Gujarati News

Gujarati News

News of Wednesday, 18th September 2019

બિહારનાં એક ગામમાં મોદીનું મંદિરઃ થાય છે પૂજા

મોદી ઉપર અનેરી આસ્થાઃ વિકાસના દેવ તરીકે પૂજાય છે

પટણા, તા.૧૮: દેશમાં બોલીવુડ કલાકારો અને ખેલાડીઓને તો ભગવાનની જેમ પૂજવામાં આવતા હોય તેના ઉદાહરણો છે. પરંતુ શું આપ જાણો છો કે બિહારના એક ગામમાં વડાપ્રધાન નરેન્દ્રભાઇ મોદીની પણ પૂજા કરવામાં આવે છે? અહીંયા તેમનું મંદિર બનાવીને તેમાં તેમની પ્રતિમાની સ્થાપના કરવામાં આવી છે. ગ્રામજનો માટે વડાપ્રધાન વિકાસના દેવતા છે. વડાપ્રધાન મોદીના જન્મ દિવસે આ મંદિરમાં વિશેષ પૂજા કરવામાં આવે છે.

બિહારના કટિહાર સ્થિત આઝમનગર પ્રખંડમાં એક ગામ આવેલું છે જેનું નામ સિંધારોલ છે. આશરે ૨૦૦ ઘર ધરાવતું આ ગામ આઝાદી બાદ ૬૭ વર્ષ સુધી મુખ્યધારાથી દૂર રહ્યું. જયારે કેન્દ્રમાં વડાપ્રધાન મોદીની સરકાર બની ત્યારે વિકાસના રસ્તા ખુલ્યા. પ્રધાનમંત્રી સકડ યોજના અંતર્ગત અહીંયા રોડ બન્યા, ગામમાં વિજળી આવી, ધીરે-ધીરે કરીને ગામ વિકાસના રસ્તા પર આગળ વધ્યું. ગ્રામીણોએ આનો શ્રેય વડાપ્રધાન મોદીની નીતિઓને આપ્યો તેમજ તેમને વિકાસના દેવતા માનવા લાગ્યા.

ગામના વિકાસથી ઉત્સાહિત લોકોએ ત્યાં એક ચોકનું નામ મોદી ચોક પણ રાખ્યું છે. પછી ત્યાં જ મંદિર બનાવવાનો પણ નિર્ણય લેવામાં આવ્યો. ગ્રામીણોએ નરેન્દ્ર મોદીની પ્રતિમા બનાવી અને ગામના હનુમાનજી મંદિરમાં સ્થાપિત કરી દીધી. ત્યાર બાદ પૂજા પણ શરુ કરી દેવામાં આવી.

ગામના આગેવાન લલન વિશ્વાસે કહ્યું કે ગામના લોકોની વડાપ્રધાન મોદી પ્રત્યે વિશેષ આસ્થા છે. મંગળવારના રોજ અહીંયાના લોકોએ નરેન્દ્ર મોદીના જન્મ દિવસને ધામધુમથી ઉજવ્યો. મંદીરને ખાસ ફુગ્ગાઓથી શણગારવામાં આવ્યું અને શંખનાદ વચ્ચે પૂજા પણ કરવામાં આવી. સાથે જ કેક કટિંગ પણ કરવામાં આવ્યું. લોકોએ એકબીજાને મીઠાઈઓ ખવડાવીને વડાપ્રધાન મોદીને જન્મ દિવસની શુભેચ્છાઓ આપી. ગામના આગેવાન લલન વિશ્વાસે કહ્યું કે આ ગ્રામીણોની પોતાની આસ્થા સાથે જોડાયેલો મામલો છે.

(10:45 am IST)
  • બીએસએનએલના યુનિયનોની ચૂંટણીમાં મત ગણત્રી ચાલુઃ ગુજરાતના ૧૮ જીલ્લામાં ૯માં એનએફટીઈ યુનિયનનો વિજયઃ ગુજરાતમાં ગણત્રી પુરી, હજુ દેશભરમાંથી રીઝલ્ટ આવ્યા બાદ ફાઈનલ ચિત્ર સાંજે જાહેર થશે access_time 3:58 pm IST

  • કોલકતાના પૂર્વ કમિશ્નર રાજીવકુમારને ઝટકો : કોર્ટે વચગાળાના જમીન અરજી રદ કરી : બારસાતના જિલ્લા સત્ર ન્યાયધીશે કહ્યું કે આ મામલો તેની અદાલતમાં વિચાર યોગ્ય નથી access_time 1:05 am IST

  • લ્યો બોલો.... ખાતામાં ભુલથી ૪૦ લાખ આવી ગયા : પતિ - પત્નિએ વાપરી નાખ્યાઃ આખરે જેલ : તિરૂપુરની ઘટના એક પતિ - પત્નિના ખાતામાં ભુલથી ૪૦ લાખ જમા થઇ જતા તેઓએ આ રકમ વાપરી નાખીઃ કોર્ટે પતિ - પત્નિને ૩ વર્ષની જેલ ફટકારી : ૨૦૧૨નો જે કેસ આ રકમમાંથી દંપતિએ પ્રોપટી ખરીદી અને પુત્રીના લગ્ન પણ કરી નાખ્યાઃ કેસ ચાલી જતા કોર્ટે સજા ફટકારીઃ પતિ - પત્નિ ૪૦૩ અને ૧૨૦ બી હેઠળ કાર્યવાહી થઇ access_time 3:54 pm IST