Gujarati News

Gujarati News

News of Thursday, 18th October 2018

મહાનાયક અમિતાભ બચ્ચને સહપરિવાર બંગાળી પરંપરા મુજબ દુર્ગા પૂજા કરી :દીકરી શ્વેતાનંદા પણ મંદિર પહોંચી

 

નવી દિલ્હી : દુર્ગા અષ્ટમીના દિવસે બોલિવૂડના મહાનાયક અમિતાભ બચ્ચન અને તેમના પત્ની એવા બંગાળી જયા બચ્ચન દીકરી શ્વેતા બચ્ચન નંદા સાથે મંદિર પહોંચ્યા હતા અને પૂજા કરી હતી. આ પૂજા દરમિયાન બચ્ચનપરિવાર પારંપરિક પરિધાનમાં જોવા મળ્યો હતો અને બિગ બી હાથ જોડીને જમીન પર બેઠા હતા. બિગ બીએ અહીં ગણેશ પૂજા કરી હતી.

બંગાળી પ્રથા દરમિયાન નવરાત્રિમાં અષ્ટમીનો દિવસ ખાસ ગણાય છે. સામાન્ય રીતે અમિતાભના પત્ની જયા દુર્ગા પૂજા સેલિબ્રેટ કરવા માટે પોતાના પિયર ભોપાલ જતા હોય છે પણ આ વખતે પરિવાર સાથે મુંબઈમાં જ પૂજા કરતા જોવા મળ્યા હતા.

આ પૂજા માટે અમિતાભ બચ્ચન ચંપલ પહેર્યા વગર આવ્યા હતા અને પૂજા દરમિયાન તેમણે સફેદ કુરતો-પાયજામો અને પીળું જેકેટ પહેર્યું હતું. પૂજા વખતે જયાએ પીળી બંગાળી કોટન સાડી પહેરી હતી જ્યારે શ્વેતાએ સફેદ સાડી ધારણ કરી હતી.

(12:20 am IST)
  • પંજાબ-હરિયાણામાં માત્ર ત્રણ કલાક જ ફટાકડા ફોડી શકાશે :હાઇકોર્ટે તહેવારોમાં ફટાકડા ફોડવા બાબતે દિશાનિર્દેશ આપ્યા :સાંજે 6-30થી 9-30 સુધી ત્રણ કલાક ફટાકડા ફોડવા આપી મંજૂરી :હાઇકોર્ટે કડક વલણ અપનાવતા કહ્યું કે ફટાકડા પર સંપૂર્ણ પ્રતિબંધ લગાવી શકીએ ,આતીશબાજી એ સારી છે કે ખિસ્સામાંથી નોટ કાઢો અને આગ લગાડો access_time 1:15 am IST

  • દિલ્હીમાં હવાનું પ્રદુષણ 'બહુત ખરાબ ':અધિકારીઓ મુજબ દિલ્હીમાં કેટલાય વિસ્તારોમાં પ્રદુષણની સ્થિતિ 'ગંભીર 'શ્રેણીની નજીક :દિલ્હીના પર્યાવરણ મંત્રી ઇમરાન હુસૈને નિરીક્ષણ માટે છ સદસ્યોની ટીમની રચના કરી :હવામાં વધતું પ્રદુષણ સ્વાસ્થ્ય માટે ગંભીર ખતરો access_time 1:14 am IST

  • મહેસાણા :શક્તિપીઠ બહુચરાજીમાં સવારી નીકળી:બહુચરાજીમાં પરંપરાગત માતાજીની સવારી નીકળી:નિજ મંદિરમાં શાસ્ત્રોક્ત પૂજા અર્ચના કરવામાં આવી:ગાયકવાડ વખતની પરંપરા મુજબ પૂજા-અર્ચના કરાઈ:શાહીઠાઠમાં માતાજીની સવારીની પૂજા અર્ચના :પોલીસ દ્વારા ગાર્ડ ઓફ ઓનર આપવામાં આવ્યું access_time 1:45 pm IST