Gujarati News

Gujarati News

News of Monday, 19th April 2021

સરકાર કોરાના સામે લડે, ખેડૂતો સામે નહીં : કિસાન મોરચો

કોરોના વચ્ચે પણ દિલ્હી બોર્ડર પર ખેડૂતોના ડેરા : સરકારે ખેડૂતો જ્યાં દેખાવો કરી રહ્યા છે તે દિલ્હી બોર્ડર પર ખેડૂતોને રસી મુકવા માટે સેન્ટર શરુ કરવુ જોઈએ

નવી દિલ્હી, તા. ૧૯ : દેશભરમાં હાહાકાર મચાવી રહેલા કોરોના વચ્ચે પણ દિલ્હી બોર્ડર પર ખેડૂતોએ સરકારના નવા કૃષિ કાયદાઓના વિરોધમાં આંદોલન ચાલુ રાખવાનુ એલાન કર્યુ છે.

સંયુક્ત કિસાન મોરચાએ કહ્યુ હતુ કે, સરકારે ખેડૂતો સામે નહીં પણ કોરોના વાયરસ સામે લડવુ જોઈએ. અમારી માંગણીઓ પૂરી થશે પછી આંદોલન ખતમ થશે. સરકારે ખેડૂતો જ્યાં દેખાવો કરી રહ્યા છે તે દિલ્હી બોર્ડર પર ખેડૂતોને રસી મુકવા માટે સેન્ટર શરુ કરવુ જોઈએ અને વાયરસથી ખેડૂતોનુ રક્ષણ થાય તે માટે વ્યવસ્થા કરવી જોઈએ.

સંગઠને કહ્યુ હતુ કે, કોરોનાની મહામારી દેશમાં ફરી પ્રસરી રહી છે ત્યારે કેન્દ્ર સરકારે ખેડૂતો અને મજૂરોની ચિંતા કરવી જોઈએ. કારણકે સમાજના બે વર્ગની સરકારે અત્યાર સુધી ઉપેક્ષા કરી છે. દિલ્હીની બોર્ડર પર અને દેશના બીજા ભાગોમાં ખેડૂત આંદોલન ત્યારે સમાપ્ત થશે જ્યારે સરકાર ખેડૂતોની માંગણીઓ માની લેશે. સરકાર જો ખરેખર ખેડૂતોની સ્થિતિ માટે ચિંતિત હોય તો તેણે ખેડૂતોની માંગણીઓ સ્વીકારી લેવી જોઈએ.

(7:57 pm IST)
  • ઈન્ડિયન પ્રીમિયર લીગની 14 મી આવૃત્તિની મધ્યમાં ચેન્નાઈ સુપર કિંગ્સ માટે ખરાબ સમાચાર સામે આવ્યા છે. ટીમના સ્પિન કોચ મુથૈયા મુરલીધરનની તબિયત અચાનક બગડી હતી અને ત્યારબાદ તેને ચેન્નઈની એપોલો હોસ્પિટલમાં દાખલ કરવામાં આવ્યા છે. જાણવા મળ્યું છે કે તેની છાતીમાં અચાનક દુખાવો થયો હતો, ત્યારબાદ તેને હોસ્પિટલમાં દાખલ કરવામાં આવ્યા હતા. access_time 11:02 pm IST

  • મહારાષ્ટ્રમાં કોરોનાનો હાહાકાર : છેલ્લા 24 કલાકમાં આજે પણ કોરોનાના 68,631 નવા કેસ નોંધાયા છે, જ્યારે 503 લોકોનાં દુઃખદ મોત નીપજ્યાં છે. access_time 10:23 pm IST

  • "સિસ્ટમનું પતન થશે" : યુ.પી. માં અલ્હાબાદ હાઇકોર્ટ આકરાપાણીએ : ઉત્તરપ્રદેશના પાંચ શહેરોમાં 26 એપ્રિલ સુધી લોકડાઉન નો આદેશ કર્યો : સરકારની ઝાટકણી કાઢતા કોર્ટે કહ્યું, "લખનૌમાં મુખ્ય પ્રધાન પણ આઇસોલેશનમાં છે. જો લોકપ્રિય સરકારની રોગચાળા દરમિયાન જાહેર હિલચાલની તપાસ ન કરવાની પોતાની રાજકીય મજબૂરી હોય, તો આપણે ફક્ત નિષ્ક્રિય દર્શકો તરીકે જોઈ શકીએ નહીં! access_time 6:10 pm IST