Gujarati News

Gujarati News

News of Saturday, 18th January 2020

બંગાળ ભાજપ પ્રમુખ ફરી ભાન ભૂલ્યા : CAAનો વિરોધ કરનારાઓને ગણાવ્યા 'શેતાન અને કીડા'

ટીએમસીએ કહ્યું રાજ્યનાં લોકો તેમના અને તેમના પક્ષનાં ઘમંડનો જવાબ આપશે

 

કોલકતા : પશ્ચિમ બંગાળનાં ભાજપનાં વડા દિલીપ ઘોષે ફરી એકવાર વિવાદિત નિવેદન આપ્યું છે. તેમણે કહ્યું છે કે, જે લોકો નાગરિકતા સુધારો કાયદા (સીએએ) નો વિરોધ કરે છે તેઓ 'ડેવિલ્સ એન્ડ વોર્મ્સ' છે. ઘોષ હાવડામાં સીએએનાં સમર્થનમાં આયોજીત એક રેલીમાં બોલી રહ્યા હતા. તેમણે લોકોને પશ્ચિમ બંગાળનાં મુખ્યમંત્રી મમતા બેનર્જી અને તૃણમૂલ કોંગ્રેસનાં અન્ય નેતાઓની જાળમાં ન આવવા કહ્યું. જેઓ એમ કહેતા હોય છે કે પાન અને આધારકાર્ડવાળા શરણાર્થીઓએ નાગરિકત્વ માટે અરજી કરવાની જરૂર નથી.

 તેમણે કહ્યું, 'શરણાર્થીઓને તાજા નાગરિકત્વ કાયદા દ્વારા નાગરિકત્વ લેવું પડશે. જો તમે તમારી વિગતો સબમિટ નહીં કરો તો તમે મુશ્કેલીમાં આવી શકો છો. ઘોષે સીએએ વિરુદ્ધ રેલીઓ અને દેખાવો પર પણ નિશાન સાધતા કહ્યું, 'જ્યારે હિન્દુઓને પડોશી દેશોમાંથી ભારત છોડવું પડ્યું, ત્યારે બૌદ્ધિજીવીઓ ક્યારેય રસ્તાઓ પર ઉતર્યા નહીં.' તેમણે કહ્યું કે, આ કાયદો શરણાર્થીઓને નાગરિકત્વ આપવા માટે છે, તેમની નાગરિકતા છીનવવાનો નથી

  . ઘોષે વિપક્ષ પર લોકો પર ગેરમાર્ગે દોરવાનો આરોપ લગાવતા કહ્યું હતું કે, 'વડા પ્રધાનમંત્રી નાગરિકત્વ સાબિત કરવા માટે અરજી કરવા માટે ત્રણથી ચાર મહિનાનો સમય આપશે. તમારે બધાએ નાગરિકત્વ માટે અરજી કરવી જોઈએ. તમારે કંઈપણ સાબિત કરવા માટે દસ્તાવેજોની જરૂર નથી. ફક્ત તમારા માતાપિતાનાં નામ સાથે ફોર્મ ભરો, તમને નાગરિકત્વ મળશે. ' જોકે, શાસક તૃણમૂલ કોંગ્રેસ પાર્ટીએ દિલીપ ઘોષનાં નિવેદનની નિંદા કરી છે. સંસદીય બાબતોનાં રાજ્યમંત્રી તાપસ રોયે કહ્યું, 'આ નક્કી કરનાર દિલીપ ઘોષ કોણ છે, કે કોણ નાગરિક છે અને કોણ નથી? રાજ્યનાં લોકો તેમના અને તેમના પક્ષનાં ઘમંડનો જવાબ આપશે.'

(12:44 am IST)
  • પૂર્વ પીએમ મનમોહનસિંહે કહ્યું દેશમાં લોકતંત્રની ઉદાર સંસ્થાઓને મજબૂત કરવાની આવશ્યકતા : સીએએના વિરોધમાં દેશવ્યાપી પ્રદર્શન વચ્ચે મનમોહનસિંહે કહ્યું કે ભારતની લોકશાહીની ઉદાર સંસ્થાઓને મજબૂતી પ્રદાન કરવી જોઈએ access_time 12:43 am IST

  • કર્ણાટક : ગૃહપ્રધાન અમિતભાઇ શાહે આજે પલ્સ પોલિયો દિવસ ર૦ર૦ના દિવસે હુબલીમાં બાળકોને પોલિયોનાં ટીપાં પીવડાવ્યા access_time 2:12 pm IST

  • રાજ્ય સરકાર પ્રજાના પૈસાએ નેતાઓનો પ્રચાર બંધ કરે : સુપ્રિમકોર્ટની પેનલને પ્રજાના પૈસાનો ગેરઉપયોગ રોકવા મહત્વનું અવલોકન કર્યું : કેટલીક રાજ્ય સરકાર વિરુદ્ધ જનતાના પૈસાનો ઉપયોગ કરીને સતાધારી પાર્ટીના નેતાઓનો પ્રચાર કરવાની ફરિયાદ સંદર્ભે સુપ્રીમ કોર્ટની પેનલે કહ્યું કે રાજ્ય સરકારી પ્રચાર માટે માહિતી નિયામકની સ્થાપના કરે access_time 12:54 am IST