Gujarati News

Gujarati News

News of Monday, 19th March 2018

અવકાશયાનમાં ડિટેકટર લગાવી અન્‍ય બ્રહ્માંડોનું અસ્‍તિત્‍વ અને અંતર માપી શકાશેઃ હોકિંગ્‍સ

મૃત્‍યુના બે સપ્તાહ પૂર્વે સ્‍ટીફન હોકિંગ્‍સ પૃથ્‍વીના મૃત્‍યુનું અનુમાન કેમ લગાવવું ? તે બતાવી દીધેલ : છેલ્લા રિસર્ચ પેપરમાં આ મહાન વૈજ્ઞાનિકે બીજા બ્રહ્માંડો છે તે સાબિત કરવાના ઉપાય દર્શાવ્‍યા છે

વોશિંગ્‍ટન : મૃત્‍યુ પૂર્વે માત્ર ર અઠવાડીયા પહેલા મહાન વૈજ્ઞાનિક સ્‍ટીફન હોકિંગ્‍સે જણાવી દીધેલ કે આપણે પૃથ્‍વીના વિનાશનું અનુમાન કેવી રીતે લગાવી શકીએ.

વૈજ્ઞાનિક થોમસ ઇટોન્‍ગ સાથે કરેલ સંશોધનના છેલ્લા હેવાલમાં માનવ સભ્‍યતાના અંત સાથે એકથી વધુ બ્રહ્માંડની માન્‍યતાનો પણ હોકિંગ્‍સે સ્‍વીકાર કરવા સાથે જ કહેલ કે તારાઓની ઉર્જા ખત્‍મ થવા સાથે જ પૃથ્‍વીનો અંત આવી જશે. જો કે કેનેડાની પેરેમીટર ઇન્‍સ્‍ટીટયુટના પ્રખ્‍યાત વૈજ્ઞાનિક નીલ ટયુરોકે આ દાવાને ફગાવી દીધો છે.

અંતરિક્ષ વૈજ્ઞાનિક પ્રો. કાર્લોસ ફ્રેન્‍કે કહયું છે કે સ્‍ટીફન હોકિંગ્‍સ દ્વારા અપાયેલા બીજા બ્રહ્માંડોના અસ્‍તિત્‍વના પુરાવાઓ હવે આકાશ અંગે અત્‍યાર સુધી મૌજુદ તમામ પ્રચલિત અને સ્‍થાપીત  માન્‍યતાઓને બદલી નાખશે.

હોકિંગ્‍સ સાથે અન્‍ય બ્રહ્માંડોનું સંશોધન કરનાર સહ-લેખક થોમસ હર્ટોંગે કહયું કે કે સ્‍ટીફન હોકિંગ્‍સ જો જીવિત હોત તો તેમને આ એકથી વધુ બ્રહ્માંડો અસ્‍તિત્‍વમાં હોવાના હેવાલ માટે અચૂક નોબલ પુરસ્‍કાર એનાયત કરવામાં આવ્‍યો હોત.

