Gujarati News

Gujarati News

News of Thursday, 17th May 2018

કાલે દેશભરમાં કોંગ્રેસના દેખાવો :લોકશાહી બચાવો દિવસ મનાવાશે

તમામ રાજ્યોના પાટનગર-જિલ્લા મુખ્યાલયો ખાતે વિરોધ-પ્રદર્શન :કોંગી વડાઓ ગવર્નરને આવેદન પાઠવશે

 

નવી દિલ્હી :કર્ણાટકમાં રાજ્યપાલ વજુભાઈ વાળાએભાજપના નેતા બી.એસ. યેદિયુરપ્પાને રાજ્યના મુખ્ય પ્રધાન તરીકે શપથ લેવાનું આમંત્રણ આપ્યું એના વિરોધમાં કોંગ્રેસ પાર્ટી આવતીકાલ, 18 મેના શુક્રવારે દેશભરમાં 'લોકશાહી બચાવો દિવસ' મનાવશે.

   કોંગ્રેસના નેતાઓ અને કાર્યકર્તાઓ શુક્રવારે તમામ રાજ્યોના પાટનગર શહેરો તથા જિલ્લા મુખ્યાલયો ખાતે વિરોધ-દેખાવો યોજશે.

    તમામ રાજ્યોના કોંગ્રેસી વડાઓને શુક્રવારે પત્રકારો પરિષદો યોજવા અને પોતપોતાના રાજ્યના ગવર્નરોને આવેદનપત્ર આપવાની સૂચના અપાઈ છે આવેદનપત્રમાં રાષ્ટ્રપતિ રામનાથ કોવિંદને વિનંતી કરવામાં આવશે કે તેઓ લોકતાંત્રિક સિદ્ધાંતો તથા બંધારણની પવિત્રતાનું રક્ષણ કરે.

    પક્ષના તમામ રાજ્ય એકમોને લખેલા પત્રમાં કોંગ્રેસના મહામંત્રી અશોક ગેહલોતે જણાવ્યું છે કે કોંગ્રેસે જનતા દળ-સેક્યૂલરની સાથે મળીને કર્ણાટકના વિધાનસભ્યોના નામોની એક યાદી સુપરત કરી હતી જેમાં આ ગઠબંધનની સરકારની રચવા કરવા માટે આવશ્યક કરતાં વધારે સંખ્યા છે.તેમ  છતાં રાજ્યપાલ વજુભાઈ વાળાએ ભાજપના યેદિયુરપ્પાને સરકાર રચવાનું આમંત્રણ આપીને એમના હોદ્દાના મોભાને ઉતારી પાડ્યો છે. એમણે ગેરબંધારણીય રીતે પગલું ભર્યું છે, એમ ગેહલોતે કહ્યું છે

(12:03 am IST)
  • કઠુઆ ગેંગરેપ પીડિતાની ઓળખ કેમ બહાર લાવ્યાં?:દિલ્હી હાઇકોર્ટે ગૂગલ, ફેસબુક, ટ્વિટરને નોટિસ ફટકારી :29મીએ સુનાવણી : કઠુઆ ગેંગરેપ પીડિતાનું નામ બહાર પાડવામાં આવ્યું હતું. ઘણી સાઇટો પર બાળકીની મર્યા પછીની તસવીર પણ બતાવાઈ હતી :આ મામલાને ગંભીરતાથી લેતા હાઇકોર્ટે સોશિયલ મીડિયા સાઇટોને નોટિસ આપી access_time 2:10 am IST

  • ૨૦૧૯ જ નહિ, ૫૦ વર્ષ સત્તામાં રહેવાની તૈયારીઃ અમિત શાહઃ ભાજપ અધ્યક્ષે કારોબારી ને સંબોધન કર્યુઃ ગઠબંધન મજબુત હોય તો લાંબો સમય સત્તા મળતી રહેઃ ઘરે-ઘરે જઇને પક્ષના નંબર પર મિસ કોલ કરાવવા અભિયાન શરૂ થશે access_time 12:26 pm IST

  • દિલ્હી પોલીસે કેજરીવાલને થકવી દીધા ;3 કલાકમાં 150 સવાલો પુછ્યા: પોલીસે કહ્યું જવાબથી સંતુષ્ટ::દિલ્હીના મુખ્ય સચિવ અંશુ પ્રકાશ સાથે મારામારી મુદ્દે થઇ.હતી પૂછપરછ : કેજરીવાલે ટ્વીટમાં લખ્યું કે, દિલ્હીમાં લોકપ્રિયતા ઝડપથી વધી રહી છે કેન્દ્રની ભાજપ સરકાર આ કામને અટકાવવા માંગે છે: પોલીસનો એક જ ઇરાદો છે અમને પરેશાન કરવાનો અને અમને બદનામ કરવાનું. પરંતુ જનતા અમારી સાથે છે. જનતા સૌ કોઇ જાણે છે. અમે અંતિમ શ્વાસ સુધી દેશનાં માટે કામ કરતા રહીશું. access_time 2:05 am IST