Gujarati News

Gujarati News

News of Monday, 19th April 2021

રાજ્યો ઇચ્છે તો લોકડાઉન લગાવી શકે છે: અમિતભાઈનો સ્પષ્ટ ઈશારો

પશ્ચિમ બંગાળમાં ભાજપ ઓછામાં ઓછી ૨૦૦ બેઠકો જીતશે.

નવી દિલ્હી : ગૃહ મંત્રી અમિતભાઈ શાહે  ખાનગી ટીવી ચેનલને આપેલી મુલાકાતમાં કહ્યું હતું કે નવી કોવિડની બીજી લહેરને કોઈપણ સંજોગોમાં હળવી નહીં આંકવી જોઈએ. તેમણે લોકડાઉનની સંભાવના રાજ્યોના વિવેક ઉપર છોડવાનો ઈશારો કરેલ અને કહેલ કે ભારત જ નહીં અન્ય દેશોમાં પણ કોવિડની નવી લહેર વધુ ખતરનાક સાબિત થઈ છે. ભારતે બીજા દેશોની તુલનામાં કોવિડ સામે લડવા માટે વધુ સારું કાર્ય કર્યું છે. રાજ્ય સરકારોએ સાથે મળીને આ આપદા સામે લડવું પડશે.
તેમણે કહેલ કે દેશમાં રેમ ડેસીવીર દવા અને ઓક્સિજનની કોઈ જ કમી નથી. નરેન્દ્રભાઈ સતત કોવીદની પરિસ્થિતિની ની સમીક્ષા કરી રહ્યા છે.
ચૂંટણી રેલીઓનો બચાવ કરતાં કહે છે કે ચૂંટણી પંચે નવા નિર્દેશ આપ્યા છે તેનું પાલન થઈ રહ્યું છે. વડા પ્રધાનની રેલીઓમાં પણ પ્રત્યેક જોગવાઈનું પાલન થઈ રહ્યું છે.
પશ્ચિમ બંગાળમાં ભાજપ ઓછામાં ઓછી ૨૦૦ બેઠકો જીતશે.
તેમણે કહ્યું કે જયશ્રીરામનો નારો માત્ર ધાર્મિક નારો નથી પરંતુ પશ્ચિમ બંગાળની જનતાનું દર્દ સામે લાવી રહ્યું છે. તેમણે એમ પણ કહ્યું કે કોંગ્રેસ કન્ફ્યુઝ સેક્યુલર પાર્ટી છે.

(9:51 am IST)
  • નાણાં પ્રધાન નિર્મલા સીતારામને રવિવારે ઉદ્યોગ જગતને ખાત્રી આપી હતી કે દેશવ્યાપી લોકડાઉન લાદવામાં આવશે નહીં. કોરોનાની બીજી લહેરમાં સતત વધી રહેલા સંક્રમણને ધ્યાનમાં રાખીને, દેશભરમાં લોકડાઉન લાદવાની અટકળો શરૂ થઈ ગઈ છે. આવી સ્થિતિમાં, વધતી અનિશ્ચિતતા સાથે કામદારોના સ્થળાંતરનો ભય પણ વધી રહ્યો છે. access_time 9:35 am IST

  • પંજાબના મુખ્યમંત્રીએ COVID19 પરિસ્થિતિની સમીક્ષા કરી : 20 થી 30 એપ્રિલ દરમ્યાન નાઇટ કર્ફ્યુનો સમય વધારીને સાંજે 8 થી સવારે 5 નો કર્યો, તમામ બાર, સિનેમા હોલ, જિમ, સ્પા, કોચિંગ સેન્ટરો, સ્પોર્ટસ સંકુલ બંધ કરવાનો આદેશ આપ્યો : લગ્ન અને અંતિમ સંસ્કાર સહિતના મેળાવડામાં 20 થી વધુ લોકો પર પ્રતિબંધ : આ સાથે સરકારી અને ખાનગી લેબ્સ દ્વારા RT-PCR અને રેપિડ એન્ટિજેન ટેસ્ટ ના દરો અનુક્રમે રૂ. 450 અને રૂપિયા 300 કરવામાં આવ્યા હોવાનું મુખ્યમંત્રી કાર્યાલયે જાહેર કર્યું access_time 4:47 pm IST

  • દેશમાં ભયંકર રીતે ફેલાય રહેલ કોરોના સંક્રમણ : આજે સળંગ ચોથા દિવસે નવા કોરોના કેસ 2 લાખ ઉપર નોંધાયા : છેલ્લા ચોવીસ કલાકમાં ભારતમાં 2,71,000 થી વધુ નવા કેસ અને 1570 દુઃખદ મૃત્યુ નોંધાયા : રાત્રે 11 વાગ્યે હજુ બે રાજ્યોના કેસ રિપોર્ટ થવાના બાકી access_time 11:26 pm IST