Gujarati News

Gujarati News

News of Monday, 18th March 2019

#Metoo અભિયાનમાં ફસાયેલ ભાજપના અકબરની ‘હું પણ ચોકીદાર’ tweet પર ભડકી બૉલિવૂડ એક્ટ્રેસ

રેણુકા શહાણે લખ્યું ,,જો તમે ચોકીદાર છો તો કોઈ મહિલા સુરક્ષિત નથી

 

નવી દિલ્હી :આગામી લોકસભા ચૂંટણી પહેલા Twitter પર ‘Main Bhi Chowkidar’ હૅશટૅગ ટ્રેન્ડ થઈ રહ્યો છે. વડાપ્રધાન મોદી સહિત ભાજપના અગ્રણી નેતાઓએ ટ્વિટર પર પોતાનું નામ બદલી નાખ્યું છે. પોતાના નામની આગળ ચોકીદાર શબ્દ લગાવી દીધો છે

ટ્વિટર પર અભિયાન સાથે ભાજપના નેતા એમ.જે.અકબર પણ જોડાયા છે  જેમનું નામ વાદવિવાદોમાં ઘેરાયેલું રહેતું હોય છે.

એમ.જે.અકબરે પોતાનું નામ બદલ્યું અનેચોકીદારઅભિયાન પર ટ્વિટ કર્યું, લખ્યું, “હું #MainBhiChowkidar અભિયાન સાથે જોડાઈને ગર્વ અનુભવી રહ્યો છું. દેશને પ્રેમ કરતી વ્યક્તિ હોવાના કારણે ભ્રષ્ટાચાર, ગંદકી, ગરીબી અને આતંકવાદને હરાવવા અને દેશને વધુ સારો, મજબૂત અને સુરક્ષિત બનાવવામાં હું સંપૂર્ણપણે સહયોગ આપીશ.”

ત્યારે બૉલીવુડ અભિનેત્રી રેણુકા શહાણે ટ્વીટ પર ભડકી છે રેણુકા શહાણે લખ્યું કે જો તમે ચોકીદાર છો તો કોઈ મહિલા સુરક્ષિત નથી.

અત્રે ઉલ્લેખનીય છે કે એમ.જે.અકબરે #Metooના તમામ આરોપોને જૂઠ્ઠા ગણાવી પોતાને નિર્દોષ ગણાવ્યા હતા. પરંતુ ઓક્ટોબર 2018માં કેન્દ્રિય રાજ્યમંત્રીના પદ પરથી રાજીનામુ આપવું પડ્યું હતું.

(10:14 pm IST)
  • દ્વારકાના જામકલ્યાણપુરમાં સગીરા સાથે ભુવાએ આચર્યુ દુષ્કર્મ ઘાટવડીયા ગામમાં ભરત સોનાગરા નામના ભુવાએ દુષ્કર્મ આચર્યાની સગીરાની માતાએ કરી પોલીસ ફરીયાદ : કલ્યાણપુર પોલીસે ગુનો નોંધી તપાસ હાથ ધરી access_time 5:51 pm IST

  • અમદાવાદમાં બોગસ લાયસન્સ બનાવવાનું કૌભાંડઃ બે ઝડપાયા : આરટીઓ કરાર આધારીત કર્મચારી સહિત એક એજન્ટની પણ ધરપકડઃ રજાના દિવસોમાં ૮૩ બોગસ લાયસન્સ બનાવ્યા હતા access_time 3:43 pm IST

  • યુપીમાં કોંગ્રેસને સમર્થન આપવા ભીમ આર્મીનો ઇન્કાર :ભીમ આર્મીના ચીફ ચંદ્રશેખર સાથે પ્રિયંકા ગાંધીએ મુલાકાત કરતા ચર્ચા હતી કે ભીમ આર્મી કોંગ્રેસને સપોર્ટ કરશે :ભીમ આર્મીના રાષ્ટ્રીય અધ્યક્ષ રાતનસિંહે કહ્યું કે લોકસભા ચૂંટણીમાં યુપીમાં કોંગ્રેસને સમર્થન કરવા કોઈ કારણ નથી :તેઓએ એમ પણ કહ્યું કે કોંગ્રેસે દલિતો માટે કઈ કર્યું નથી access_time 12:54 am IST