Gujarati News

Gujarati News

News of Tuesday, 17th July 2018

રાજકોટ -મોરબી હાઇવે પર ગમખ્વાર અકસ્માતમાં છ લોકો જીવતા ભુંજાઈ ગયા : બે લોકોએ રાજકોટમાં દમ તોડ્યો :રાજકોટના સોની પરિવારમાં અરેરાટી

રાપરમાં સુરાપુરાના દર્શન કરી પરત ફરતા સોની પરિવારને કાળ ભેટી ગયો : છત્તર નજીક કાર અને ટ્રક વચ્ચે ગમખ્વાર અકસ્માત બાદ કારમાં આગ ભભુકતા છ લોકો ભડથું :ત્રણ લોકોને ગંભીર હાલતમાં રાજકોટ ખસેડાયા હતા જેમાંથી બે ના મોત

 મોરબી-રાજકોટ હાઈવે પર ગમખ્વાર અકસ્માત સર્જાયો હતો ટ્રક સાથે કાર અથડાતા કારમાં આગ ભભૂકી ઉઠતા કારમાં સવાર લોકોના બળી જવાથી મોત થયા હતા જયારે ત્રણ લોકોને ગંભીર હાલતમાં સારવાર માટે રાજકોટ ખસેડવામાં આવ્યા હતા જેમાં રાજકોટ લવાયેલા બે લોકોના મોત નિપજ્યા છે

મોરબી-રાજકોટ હાઈવે પર છતર નજીક સીએનજી ઈકો કાર ટ્રક સાથે અથડાતા કારમાં આગ લાગી હતી રોડ પર પસાર થઈ રહેલા વાહન ચાલકોએ વાહનો રોકીને કારની અંદરથી લોકોને બહાર કાઢવાનો પ્રયત્ન કર્યો હતો પરંતુ કાર ચાલક સહિત 6 લોકોના મોત થયા છે.

   ગમખ્વાર અકસ્માત સર્જ્યા બાદ કારમાં આગ ભભુકતા લોકો જીવતા ભૂંજાયા હતા અને ત્રણ લોકોને રાજકોટ ખસેડાયા હતા જેમાં ભાવનાબેન રાજેશભાઈ કલાડિયા (,,, 38 0અને રાજેશભાઈ રસિકભાઈ કલાડિયાએ દમ તોડતા મૃત્યુ આંક આઠ થયો છે જયારે ત્રીજા ઘાયલને સિનર્જી હોસ્પિટલે ખસેડાયો છે 

  મળતી માહિતી મુજબ ગ્વાલિયર ખાતે રહેતા સોની ભાવનાબહેન રાજેશભાઈ સલાડીયા પોતાના પતિ સાથે રાજકોટમાં લક્ષ્મીવાડી ખાતે રહેતી પોતાની બહેન મીતાબહેન રમેશભાઈ ઠાકરશીભાઈ કલાડિયાને ત્યાં આવ્યા હતા. સોમવારે સવારે બધા ઇકો કાર ભાડે કરીને કચ્છમાં રાપર નજીક લાકડીયા ગામ ખાતે સુરાપુરાના અષાઢી પાંચમના ઉત્સવના દર્શન કરવા ગયા હતા. ત્યાંથી તેઓ મંગળવારે પરત ફરતા હતા.

   કારમાં ભાવના બહેન ઉપરાંત બળદેવ ઠાકરશી સલાડીયા (રહે. વાણીયાવાડી), રમેશ ઠાકરશી સલાડીયા, તેમનાં પત્ની મીતાબહેન, તેમનો પુત્ર સાગર (રહે. દેવપરા), મહેશભાઈ, મુકેશભાઈ તેમજ ઇકો કારનો ડ્રાઇવર મળી કુલ નવ લોકો પરત ફરતા હતા

  દરમિયાન રાજકોટમોરબી હાઇવે પર એક ટ્રક સાથે સીએનજી ઇકો કાર અથડાઈ હતી. બાદમાં કાર ધડાકાભેર સળગી ઊઠી હતી. સળગતી કારમાંથી લોકોને બહાર કાઢવા હાઇવે પરની ગાડીઓ થંભી હતી. જોકે ઇકોમાં સવાર લોકોને બહાર કઢાયા તે પૂર્વ કારચાલક સહિત આઠ લોકો કારમાં જીવતા ભુંજાઈ ગયા હતા.રાત્રે હાઇવે પર બનેલી ગમખ્વાર ઘટનાથી અરેરાટી વ્યાપી ગઈ હતી.

(12:50 am IST)
  • મેડીકલ પ્રવેશમાં સર્ટીફીકેટની ચકાસણીની પધ્ધતી શું છે? એ આવતી કાલ સુધીમાં સ્પષ્ટ કરોઃ શંકાસ્પદ એસટીના જ્ઞાતિના સર્ટીફીકેટના આધારે મેડીકલમાં પ્રવેશ માટે ઉમેદવારી કરવાની સામે હાઇકોર્ટમાં પીઆઇએલ મુદ્દે ચીફ જસ્ટીસની ટકોર. access_time 3:43 pm IST

  • દેશના અર્થવ્યવસ્થા નજીકના ભવિષ્યમાં ચિંતાનો સામનો કરાવશે :ઉદ્યોગપતિ કુમાર મંગલમ બિરલાએ સચેત કરતા કહ્યું કે ક્રૂડતેલની વધતી કિંમત,વધતો ફુગાવો અને ચાલુ ખાતાની ખાદ્ય મુખ્ય ચિંતાનો વિષય છે access_time 12:55 am IST

  • આજે દૂધનું દૂધ અને પાણીનું પાણી થઇ જશે :મોદી સરકાર વિરુદ્ધ વિપક્ષનો અવિશ્વાસ પ્રસ્તાવનો સ્વીકાર :સંસદીય કાર્યમંત્રી અનંતકુમારે લોકસભા અધ્યક્ષને સંબોધીને કહ્યું કેટલાક વિપક્ષ પાર્ટી અવિશ્વાસ પ્રસ્તાવ આપ્યો છે આપને અનુરોધ છે કે આ પ્રસ્તાવનો સ્વીકાર કરો :આજે દૂધનું દૂધ અને પાણીનું પાણી થઇ જશે આ મુદ્દે અધ્ય્ક્ષ સુમિત્રા મહાજને કહ્યું કે મેં આનો સ્વીકાર કરી લીધો છે અને એક બે દિવસમાં આ અંગે નિર્ણય લેવાશે access_time 1:06 pm IST