Gujarati News

Gujarati News

News of Monday, 18th January 2021

તાલિબાન પાસે ફંડ ખૂટતા ગરીબ આતંકીઓના એકથી વધુ લગ્ન પર પ્રતિબંધ

જોકે આ નિર્ણય અમિર આતંકીઓ અને સંગઠનના આકાઓને લાગુ નહીં થાય માત્ર ગરીબ આતંકીઓ પર જ આ પ્રતિબંધ મુકવામાં આવ્યો છે

કાબુલ, તા. ૧૮: આતંકી સંગઠન તાલિબાનમાં મહિલાઓનું શોષણ ચરમસિમાએ છે, આતંકીઓ અનેક મહિલાઓ સાથે લગ્ન કરી પોતાની હવસનો શિકાર બનાવે છે. જોકે હાલ સંગઠન પાસે ફંડની અછત હોવાથી આતંકીઓના લગ્ન પાછળ થતો ખર્ચ અટકાવવા એક કરતા વધુ લગ્ન પર પ્રતિબંધ મુકવા મજબૂર થયું છે.

જોકે આ નિર્ણય અમિર આતંકીઓ અને સંગઠનના આકાઓને લાગુ નહીં થાય માત્ર ગરીબ આતંકીઓ પર જ આ પ્રતિબંધ મુકવામાં આવ્યો છે. જેથી સ્પષ્ટ થાય છે કે આતંકી સંગઠનો માટે મહિલાઓ પર અત્યાચાર રોકવો એ નહીં પણ પોતાના પૈસાનો ખર્ચ અટકાવી તેનો હુમલામાં ઉપયોગ કરવો તે વધુ મહત્વનું છે.

અફઘાનિસ્તાન તાલિબાનના વડા મુલ્લા હૈબતુલ્લા અખંુદજાદાએ એક આદેશ જારી કરીને તાલિબાની આતંકી કમાન્ડરોને કહ્યું છે કે એકથી વધુ પત્નીઓ તમે નહીં રાખી શકો અને માત્ર એક જ લગ્ન પાછળ ખર્ચ કરી શકશો. બીજા કોઇ લગ્ન પાછળ ખર્ચ કરવા દેવામાં આવશે નહીં. આતંકી સંગઠનો પાસે પૈસાની અછત હોવાથી આ નિર્ણય લેવાયો છે.

તાલિબાની આતંકીઓ અને આકાઓ દ્વારા સંગઠન પાસેથી લગ્ન માટે પૈસા આપવાની માગણી વધવા લાગી હતી, જેને કારણે જ આ રોક લગાવાઇ છે. જોકે જેવું ફંડ મળવા લાગશે તે બાદ એક કરતા વધુ મહિલાઓ સાથે લગ્ન કરવાની છૂટ પણ આપવામાં આવશે.

એક રિપોર્ટ અનુસાર અફઘાનિસ્તાનમાં લગ્ન સમયે યુવતીના પરિવારને યુવક દ્વારા મેહર તરીકે ૧૯ લાખ રૂપિયા જેટલી રકમ આપવી પડે છે. દરેક પત્ની માટે અલગ દ્યરની વ્યવસૃથા કરવી પડે છે. જેને પગલે આટલી રકમ લાવવા હાલ તાલિબાન સક્ષમ ન હોવાથી આ નિર્ણય લેવાયો છે.

(9:54 am IST)
  • આગામી ૨૦ જાન્યુઆરીથી ૨૪ જાન્યુઆરી સુધી સ્પાઈસ જેટની રાજકોટ - દિલ્હી ફલાઈટ કેન્સલ : ૨૫મીએ આવશે તથા ૨૬ જાન્યુઆરીએ પણ રદ્દ કરાઈ દિલ્હીમાં પ્રજાસત્તાક દિનની ઉજવણી સંદર્ભે એર ગ્લોઝર જાહેર કરાયુ હોય સ્પાઈસ જેટની રાજકોટ - દિલ્હી વચ્ચેની દરરોજ આવતી ફલાઈટ આગામી તા.૨૦ જાન્યુઆરીથી ૨૪ જાન્યુઆરી સુધી રદ્દ કરાઈ છે : ટોચના એર ખાતાના સૂત્રોના ઉમેરાયા મુજબ આ ફલાઇટ ૨૫મીએ આવશે : પરંતુ ૨૬ જાન્યુઆરીએ પણ રદ્દ રહેશે : રાજકોટ એર ઈન્ડિયા દ્વારા પોતાની દિલ્હીની ફલાઈટ અંગે હજુ કોઈ જાહેરાત કરાઈ નથી access_time 1:27 pm IST

  • છેલ્લા ૨૪ કલાકમાં પાંચ હજાર નવા કોરોના કેસ સાથે કેરળ દેશમાં પ્રથમ નંબરે: બીજા નંબરે મહારાષ્ટ્ર ત્રણ હજાર નવા કેસ: ગુજરાત નવા ૫૧૮ કેસ સાથે આઠમા નંબરે રહ્યું છે access_time 10:38 am IST

  • રાજકોટની કોટેચા હાઈસ્કુલના પ્રિન્સીપાલ સહિત ૩ કર્મચારીઓ કોરોના સંક્રમિત : તમામ આઈસોલેટેડ : ધો.૧૦-૧૨ના વિદ્યાર્થીઓ માટે સ્કુલ શરૂ થતાં જ કોરોનાનો ફફડાટ : શહેર - જીલ્લામાં મળી હાઈસ્કુલોમાં કુલ ૬ કર્મચારીઓ કોરોનાની ઝપેટમાં access_time 6:25 pm IST