Gujarati News

Gujarati News

News of Tuesday, 19th January 2021

ફ્રાયમ્સને પાપડ ન કહેવાયઃ ૧૮% -GST ચાલુ રહેશે

નવી દિલ્હી,તા. ૧૯: પાપડ એટલે ગુજરાતી ભોજનનો મહત્વનો હિસ્સો, દાળ -ભાત કે ખીચડી -કઢી સાથે પાપડ ખાવાની મજા કંઇ ઓર જ હોય છે. પાપડ શેકેલા પણ હોય અને તળેલા પણ હોય. આ પાપડ સાથે કેટલાક લોકોએ અન-ફ્રાઇડ ફ્રાયમ્સને જોડી દીધા છે. જેથી ગુડસ એન્ડ સર્વિસીસ ટેકસ (જીએસટી)માં રાહત મળે. પરંતુ, ઓથોરિટી ફોર એડવાન્સ રૂલિંગ્સ એજન્સીએ ઠરાવ્યું છે કે ફ્રાયમ્સ તળેલા હોતા નથી અને પેકેજ્ડ ફુડમાં ગણાય છે તેથી એને પાપડ જેવી કરરાહત આપી શકાય નહીં.

એજન્સીએ પીટિશનને નકારી કાઢતા કહ્યું છે કે અચોક્કસ કદના પેકેજ્ડ નાસ્તા / ખાદ્યપદાર્થ ફ્રાયમ્સ વિશે સંસદસભ્યોએ કોઇ સ્પષ્ટ પરિભાષા જણાવી નથી તેથી એને પાપડ સાથે સરખાવી શકાય નહીં. તેથી એની પર ૧૮ ટકા જીએસટી ચાલુ જ રહેશે. પાપડ પર કોઇ જીએસટી લગાડાયો નથી. અન-ફ્રાઇડ પેકેજ્ડ ફુડ ફ્રાયમ્સને નમકીન અથવા ફરસાણ તરીકે ગણવામાં આવે છે અને પાપડ તરીકે નહીં. તેથી એને પરંપરાગત  ખાદ્યપદાર્થ પાપડ સાથે સરખાવી શકાય નહીં, પરિણામે એની પર ૧૮ ટકા જીએસટી લાગશે.

(10:27 am IST)
  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST

  • ' ખેતી કા ખૂન ' : કોંગ્રેસના પૂર્વ અધ્યક્ષ રાહુલ ગાંધીએ બુકલેટ લોન્ચ કરી : નવા કૃષિ કાનૂનથી સમગ્ર દેશની ખેતી ઉપર ચારથી પાંચ કોર્પોરેટ ક્ષેત્રોનો કબજો આવી જશે : પત્રકાર પરિષદમાં સંબોધન કર્યું access_time 8:58 pm IST

  • રાજકોટની કોટેચા હાઈસ્કુલના પ્રિન્સીપાલ સહિત ૩ કર્મચારીઓ કોરોના સંક્રમિત : તમામ આઈસોલેટેડ : ધો.૧૦-૧૨ના વિદ્યાર્થીઓ માટે સ્કુલ શરૂ થતાં જ કોરોનાનો ફફડાટ : શહેર - જીલ્લામાં મળી હાઈસ્કુલોમાં કુલ ૬ કર્મચારીઓ કોરોનાની ઝપેટમાં access_time 6:25 pm IST