Gujarati News

નવી દિલ્હી: ચાઇનીઝ સ્માર્ટફોન નિર્માતા કંપની શાઓમીને ફોલો કરતાં લેનોવોના સ્વામિત્વવાળી બ્રાંડ મોટોરોલાએ ભારતના ટીવી માર્કેટમાં પગલાં માંડી રહી છે. મોટોરોલાએ 6 ટીવી મોડલ લોન્ચ કર્યા છે, આ બધા એંડ્રોઇડ 9.0 વર્જન પર કામ કરશે. આ ઉપરાંત મોટોરોલાએ મોટો 6એસ સ્માર્ટફોનને પણ વ્યાજબી ભાવે લોન્ચ કર્યું છે. આ ફોન 7,999 રૂપિયામાં મળશે. માનવામાં આવી રહ્યું છે કે મોટોરોલાનું સ્માર્ટ ટીવી ભારતીય બજારમાં શાઓમીના એમઆઇ ટીવીને ટક્કર આપશે.

વન પ્લસ પણ ટૂંક સમયમાં લોન્ચ કરશે સ્માર્ટ ટીવી

બીજી તરફ શાઓમીના એમઆઇ ટીવીને ટક્કર આપવા માટે વન પ્લસ પણ સ્માર્ટ ટીવી લોન્ચ કરવાની તૈયારી કરી રહ્યું છે. કંપની દ્વારા કહેવામાં આવ્યું છે કે ફ્લિપકાર્ટની ભાગીદારીમાં મોટોરોલાએ એન્ડ્રોઇડ 9.0 સ્માર્ટ ટીવી 6 વેરિએન્ટમાં લોન્ચ કર્યું, જે એચડી  રેડી, ફૂલ એચડી અને અલ્ટ્રા એચડી (4કે) ફીચર્સથી સજ્જ છે અને તેની કિંમત 13,999 રૂપિયાથી શરૂ થાય છે. તેનું વેચાણ 29 સપ્ટેમ્બરથી શરૂ થશે. મોટોરોલા સ્માર્ટ ટીવીના 4કે રેંજ એચડીઆર 10ની સાથે ડોલ્વી વિઝન અને આઇપીએસ પેનલથી સજ્જ છે. 

મોટો ઇ6એસ સ્માર્ટફોનમાં 13 મેગાપિક્સલ પ્લસ 2 મેગાપિક્સલનો રિયર કેમેરા અને 8 મેગાપિક્સલનો સેલ્ફી કેમેરા છે, સાથે જ તેમાં 3000 mAh ની બેટરી આપવામાં આવી છે. મોટો ઇએસ6નું વેચાણ ફ્લિપકાર્ટ પર 23 સપ્ટેમ્બરથી શરૂ થશે. મોટોરોલા મોબિલિટીના કંટ્રી હેડ અને એમડી પ્રશાંત મણિએ કહ્યું કે 'અમે બિલકુલ નવી શ્રેણી-સ્માર્ટ ટેલિવિઝનના ખંડમાં પ્રવેશ કરવાને લઇને ઉત્સાહિત છીએ, જોકે ભારતના સૌથી મોટા ઇકોમર્સ દિગ્ગજ ફ્લિપકાર્ટની ભાગીદારીમાં છે. આ રણનીતિક ભાગીદારી પહેલાં સ્માર્ટફોન્સ માટે હતી, જેને અમે આગામી સ્તર સુધી પહોંચી દીધી છે.