Gujarati News

Gujarati News

News of Monday, 18th March 2019

પ્રમોદ સાવંત ગોવાના નવા મુખ્યમંત્રી : બે ડેપ્યુટી સીએમ પણ ચૂંટાયા :રાત્રે 11 વાગ્યે શપથ ગ્રહણ

પાર્રિકરના અંતિમ સંસ્કાર બાદ એક કલાકની અંદર ધારાસભ્યોની બેઠકમાં લેવાયો નિર્ણંય

 

પણજી: ગોવાના નવા મુખ્યમંત્રી પદે પ્રમોદ સાવંત અને બે ડેપ્યુટી સીએમની મોડીરાત્રે 11 વાગ્યે શપથવિધિ થશે ગોવાના મુખ્યમંત્રી મુખ્યમંત્રી મનોહર પર્રિકરના અંતિમ સંસ્કાર બાદ એક કલાકની અંદર ધારાસભ્યોની બેઠક મળી હતી જેમાં નવા મુખ્યમંત્રી પ્રમોદ સાવંતના નામ પર મહોર લાગી હતી

બેઠકમાં ભાજપના રાષ્ટ્રીય અધ્યક્ષ અમિતભાઇ શાહ અને કેન્દ્રીયમંત્રી નીતિન ગડકરી હાજર હતા. ગોવામાં સુદિન ધવલીકર અને વિજય સરદેસાઈ બંને ડેપ્યુટી સીએમ બનશે.

એવું કહેવાય છે કે મહારાષ્ટ્ર ગોમાંતક પાર્ટીનાં ધારાસભ્ય સુદીન ધવલીકરે પણ સીએમ બનવાની ઈચ્છા વ્યક્ત કરી છે. જો કે, ધારાસભ્યોની મરજી જાણ્યા બાદ ગોવામાં મુખ્યમંત્રી સાથે ડેપ્યુટી સીએમનો ફોર્મ્યુલો લાગુ કરાયો અને સાવંતને સીએમ બનાવાયા છે.

(10:41 pm IST)