Gujarati News

ન્યુદિલ્હી : નેશનલ ગ્રીન ટ્રિબ્યુનલ (NGT) એ તાજેતરમાં ઉત્તર પ્રદેશ અને બિહાર રાજ્યની સરકારોને કોવિડ-19 રોગચાળા દરમિયાન ગંગા નદી પર તરતા મૃતદેહોની સંખ્યા તેમજ નદીના કિનારે દફનાવવામાં આવેલા મૃતદેહોની સંખ્યા વિશે પૂછ્યું હતું.

આ વર્ષે 31 માર્ચ સુધી રાજ્યોનો મૃતદેહો વિશે રિપોર્ટ માંગ્યો. જસ્ટિસ અરુણ કુમાર ત્યાગી અને નિષ્ણાત સભ્ય ડૉ. અફરોઝ અહેમદની ડિવિઝન બેંચ પત્રકાર સંજય શર્મા દ્વારા દાખલ કરાયેલી જાહેર હિતની અરજી પર પોતાનો ચુકાદો આપી રહી હતી. અરજીમાં કોવિડ-19થી સંક્રમિત મૃતદેહોના નિકાલ માટે યોગ્ય પ્રોટોકોલનું પાલન કરવામાં આવે તે સુનિશ્ચિત કરવા અને પર્યાવરણ અને ઇકોલોજીના રક્ષણ માટે ટ્રિબ્યુનલના તાત્કાલિક હસ્તક્ષેપ અને દિશાનિર્દેશો છોડવાની માંગ કરવામાં આવી હતી.તેવું એલ.એલ.એચ.દ્વારા જાણવા મળે છે.