Gujarati News

Gujarati News

News of Saturday, 18th May 2019

હવે બજારમાં આવશે 'શાકાહારી ઇંડુ'

ડોકટરો દ્વારા શરીરમાં પ્રોટીન તત્વોની ઉણપ દૂર કરવા માટે ઇંડુ ખાવાની સલાહ આપવામાં આવતી હોય છે, પરંતુ સંપૂર્ણપણે શાકાહારી લોકો આ સલાહ અપનાવતા નથી, આથી હવે તેમની સમસ્યા દૂર કરવા માટે ટૂંક સમયમાં જ હવે શાકાહારી ઇંડુ આવી રહ્યું છે

નવી દિલ્હી, તા.૧૮: ખાણી-પીણીની બાબતને સમાજમાં મુખ્ય રીતે ત્રણ ભાગમાં વહેંચવામાં આવી છે. શાકાહારી, બિનશાકાહારી અને ઈંડાહારી(એગેટેરિયન). શહેરી સંસ્કૃતિના કેટલાક લોકો ઈંડાને શાકાહારી કેટેગરીમાં માને છે. જોકે, ગ્રામ્ય સંસ્કૃતિમાંથી શહેરમાં આવીને વસેલા લોકો આજે પણ ઈંડાને શાકાહારી તરીકે સ્વીકારવા તૈયાર નથી. ડોકટરો દ્વારા શરીરમાં પ્રોટીન તત્વોની ઉણપ દૂર કરવા માટે ઈંડું ખાવાની સલાહ આપવામાં આવતી હોય છે, પરંતુ સંપૂર્ણપણે શાકાહારી લોકો આ સલાહ અપનાવતા નથી, આથી હવે તેમની સમસ્યા દૂર કરવા માટે ટૂંક સમયમાં જ હવે શાકાહારી ઈંડુ આવી રહ્યું છે.

હકીકતમાં આ કોઈ ઈંડુ નહીં હોય, પરંતુ એક એવો પદાર્થ હશે જે ઈંડુ ખાવાથી તમારા શરીરમાં જે પ્રોટીન તત્વો પ્રાપ્ત થાય છે તેને પૂરા પાડશે. ઈંડુ ન ખાનારા લોકો માટે એક મોટી કંપનીએ 'લિકિવટ એગ સબસ્ટિટ્યુટ' નામનો ખાદ્ય પદાર્થ લોન્ચ કર્યો છે. તે સંપૂર્ણ પણે મગની દાળમાંથી બનેલો છે.

કંપની ચાલુ વર્ષે તેને ભારતીય બજારમાં ઉતારવા માગે છે. કંપનીનો દાવો છે કે, ઈંડાના વિકલ્પ તરીકે લોન્ચ કરવામાં આવેલી આ પ્રોડકટને અમેરિકામાં જોરદાર રિસ્પોન્સ મળ્યો છે. આશા છે કે, ભારતીય શાકાહારી લોકો પણ તેને સ્વીકારવામાં ખચકાશે નહીં.

ઉલ્લેખનીય છે કે, વર્તમાન સમયમાં શરીરમાં પ્રોટીન તત્વો પહોંચાડવા માટે ઈંડુ સૌથી સરળ અને સસ્તો ખાદ્ય પદાર્થ છે. પ્રોટીન માટે સોયાબિન, દૂધ, વટામા વગેરે અનેક વિકલ્પ છે, પરંતુ તેને ખાવા એટલું સુલભ નથી. ઈંડુ ખાવું અત્યંત સુલહ હોય છે, સાથે જ આ વસ્તુઓના ભાવ ઈંડા કરતા વધુ હોય છે.

ઈંડાને અનેક સ્વરૂપમાં ખાઈ શકા છે, જેમ કે ઈંડાને ઉકાળીને, આમલેટ બનાવીને, દૂધમાં નાખીને, કેક બનાવીને, એગ રોલ વગેરે અનેક પ્રકારની વાનગી ઈંડામાંથી બનાવી શકાય છે. બીજા પ્રોટીનયુકત પદાર્થોમાં આટલા વિકલ્પ મળતા નથી.

(3:57 pm IST)
  • લોકસભા ચૂંટણી પરિણામ પહેલા રાજકીય ગતિવિધિ તેજ ;અખિલેશ યાદવ અને માયાવતીને મળ્યા ચંદ્રાબાબુ નાયડુ :પરિણામ બાદની રણનીતિ અંગે ચર્ચા ;ચંદ્રાબાબુ એનડીએના વિરુદ્ધના પક્ષોના નેતાઓને મળી રહ્યા છે ;નવા સમીકરણો પર રાજકીય વિશ્લેષકોની મીટ access_time 1:23 am IST

  • અમદાવાદના એરપોર્ટ પર દાણચોરીની તપાસમાં ઇડી જોડાશેઃ બે દિવસ પહેલા ડ્રોન કેમેરાની દાણચોરીનો પર્દાફાશ થયો હતોઃ ડીઆઇ અને કસ્ટમ વિભાગના સંયુકત ઓપરેશનમાં ખુલાશો access_time 3:29 pm IST

  • યેદિયુરપ્પાએ કર્યો ફરીવાર કર્ણાટક સરકારના પતનનો દાવો ;કહ્યું લોકસભા ચૂંટણી બાદ કોંગ્રેસ જેડીએસનું ગઠબંધન સરકાર તૂટી પડશે :કર્ણાટક ભાજપ અધ્યક્ષ અને પૂર્વ મુખ્યમંત્રી યેદિયુરપ્પાએ કોંગ્રેસ અને જેડીએસનું ગઠબંધન તકવાદી ગણાવ્યું હતું access_time 1:03 am IST