હોકિંગ્‍સે અંતરિક્ષના અનેક રહસ્‍યો ઉપરથી પડદો હટાવ્‍યો છે. અને અવકાશ સંબંધી મુખ્‍ય સિધ્‍ધાંતો આપ્‍યા છે. મૃત્‍યુ પૂર્વેના એકથી વધુ બ્રહ્માંડો અસ્‍તિત્‍વમાં હોવાનું પ્રતિપાદીત કરતા તેમના સંશોધનલેખ એ સ્‍મૂધ એકિઝટ ફ્રોમ ઇટરનલ ઇંફલેશનમાં તેમણે દાવો કર્યો છે કે, અવકાશયાનમાં ડીટેકટર' ની મદદથી વૈજ્ઞાનિક બ્રહમાંડનું અંતર માપી શકે છે. તેનાથી બીજા બ્રહ્માંડની ભાળ મળશે. આ પૂર્વે ઠેઠ ૧૯૮૩ માં સ્‍ટીફન હોકિંગ્‍સે આપણા હાલના પૃથ્‍વી-સૂર્ય-આકાશગંગા-તારાઓ સહિતના બ્રહ્માંડ સિવાઇ પણ બીજા બ્રહ્માંડો હોવાની વાત કરી હતી. પરંતુ તેની સત્‍યતા સ્‍થાપિત કરવાનો સંભવ ન હતો. એવું મનાય છે કે મૃત્‍યુ પુર્વે  તેમણે આપેલા તેમના આ છેલ્લા  રિસર્ચ પેપરમાં તેમણે  એકથી વધુ બ્રહ્માંડો હોવાનું સાબિત કરવાનો રસ્‍તો-ઉપાય શોધી કાઢયો છે. આ સંશોધન વિજ્ઞાન માટે અનેક નવી દિશાઓ ખોલી નાખશે.

(11:41 am IST)
  • દર વર્ષે 20 માર્ચે વલ્ડ સ્પેરો ડેની ઉજવણી થાય છે. આજકાલ ચકલી વિલુપ્ત થતું પક્ષી બન્યું છે. ત્યારે ફરીથી ગોરૈયાને આંગણે આવતી કરવા ચકલી બચાવવા ઝુંબેશ થરુ થઈ છે. જંગલ કપાતા ગયા અને આંગણાનું આ પક્ષી પણ ખોવાતું ગયું છે. રાજકોટ મ્યુનિસિપલ કોર્પોરેશન ચકલીઓના માળાનું વિતરણ કરી રહી છે. કલીઓને લુપ્ત થતી ત્યારે જ બચાવી શકાશે જ્યારે વર્ષ ભર તેમને માટે કામગીરી કરાશે. access_time 1:24 am IST

  • ટેક્નોલોજી જાયન્ટ ગૂગલ, માઇક્રોસોફ્ટ, એપલ અને ફેસબૂક સહિતની બીજી કંપનીઓને સતત હેકર્સનો ભય રહે છે. આ કંપનીઓ બગ્સને શોધનાર વ્યક્તિને કરોડો રુપિયા ઓફર કરે છે. માઇક્રોસોફ્ટ રુ.1.6 કરોડ, એપલ આપે છે 1.2 કરોડ, 2017માં ગૂગલે આપ્યા છે 19.52 કરોડ રૂપિયા, ફેસબુકે 2017માં ખર્ચ કર્યા રુ.5.17 કરોડ, સેમસંગ અને ઇન્ટેલ પણ આપે છે 1.2 કરોડ. ટ્વીટર 12.8 લાખનું ઇનામ આપે છે. access_time 1:24 am IST

  • કેજરીવાલે ભાજપના પૂર્વ રાષ્ટ્રીય અધ્યક્ષ અને કેન્દ્રીયમંત્રી નીતિન ગડકરી અને કોંગ્રેસ નેતા કપિલ સિબ્બલ અને તેના દિકરા અમિત સિબ્બલની પણ માફી માગી લીધી છે. દિલ્હીના મુખ્યમંત્રી અરવિંદ કેજરીવાલે અકાલી દળના નેતાની માફી માગતા આમ આદમી પાર્ટીના પંજાબ એકમમાં ધમાસણ જોવા મળ્યું હતું. આ ધમાસાણ હજુ રોકાયુ ન હતું ત્યાં તો કેજરીવાલે બીજા થોડા નેતાઓની માંફી માગી લીધી છે. આમ કેજરીવાલે હવે તે નેતાઓની માફી માગવાનું શરૂ કરી દીધું છે જેને પોતાના ભાષણ અને નિવેદનમાં આરોપ લગાવ્યો હતો અને તે નેતાઓએ કેજરીવાલ વિરુધ્ધ માનહાનીનો કેસ દાખલ કર્યો હતો. access_time 4:00 pm IST