Gujarati News

Gujarati News

News of Monday, 18th January 2021

'તાંડવ' પર હોબાળો... માહિતી અને પ્રસારણ મંત્રાલયે એમેઝોન પ્રાઇમ વિડીયોઝ પાસે માંગી સ્પષ્ટતા

વેબ સીરિઝ 'તાંડવ'માં હિંદુ દેવી-દેવતાઓનું કથિત રીતે અપમાન કરાયાની ફરિયાદોને માહિતી અને પ્રસારણ મંત્રાલયે ગંભીરતાથી લીધી છે

નવી દિલ્હી તા. ૧૮ : વેબ સીરિઝ 'તાંડવ'ને લઈને વિવાદ રોકાવાનું નામ નથી લઈ રહ્યો. ભાજપના નેતાઓના હિંદુઓની ભાવનાઓને ઠેસ પહોંચાડવાના આરોપ બાદ માહિતી અને પ્રસારણ મંત્રાલયે આજે એમેઝોન પ્રાઈમ વિડીયોના અધિકારીઓને સમન્સ મોકલ્યા છે.

કેન્દ્રીય માહિતી તેમજ પ્રસારણ મંત્રાલયે વેબ સીરિઝ 'તાંડવ'માં હિંદુ દેવી-દેવતાઓની કથિત રીતે મજાક ઉડાડવાની ફરિયાદોને ગંભીરતાથી લીધી છે. મંત્રાલયે રવિવારે સ્ટ્રીમિંગ પ્લેટફોર્મ એમેઝોન પ્રાઈમ વિડીયોને નોટિસ આપી સફાઈ માંગી છે. રવિવારે જ ભાજપ સાંસદ મનોજ કોટકે માહિતી અને પ્રસારણ મંત્રી પ્રકાશ જાવડેકરે પત્ર લખીને 'તાંડવ' વેબ સીરિઝ પર પ્રતિબંધની માંગ કરી હતી.

ભાજપ સાંસદ મનોજ કોટકે સીરિઝ પર સવાલ ઉઠાવતા કહ્યું હતું કે, વેબ સીરિઝના નામ પર સતત હિંદુ કોન્ટેન્ટ પીરસવામાં આવી રહ્યું છે, જેના પર તાત્કાલિક રોક લગાવવાની જરૂર છે. તેમણે કહ્યું કે, ફિલ્મો અને સીરિઝમાં હિંદુ દેવી-દેવતાઓની મજાક ઉડાવાય છે, જેનાથી હિંદુઓની ભાવનાઓને ઠેસ પહોંચે છે.

'તાંડવ'માં સૈફ અલી ખાન, ડિમ્પલ કાપડિયા, સુનીલ ગ્રોવર, તિગ્માંશુ ધુલિયા, ડીનો મોરિયા, કુમુદ મિશ્રા, મોહમ્મદ જીશાન અયૂબ, ગૌહર ખાન અને કૃતિકા કામરા મુખ્ય ભૂમિકામાં છે. અલી અબ્બાસ ઝફરે તેને ડાયરેકટ કરી છે, જયારે કે તેની પટકથા 'આર્ટિકલ ૧૫' ફેમ ગૌરવ સોલંકીએ લખી છે.

(10:34 am IST)
  • આગામી ૨૦ જાન્યુઆરીથી ૨૪ જાન્યુઆરી સુધી સ્પાઈસ જેટની રાજકોટ - દિલ્હી ફલાઈટ કેન્સલ : ૨૫મીએ આવશે તથા ૨૬ જાન્યુઆરીએ પણ રદ્દ કરાઈ : દિલ્હીમાં પ્રજાસત્તાક દિનની ઉજવણી સંદર્ભે એર ગ્લોઝર જાહેર કરાયુ હોય સ્પાઈસ જેટની રાજકોટ - દિલ્હી વચ્ચેની દરરોજ આવતી ફલાઈટ આગામી તા.૨૦ જાન્યુઆરીથી ૨૪ જાન્યુઆરી સુધી રદ્દ કરાઈ છે : ટોચના એર ખાતાના સૂત્રોના ઉમેરાયા મુજબ આ ફલાઇટ ૨૫મીએ આવશે : પરંતુ ૨૬ જાન્યુઆરીએ પણ રદ્દ રહેશે : રાજકોટ એર ઈન્ડિયા દ્વારા પોતાની દિલ્હીની ફલાઈટ અંગે હજુ કોઈ જાહેરાત કરાઈ નથી access_time 4:20 pm IST

  • બાંગ્લાદેશને વેક્સિનના ૨૦ લાખ ડોઝ ભારત આપશે : ૨૦ જાન્યુઆરીએ ભારત કોવિશિલ્ડ કોરોના વેકસીનના ૨૦ લાખ ડોઝ બાંગ્લાદેશને ભેટ સ્વરૂપે આપશે તેવી જાહેરાત થઇ છે access_time 12:26 am IST

  • રાજકોટની કોટેચા હાઈસ્કુલના પ્રિન્સીપાલ સહિત ૩ કર્મચારીઓ કોરોના સંક્રમિત : તમામ આઈસોલેટેડ : ધો.૧૦-૧૨ના વિદ્યાર્થીઓ માટે સ્કુલ શરૂ થતાં જ કોરોનાનો ફફડાટ : શહેર - જીલ્લામાં મળી હાઈસ્કુલોમાં કુલ ૬ કર્મચારીઓ કોરોનાની ઝપેટમાં access_time 6:25 pm IST