Gujarati News

Gujarati News

News of Saturday, 18th August 2018

કેલીફોર્નિયાના બુઆના પાર્કમાં આવેલ જૈન સેન્ટર ઓફ સધર્ન કેલીફોર્નિયામાં શ્રી ચંપકભાઇ મહેતાની ત્રણ દિવસની પંચસૂત્ર શિબિરનુ કરવામાં આવેલુ આયોજનઃ જેન સંઘના ભાઇ બહેનોને આ શિબિરનો લાભ લેવા માટે સંચાલકોની નમ્રવિનંતીઃ આ શિબિરમાં જૈન ધર્મનો સારનો પણ સમાવેશ કરવામાં આવેલ છે અને ચંપકભાઇ મહેતા પોતાની સરળ શૈલીમાં તેની જરૃરી સમજ આપશે

 (કપિલા શાહ દ્વારા) શિકાગોઃ કેલીફોર્નિયાના બુઆના પાર્કમાં આવેલ જૈન સેન્ટર ઓફ સંઘને કેલીફોર્નિયાના આરાધના ભવનમાં ત્રણ દિવસના સમય માટે એક પંચસત્ર શિબિરનુ આયોજન કરવામાં આવેલ છે અને તેની શરૃઆત ઓગષ્ટ માસની ૧૭મી તારીખથી થઇ છે. અને તેની પૂર્ણાહૂતિ ૧૯મી ઓગષ્ટના રોજ થશે.

ઓગષ્ટ માસની ૧૭મી તારીખને શુક્રવારે રાત્રે સાડા આઠ વાગ્યાથી રાત્રે દસ વાગ્યા સુધીની શિબિરના પ્રથમ સૂત્રમાં જૈન ધર્મનો સાર આવી જાય છે જયારે અન્ય બે દિવસો દરમ્યાન અત્ર સૂત્રોની સમજ આપવામાં આવશે.

શિબિરના બીજા બે દિવસનો સમય સવારે દસ વાગ્યાથી બપોરે બાર વાગ્યા સુધીનો રહેશે અને ત્યાર બાદ લંચનો સમય રહેશે અને એક વાગ્યાથી ત્રણ વાગ્યા દરમ્યાન બે કલાકની સેશન ચાલશે. અને છેલ્લા દિવસે રવીવારે આ શિબિરની પૂર્ણાહુતિ થશે અને તેનો સમય પણ ઉપરોકત શનીવાર મુજબનો રહેશે.

આ અંગે કોઇપણ પ્રકારની ફી રાખવામાં આવેલ નથી પરંતુ શનીવાર તથા રવીવારના રોજ બપોરના સમય દરમ્યાન હળવો અલ્પાહાર આપવામાં આવશે.

આ અંગે શિબિરાર્થીને જણાવવાનુ કે તેમણે શિબિર અંગે રજીષ્ટ્રેશન કરાવવાનુ રહેશે અને સેન્ટરની વેબસાઇટનો ઉપયોગ કરીને તે ભરી શકાશે અથવા જૈન સેન્ટરને સંપર્ક કેળવવા તમામને વિનંતી કરવામાં આવે છે.

(8:49 pm IST)
  • રાજકોટમાં રાત્રે 12 વાગ્યાથી એકધારો વરસાદ વરસી રહયો છે : રસ્તાઓ સતત ભીના : નીચાળવાળા વિસ્તારોમાં પાણીઃ વહેલી સવાર સુધી વરસાદ ચાલું access_time 12:58 am IST

  • રાજ્યમાં વરસાદનો બીજો રાઉન્ડ શરૂ થયો છે. અત્યાર સુધીના આંકડા તપાસીએ તો રાજ્યમાં સરેરાશ 62.03 ટકા વરસાદ નોંધાયો છે. છેલ્લા 24 કલાકના વરસાદના આંકડા તપાસીએ તો ખેડા જિલ્લાના કપડવંજમાં સૌથી વધારે છ ઇંચ વરસાદ પડ્યો છે. જ્યારે પંચમહાલના ગોધરામાં 5.36 ઇંચ વરસાદ પડ્યો છે. રાજ્યના જળાશયોમાં પાણીના જથ્થાની વાત કરીએ તો ફક્ત 13 ડેમ જ એવા છે જે સંપૂર્ણ રીતે ભરાયેલા છે. access_time 1:15 am IST

  • વડાપ્રધાન મોદી બોલાવ્યા વગર જ નવાઝ શરીફના ત્યાં પહોંચી ગયા હતા.:શક્તિસિંહ ગોહિલનો ટોણો :કોંગ્રેસના નેતા શક્તિસિંહ ગોહિલે પણ મોદી ઉપર નિશાન સાધતા કહ્યું હતું કે, નવજોત સિંહ સિદ્ધુને બોલાવવામાં આવ્યા ત્યારે તેઓ પાકિસ્તાન ગયા છે. વડાપ્રધાન મોદી બોલાવ્યા વગર જ નવાઝ શરીફના ત્યાં પહોંચી ગયા હતા. access_time 8:36 pm IST