Gujarati News

Gujarati News

News of Monday, 18th March 2019

છત્તીસગઢમાં CRPFની પેટ્રોલિંગ ટૂકડી પર નક્સલીઓનો હુમલો :એક જવાન શહીદ: પાંચ ગંભીર:સર્ચ ઓપરેશન શરૂ

તમામ ઘાયલ જવાનોને ઈલાજ માટે હેલીકોપ્ટરમાં રાયપુર લઈ જવાયા

 

નવી દિલ્હીઃ છત્તીસગઢના અરનપુર વિસ્તારમાં નકસલવાદીઓએ ફરી વાર CRPFના જવાનોને નિશાન બનાવી હુમલો કર્યો છે. હુમલામાં એક જવાન શહીદ થયો છે અને 5 જવાન ગંભીર રીતે ઘાયલ થયા છે. તમામ ઘાયલ જવાનોને ઈલાજ માટે હેલીકોપ્ટરમાં રાયપુર લઈ જવાયા છે. હુમલો કરનારા નકસલવાદીઓને શોધવા માટે CRPF દ્વારા સર્ચ ઓપરેશન હાથ ધરાયું છે

   CRPFના વરિષ્ઠ અધિકારકીના જણાવ્યા અનુસાર, નક્સલવાદી હુમલામાં ઘાયલ થયેલા તમામ જવાન CRPFની 31મી બટાલિયનમાં તૈનાત છે. તમામ જવાનને અરનપુર (દાંતેવાડા)ની કમલપોસ્ટ વિસ્તારમાંથી પસાર થતા રોડની સુરક્ષા સોંપાઈ હતી. સોમવારે સાંજે લગભગ 4.25 કલાકે CRPFની ટૂકડી પેટ્રોલિંગમાં નિકળી હતી. દરમિયાન થયેલા જોરદાર વિસ્ફોટમાં CRPFના 6 જવાન ગંભીર રીતે ઘાયલ થઈ ગયા હતા

બ્લાસ્ટ પછી તરત ઘાત લગાવીને બેસેલા નક્સલીઓએ CRPFના જવાનો પર ગોળીબાર શરૂ કરી દીધો હતો. સામ-સામા ગોળીબાર બાદ નક્સલવાદીઓ તક મળતાં ફરાર થઈ ગયા હતા

(9:53 pm IST)
  • પશ્ચિમ બંગાળમાં એકલે હાથે ચૂંટણી લડશે કોંગ્રેસ : માર્કસવાદી સામ્યવાદી પક્ષના ડાબેરી મોરચા સાથેની વાતો ગઈકાલે પડી ભાંગ્યા પછી પશ્ચિમ બંગાળ કોંગ્રેસે લોકસભાની ચૂંટણી પશ્ચિમ બંગાળમાં એકલા હાથે લડવાની જાહેરાત કરી છે access_time 3:54 pm IST

  • ઉત્તર ગુજરાતની ચાર બેઠક પર ચર્ચા પૂર્ણ: જામનગરમાં પૂનમ માડમને રીપીટ કરે તેવી શક્યતા : રેવાબા જાડેજા અને રાઘવજી પટેલના નામ પર ચર્ચા access_time 7:11 pm IST

  • ભરૂચમાં ઉઠયો ચૂંટણીનો બહિષ્કારનો સુરઃ પડતર પ્રશ્નો ન ઉકેલતા સ્થાનીકોમાં રોષઃ ''જુતાનો હાર પહેરાવી કરશુ સ્વાગત'' મત માગવા આવનાર નેતાઓને ચીમકી access_time 4:15 pm IST