Gujarati News

Gujarati News

News of Thursday, 18th October 2018

MeToo : મહિલા સિંગરનો અનુ મલિક પર આરોપ : કિસના બદલામાં કામ આપવાનું આપ્યું હતું વચન

૧૫ વર્ષની હતી ત્યારે અનુ મલિકે રેકોર્ડિંગ સ્ટુડિયોમાં તેનું હેરેસમેન્ટ કર્યું હતું

મુંબઇ તા. ૧૮ : #MeTooના લપેટમાં જાણીતા મ્યૂઝિક કંમ્પોઝર અનુ મલિકનું નામ પણ સામે આવ્યું છે. જાણીતા પ્લે બેક સિંગર શ્વેતા પંડિતે જાતીય શોષણનો આરોપ લગાવ્યો છે. તેમનું કહેવું છે કે જયારે તે ૧૫ વર્ષની હતી ત્યારે અનુ મલિકે રેકોર્ડિંગ સ્ટુડિયોમાં તેનું હેરેસમેન્ટ કર્યું હતું.

શ્વેતાએ ટ્વિટર પર પોસ્ટ મારફતે પોતાની આપવીતી વર્ણવી હતી. તેણે લખ્યું કે, આ વર્ષ ૨૦૦૦ની વાત છે જયારે હું ફિલ્મ મોહબ્બતેમાં લીડ સિંગર તરીકે લોન્ચ થઇ હતી. મને અનુ મલિકના તે સમયે મેનેજર રહેલા મુસ્તફાએ ફોન કર્યો હતો. મને અંધેરીના એમ્પાયર સ્ટુડિયોમાં બોલાવવામાં આવી હતી.

તેણે લખ્યું કે જયારે હું અને મારી મમ્મી સ્ટુડિયોમાં પહોંચ્યા ત્યારે તે ફિલ્મ આવારા પાગલ દિવાના માટે શઆન અને સુનિધીના સાથે ગ્રુપમાં સોંગની રેકોર્ડિંગ કરી રહ્યા હતા. મને મ્યૂઝિક વિના ગાવાનું કહેવામાં આવ્યું. ત્યારે મે હર દિલ જો પ્યાર કરેગા સોંગ ગાયું. તેના જવાબમાં અનુ મલિકે કહ્યું કે, હું તને આ ગીત સુનિધિ અને શાન સાથે આપીશ પરંતુ આ માટે તારે મને હાલમાં કિસ કરવી પડશે. હું શોકડ થઇ રહી ગઇ.

શ્વેતાએ લખ્યું કે, ત્યારે હું ૧૫ વર્ષની હતી અને સ્કૂલ જતી હતી. હું તેમને અનુ અંકલ કહેતી હતી. તે મારા પરિવારને જાણતા હતા. તે મારા પિતાને ભાઇ કહેતા હતા. શું કોઇ પોતાના ભાઇની દીકરી પાસે આવી ડિમાન્ડ કરે. તેમની બે જવાન દીકરીઓ છે. તે મારી લાઇફનો સૌથી ખરાબ હતો. હું અનેક મહિનાઓ સુધી તણાવમાં રહી હતી. અનુ મલિક પર આરોપ લગાવતા શ્વેતાએ કહ્યું કે, મને વિશ્વાસ છે કે તેમણે અનેક સિંગર્સનું શોષણ કર્યું હશે. હું તે સિંગર્સને અપીલ કરું છે કે તે અનુ મલિક વિરૂદ્ઘ પોતાની વ્યથા વર્ણવે. (૨૧.૬)

 

 

(11:32 am IST)
  • જખૌ નજીકથી ભારતીય જળસીમામાંથી ત્રણ બોટ સાથે 18 માછીમારોનું અપહરણ :પાકિસ્તાન મરીન સિક્યુરિટીએ બોટ પર ફાયરિંગ કરીને માછીમારોનું કર્યું અપહરણ :માછીમારોમાં ભારે રોષ access_time 11:43 pm IST

  • છત્તીસગઢ વિધાનસભા ચૂંટણીમાં જનતા કોંગ્રેસ છત્તીસગઢ અને બીએસપી ગઠબંધને 13 ઉમેદવારો જાહેર કર્યા :ગઠબંધન મુજબ જનતા કોંગ્રેસ છત્તીસગઢ 55 સીટો પર અને બીએસપી 35 બેઠકો પર ચૂંટણી લડશે:સીપીઆઇ પણ માયાવતી અને અજિત જોગીના ગઠબંધનમાં જોડાશે ;બે બેઠક પરથી ચૂંટણી જંગમાં ઝુકાવશે access_time 1:25 am IST

  • આવતીકાલે શુક્રવારે પણ ઇંધણના ભાવમાં મળશે રાહત :પેટ્રોલ -ડીઝલના ભાવમાં થશે ઘટાડો : પેટ્રોલના ભાવમાં 20 પૈસા અને ડીઝલના ભાવમાં સંભવત 10 પૈસા સુધીનો ઘટાડો કરાય તેવી શકયતા : એકધારા વધતા ભાવથી ત્રાહિમામ લોકોને મળશે હળવી રાહત access_time 11:58 pm IST