય છે. દિલ્હી પોલીસે આરોપી હરપાલને ૧૦ દિવસના પોલીસ રિમાન્ડ પર લીધો છે.

તે પાકિસ્તાનમાં રહેલા પોતાના આઈએસઆઈ હેન્ડલર જસપાલને ગુપ્ત માહિતીઓ મોકલતો હતો. પાકિસ્તાનમાં રહેલો જસપાલ ભારતીય નંબર વાપરે છે. ભારતીય નંબર હરપાલે જસપાલને પહોંચાડ્યો હતો.

સ્પેશિયલ સેલના અધિકારીઓએ જણાવ્યું કે, મજૂર તરીકે કામ કરતો હરપાલ સોશિયલ મીડિયામાં ખૂબ એક્ટિવ હતો. તે પોતાના ઘર અને ખેતરોને ગિરવે મુકીને જૂન, ૨૦૧૯માં ઓમાન ગયો હતો. તેના પાસે વર્ષ કરતા વધારે સમયના વિઝા હતા પરંતુ તે મહિનામાં પાછો આવી ગયો હતો. ત્યારથી સુરક્ષા એજન્સીઓ તેના પર નજર રાખી રહી હતી. ઓમાનમાં તેને આઈએસઆઈ માટે કામ કરવા તૈયાર કરવામાં આવ્યો હતો.

(7:59 pm IST)
  • કર્ણાટકમાં કુંભમાંથી પરત ફરનારાઓએ RT-PCR ટેસ્ટ ફરજીયાત: સાત દિવસ ઘરે રહેવું પડશે કર્ણાટકમાં કુંભમાંથી પરત ફરનારાઓએ RT-PCR ટેસ્ટ ફરજીયાત કરી નાખ્યો છે. રાજ્યનાં આરોગ્ય પ્રધાને તેની જાહેરાત કરતા કહ્યું કે હરિદ્વાર કુંભમાં ભાગ લઈને આવવા વાળા યાત્રીઓએ એક સપ્તાહ સુધી ઘરે ક્વોરન્ટાઈન રહેવું ફરજીયાત છે. access_time 1:45 pm IST

  • રેલ્વે આ સાથેની સૂચિ મુજબના રાજ્યોમાં નિ:શુલ્ક ઓક્સિજન પૂરો પાડશે : મહારાષ્ટ્ર 1500 મેટ્રિક ટન, ઉત્તરપ્રદેશ 800 મેટ્રિક ટન, દિલ્હી 350 મેટ્રિક ટન, પંજાબ 300 મેટ્રિક ટન, છટ્ટીસગઢ 250 મેટ્રિક ટન, ગુજારાત 200 મેટ્રિક ટન, બિહાર 200 મેટ્રિક ટન, ઝારખંડ 200 મેટ્રિક ટન access_time 9:34 am IST

  • સ્ટેશનરી પેપર બુક્સ મર્ચન્ટ ઍસો. દ્વારા કાલથી શનિવાર સુધી અડધા દિવસનું સ્વૈચ્છિક લોકડાઉન : તમામ સ્ટેશનરી, વેપારી અને કાલે તા. ૨૦ થી ૨૪ ઍપ્રિલ મંગળવાર સુધી સવારે ૯ થી બપોરે ૩ વાગ્યા સુધી સ્વૈચ્છિક રીતે ચુસ્ત લોકડાઉન પાળવા ઍસોસીઍશનની અપીલ access_time 6:18 pm IST