Gujarati News

Gujarati News

News of Tuesday, 19th January 2021

લાવેપોરાની અથડામણમાં માર્યા ગયેલા ત્રણેય યુવાનો આતંકવાદી હતા : પોલીસે કર્યો ખુલાસો

ટેકનીકલ પુરાવા એકત્ર કરવામાં આવી રહ્યા છે જે તેમના વાલીઓને બતાવાશે

જન્મુ તા. ૧૯ : લાવેપોરામાં થોડા દિવસ પહેલા થયેલ અથડામણમાં માર્યા ગયેલ ત્રણ યુવકોનો કિસ્સો ફરી ચર્ચામાં આવ્યો છે. જે તે સમયે યુવકોને ઓવર ગ્રાઉન્ડ વર્કર બતાવનાર પોલીસે હવે રહી રહીને એવો ખુલાસો કર્યો છે કે આ ત્રણેય યુવક આતંકવાદી હતા.

આઇજીપી કશ્મીર રેન્જ વિજય કુમારે જણાવ્યુ કે લાવેપોરા અથડામણમાં માર્યા ગયેલા ત્રણેય યુવકો આતંકી હતા. પોલીસ થોડા સમયમાં જ તેના નકકર પુરાવા તેમના માતા પિતાને સોંપશે. મૃતદેહ પરિવારજનોને સોંપવાની વાત અંગે તેઓએ જણાવેલ કે હાલ કોવિડ -૧૯ ના સમયમાં મૃતદેહ જો સોંપવામાં આવે તો તેમની અંતિમયાત્રામાં હજારો લોકો ઉમટવાની પુરી આશંકા રહે. જેથી કોવિડ પ્રોટોકોલ ભંગ ન થાય તે માટે પુરતો ખ્યાલ રાખવામાં આવ્યો છે.

આઇજીપીએ જણાવેલ કે અમે હજુ વધુ ટેકનીકલ પુરાવાઓ એકત્ર કરી રહ્યા છીએ.

 હાલ તેમના માતા પિતા પોતાના સંતાનો નિર્દોષ હોવાની વાતને લઇને હોબાળો મચાવી રહ્યા છે તેમને આ પુરાવાઓ બતાવવામાં આવશે. એટલુ જ નહીં આતંકીઓ માટે નેટવર્કની જેમ કામ કરી રહેલ ઓવરગ્રાઉન્ડ વર્કરો ઉપર પણ ગાળીયો મજબુત બનાવાયો છે.

અહીં એ ઉલ્લેખનીય છે કે યુવકોના પરિવારજનો કોઇ રીતે એ વાત સ્વિકારવા તૈયાર નથી કે ત્રણેય આતંકવાદી હતા. ઘાટીના લોકોએ કાળી પટ્ટી બાંધી વિરોધ નોંધાવ્યો હતો.

(3:00 pm IST)
  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST

  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST

  • મમતા બેનરજીએ નેતાજી બોઝની જન્મજયંતિને દેશનાયક દિવસ તરીકે ઉજવવાની ઘોષણા કરી: મોદી સરકારે નેતાજી બોઝની જન્મજયંતિને પરાક્રમ દિવસ તરીકે ઉજવવાનું નક્કી કર્યું : મોદી સરકારના નિર્ણયને મમતા બેનર્જીએ રાજનીતિ પ્રેરિત ગણાવ્યો access_time 12:55 am IST