Gujarati News

નવી દિલ્હીઃ કિન્નર સાથે દીકરાનો પ્રેમ પિતાને પસંદ ન આવતાં તેણે કેટલાક લોકો સાથે ભેગા મળી કિન્નર સાથે મારપીટ કરી હતી. આ ત્રણ કિન્નર પોતાની મારપીટથી એટલા નારાજ થયા હતાં કે તેણે પોતાના કપડા ઉતારી દીધાં હતાં. પોલીસ આવ્યા પછી પણ મામલો શાંત થયો નહોતો. આ પછી કિન્નરોને આરોપી વિરુદ્ધ યોગ્ય કાર્યવાહી કરવાનો ભરોસો આપ્યા પછી શાંત થયો હતો.

આ મામલે પોલીસનું કહેવું છે કે અત્યાર સુધીમાં કોઈ સામે FIR દાખલ કરવામાં નથી આવી. પીડિત ત્રણે કિન્નરોનું મેડિકલ કરાવી લેવામાં આવ્યું છે. બન્ને પક્ષ વાતચીતથી મામલો ઉકેલવાની કોશિશ કરી રહ્યાં છે. એક રિપોર્ટ અનુસાર યુવક કિન્નરને એ હદે પસંદ કરવા લાગ્યો કે પરિવારથી છુપાઈને કિન્નરને ડેટિંગ કરવા લાગ્યો હતો. આ વાતની જાણ પિતાને થઈ અને તેઓ નારાજ થયાં હતાં. દીકરાને એક વોર્નિંગ આપી હતી.

યુવક અને કિન્નર છેલ્લે જન્માષ્ટમીમાં મળ્યા હતાં. આ પછી કિન્નર સાથેની વાતચીત બંધ કરી હતી. આ કારણે કિન્નર પરેશાન થઈ ગયો અને રવિવારે રાતે આશરે 10.30 કલાકે બે અન્ય કિન્નરો સાથે શાહપુર ગામ પહોંચ્યો હતો. આ વાતની જાણ પિતાને થતાં ત્રણે કિન્નરોની પીટાઈ કરી હતી. આ બબાલ આશરે 2 કલાક ચાલી હતી.