Gujarati News

Gujarati News

News of Saturday, 18th May 2019

GSTનું વાર્ષિક રીટર્ન ભરવામાં વેપારીઓને પડે છે મુશ્કેલી

જીએસટીઆર-૯ ફોર્મ મોટાભાગના વેપારીઓને નથી સમજાતું ૧૨ પાનાનું જીએસટી આર-૯ ફોર્મ

નવી દિલ્હી તા.૧૮: જીએસટી અમલી બન્યા પછી પહેલું વાષિક રીટર્ન ભરવામાં ધંધાર્થીઓને પરસેવો છુટી રહ્યો છે. સરકાર તરફથી જાહેર કરવામાં આવેલ રીટર્ન ફોર્મ જીએસટીઆર-૯ એટલું અઘરૃં છે કે મોટા ભાગના ધંધાર્થીઓને તે સમજાતું નથી. તેમનું કહેવું છે કે નિષ્ણાતોની મદદ લીધા પછી પણ તકલીફો થઇ રહી છે.

૧ જૂલાઇ ૨૦૧૭થી જીએસટી લાગુ થવાથી ૨૦૧૭-૧૮માં ૧૨ મહીનાના બદલે ૯ મહીનાનું જ જીએસટી રીટર્ન ભરવાનું છે જે બધા રજીસ્ટર્ડ ધંધાર્થીઓ માટે ફરજીયાત છે. પહેલા તેના માટે છેલ્લી તારીખ ૩૧ ડીસેમ્બર ૨૦૧૮  હતી પણ સમયસર રીટર્ન ફોર્મ ઉપલબ્ધ ન હોવાથી તેને લંબાવીને ૩૦ જૂન ૨૦૧૯ કરાઇ છે.

ધંધાર્થીઓનું કહેવું છે કે ૧૨ પાનાનું આ અઘરૃં ફોર્મ સમજવું મુશ્કેલ છે તેમા ધંધાર્થીઓ દ્વારા કરાયેલી ખરીદીનું ફોર્મ રએ સાથે મેળ નથી મળતો. આ પરિસ્થિતીમાં સીએ જેવા નિષ્ણાતો પણ ફોર્મ ભરવામાં હાથ ઉંચા કરી દે છે.

નાણામંત્રાલયના પ્રવકતાનું કહેવું છે કે તેમને જેમ જેમ ધંધાર્થીઓને પડી રહેલી મુશ્કેલીઓની માહિતી મળે છે, તે દુર કરવાનો પ્રયાસ કરવામાં આવે છે. અત્યારે જે બાબતોની વાત થઇ રહી છે, તેના માટે પણ અમારા પ્રયાસો ચાલુ જ છે. વાર્ષિક રીટર્ન ફોર્મને સરળ બનાવવાની વાત છે તેના પર પણ મંત્રાલય અને વિભાગના અધિકારીઓ મળીને કામ કરી રહ્યા છે.

(11:36 am IST)
  • આતંકવાદીઓ પાસેથી શ્રીનગર અને અવંતિપુરા એરબેઝનો નકશો મળ્યો :હાઇએલર્ટ :જમ્મુ કાશ્મીરના શ્રીનનગર અને અવંતિપુરા ઍરબેઝનો નકશો આતંકીઓ પાસેથી મળતા હાઇએલર્ટ કરાયું ; સુરક્ષાદળો સતર્કઃ ;સઘન પેટ્રોલિંગ access_time 1:02 am IST

  • દક્ષિણ આંદામાનનો દરિયો, દક્ષિણ બંગાળના અમુક ભાગો અને નિકોબારના ટાપુમાં પણ પ્રવેશ : ચોમાસુ આંદામાનના દરિયામાં બેસી ગયુ : હવામાન વિભાગે જણાવ્યુ છે કે દક્ષિણ પશ્ચિમ ચોમાસુ આંદામાનના દરિયામાં બેસી ગયુ છે : ચોમાસુ પવનો દક્ષિણ આંદામાનના દરિયામાં મજબૂત થયા : વાદળો તેમજ વરસાદ પણ વધ્યો : સાથે ૩.૧ કિ.મી.થી ૫.૮ કિ.મી.નું એક અપરએર સાયકલોનીક સરકયુલેશન આંદામાનના દરિયામાં છે. જેથી આજે ૧૮ મેએ દક્ષિણ પશ્ચિમ ચોમાસુ દક્ષિણ આંદામાનના દરિયામાં, દક્ષિણ બંગાળની ખાડીના અમુક ભાગમાં તેમજ નિકોબાર ટાપુમાં પ્રવેશ કર્યો છે. ચોમાસુરેખા શ્રીલંકાની દક્ષિણેથી શરૂ થઈ ૮૦ ડિગ્રી ઈસ્ટ અને શ્રીલંકાની દક્ષિણેથી ચાલુ થઈ અને ૧૩ ડિગ્રી નોર્થ અને ૯૯ ડિગ્રી ઈસ્ટ સુધી લંબાય છે. access_time 3:26 pm IST

  • જૂનાગઢમાં પત્રકાર ઉપર લાઠીચાર્જ પ્રકરણમાં સસ્પેન્ડ થયેલા પીએસઆઇ ગોસાઈ અને બે કોન્સ્ટેબલને ફરીથી નોકરી ઉપર લેવાયા :સસ્પેન્ડ ઓડર બાદ આજે નવો હુકમ access_time 8:41 pm IST