Gujarati News

Gujarati News

News of Monday, 19th April 2021

તંગી વચ્ચે ઈફકો કલોલમાં ઓક્સિજન પ્લાન્ટ લગાવશે

ખાતરનું ઉત્પાદન-વેચાણ કરતી સહકારી સમિતિની પહેલ : ઈફ્કો ઓક્સિજન હોસ્પિટલોને ફ્રીમાં આપશે, તૈયાર થનારા ૧ ઓક્સિજન સિલિન્ડરમાં ૪૬.૭ લિટર ઓક્સિજન હશે

નવી દિલ્હી, તા. ૧૯ : ખાતરનું ઉત્પાદન અને વેચાણ કરતી સહકારી સમિતિ ઈફ્કોએ કોરોના સંકટ વચ્ચે દેશમાં ઓક્સિજનની જે તંગી વર્તાઈ રહી છે તેને અનુલક્ષીને એક ખૂબ સુંદર પહેલ કરી છે. ઈફ્કો ગુજરાતના કલોલ ખાતે આવેલા પોતાના કારખાનામાં ૨૦૦ ક્યુબિક મીટર પ્રતિ કલાકની ઉત્પાદન ક્ષમતાવાળો ઓક્સિજન પ્લાન્ટ લગાવી રહ્યું છે.

ઈફ્કો ઓક્સિજન હોસ્પિટલોને ફ્રીમાં પૂરો પાડશે. કારખાનામાં તૈયાર થનારા એક ઓક્સિજન સિલિન્ડરમાં ૪૬. લિટર ઓક્સિજન હશે. માંગને અનુલક્ષીને કારખાનુ દરરોજ ૭૦૦ મોટા ડી ટાઈપના અને ૩૦૦ મીડિયમ બી ટાઈપના સિલિન્ડરમાં મેડિકલ ગ્રેડનો ઓક્સિજન પૂરો પાડશે. ઓક્સિજન હોસ્પિટલનો ફ્રીમાં પૂરો પાડવામાં આવશે અને એટલું નહીં, મહામારીમાં દેશની મદદ કરવા ઈફ્કો આવા વધુ પ્લાન્ટ પણ સ્થાપિત કરશે. માટે હોસ્પિટલોએ ખાલી સિલિન્ડર મોકલવાના રહેશે. જો કોઈ હોસ્પિટલ પોતાના સિલિન્ડર નહીં મોકલે તો માટે તેણે સિક્યોરિટીની રકમ જમા કરાવવી પડશે. હોસ્પિટલો સિલિન્ડરનો ભરાવો કરે તે માટે વ્યવસ્થા નક્કી કરવામાં આવી છે. ઈફ્કોના એમડી અને સીઈઓ ડૉ. યુએસ અવસ્થીએ પોતે ટ્વીટ કરીને અંગેની જાણકારી આપી છે.

(7:58 pm IST)
  • કેન્દ્ર સરકાર દ્વારા COVID-19 દર્દીઓની માંગને પહોંચી વળવા ઉદ્યોગોને ઓક્સિજનના સપ્લાય પર પ્રતિબંધ મુક્યો access_time 10:09 pm IST

  • નવા કૃષિ કાયદાઓ પાછા ખેંચવાની માગણી સાથે છેલ્લા ઘણા મહિનાથી ગાઝિયાબાદની યુપી ગેટ બોર્ડર પર વિરોધ કરી રહેલા ખેડૂત નેતાઓનું જોમ ઘટી રહેલ જોવા મળી રહ્યું છે. કોરોના રોગચાળાની બીજી લહેરનો ભય ત્યાં પણ દેખાય રહ્યો છે. ધારણામાં ખેડુતોની સંખ્યા પણ ખૂબ ઓછી દેખાય રહી છે. દરમિયાન, ગાઝિયાબાદ પોલીસની સાથે દિલ્હી પોલીસ NH -9 નો એક ભાગ ખોલી રહી છે. પોલીસ અધિકારીઓનું કહેવું છે કે, કોરોના દર્દીઓ લઇને ચાલી રહેલી એમ્બ્યુલન્સ સેવાઓ ચલાવવામાં કોઈ અવરોધ ન આવે તે માટે આ કાર્યવાહી કરવામાં આવી રહી છે. access_time 9:36 am IST

  • સંરક્ષણ મંત્રાલયે જાહેર કર્યું છે કે ડીઆરડીઓએ SpO2 (બ્લડ ઓક્સિજન સંતૃપ્તિ) ની પૂરક ઓક્સિજન ડિલિવરી સિસ્ટમ વિકસાવી છે જેનો ઉપયોગ મધ્યમ લક્ષણોવાળા કોવિડ19 દર્દીઓમા ઓક્સિજન ફ્લો થેરેપી માટે થઈ શકશે. access_time 5:11 pm IST