Gujarati News

નવી દિલ્હી: મોબાઇલ યૂજર્સને ટૂંક સમયમાં એવી સુવિધા મળશે જેમાં સ્માર્ટફોનમાં સિમ લગાવવા અથવા બદલવાની જરૂર નહી પડે. એટલું જ નહી મોબાઇલ ઓપરેટર બદલતાં નવું સિમ ખરીદવા અથવા પછી બદલવાની જરૂર નહી પડે. દૂરસંચાર વિભાગે (DoT)એ ઇંબેડેડ સિમ (ઇ-સિમ) માટે ગાઇડલાઇન્સ અનુસાર બધી ટેલિકોમ કંપનીઓ ઇ-સિમ સુવિધાઓ આપી શકે છે. 

    નવી ગાઇડલાઇન્સ અનુસાર હવે યૂજર્સ કોઇપણ સર્વિસ પ્રોવાઇડર ટેલીકોમ કંપની પાસેથી નવું કનેકશન લે છે તો તેના સ્માર્ટફોનમાં ઇંબેડેડ સબ્સક્રાઇબર આઇડેંટિટી મોડ્યૂલ એટલે કે ઇ-સિમ નાખવામાં આવશે. ઇ-સોમના ઉપયોગ કરનાર યૂજર્સની જાણકારી ટેલીકોમ કંપની પોતાના ડેટાબેસમાં નોંધી લેશે. હાલ, ઇ-સિમની ટેક્નોલોજીનો ઉપયોગ રિલાયન્સ જિયો અને એરટેલ એપ્પલ વોચમાં કરે છે. 

   નવી ગાઇડલાઇન્સ બાદ બધી ટેલીકોમ કંપનીઓ ઇ-સિમની સેવાઓ આપી શકે છે. જોકે કંપનીઓને ઇ-સિમની સુરક્ષાને સુનિશ્વિત કરવાની ગેરેંટી આપવી પડશે. સાથે જ ટેલીકોમ કંપનીઓને એ પણ સુનિશ્વિત કરવું પડશે કે ઇ-સોમના લાઇસન્સની શરતોનું પણ ઉલ્લઘંન ન થાય. આ ઉપરાંત કંપનીઓને ઇ-સિમમાં પણ નંબર પોર્ટેબિલિટીની સુવિધા આપવી પડશે. ઇ-સિમ માટે કંપનીઓને ડેટા સેંટર ભારતમાં જ બનાવવું પડશે. નિયમો અનુસાર સેંટર ભારત બહાર ન હોવું જોઇએ. આ ઉપરાંત ઇ-સિમનું સર્વર પણ ભારતમાં જ હોવું જોઇએ. 

    આ સાથે જ વિભાગે પ્રત્યેક મોબાઇલ ઉપયોગકર્તાને વધુમાં વધુ 18 સિમનો ઉપયોગ કરવાની પરવાનગી આપી છે. ડોટએ ફક્ત મોઇબાઇલ ફોન માટે નવ સિમ સાથે મશીન-ટૂ-મશીન મળીને કુલ 18 સિમના ઉપયોગની પરવાનગી આપી છે. એટલે કે એક યૂજરને ફક્ત વધુમાં વધુ 18 સિમ કાર્ડ જ ઇશ્યૂ કરી શકાશે. 

    ઇ-સિમને ઇંબેડેડ સબ્સક્રાઇબર આઇડેંટિટી મોડ્યૂલ કહેવામાં આવે છે. આ ટેક્નિકલ સોફ્ટવેરના માધ્યમથી કામ કરે છે. હાલ, આ ટેક્નોલોજીનો ઉપયોગ સ્માર્ટવોચમાં કરવામાં આવે છે. પરંતુ આ ટેક્નોલોજીને હવે સ્માર્ટફોન પર રોલ-આઉટ કરી આપવામાં આવશે. જેથી યૂજર્સ ફક્ત સોફ્ટ્વેરના માધ્યમથી ટેલીકોમ સેવાઓ લઇ શકાશે. આ ઉપરાંત એક ઓપરેટરથી બીજા ઓપરેટરમાં સ્વિચ કરવામાં પણ સરળતા રહેશે. સરળ ભાષામાં સમજીએ તો આ એક એવું સિમ કાર્ડ હશે, જે ડિવાઇસ બોર્ડમાં લગાવવામાં આવશે. ચિપ હોલ્ડ કરનાર કાર્ડની જરૂરિયાત ખતમ થશે.

ઇ-સિમ ટેક્નોલોજીના માધ્યમથી સ્માર્ટફોનની બેટરી લાઇફ વધી જશે. સોફ્ટવેરના માધ્યમથી કામ કરનાર ઇ-સિમમાં ફિજિકલ સિમની અપેક્ષામાં સ્માર્ટફોનની બેટરીની ખતપ ઓછી થઇ જશે. આ ઉપરાંત યૂજર્સનું સિમ પોર્ટ કરવા માટે 7 દિવસની રાહ નવી જોવી પડે. આ ટેક્નોલોજીથી યૂજર્સ તાત્કાલિક પોતાના ઓપરેટર બદલી શકે છે. આ ઉપરાંત સ્માર્ટફોનમાં સિમ કાર્ડ સ્લોટની પણ જરૂર નહી પડે જેથી તમારા સ્માર્ટફોનમાં વધારાની જગ્યા પણ બનશે.