Gujarati News

શ્રીનગર : જમ્મુ કાશ્મીરમાં આતંકીઓએ ફરી એકવાર ટ્રક અને ડ્રાઈવરને નિશાન બનાવવાનો પ્રયાસ કર્યો હતો  આ દરમિયાન આતંકીઓએ ટ્રકને આગ ચાંપી દીધી હતી. જો કે, ડ્રાઇવર અને તેના સહાયકને કોઈ નુકસાન થયું નથી.

          ત્રાલના અમીરાબાદ ગામમાં શનિવારે રાત્રે આતંકવાદીઓએ એક ટ્રકને આગ ચાંપી દીધી હતી. આ કેસ અંગેની માહિતી મળતાની સાથે જ પોલીસ અને સુરક્ષા દળોએ વિસ્તારને ઘેરી લીધો હતો અને સર્ચ ઓપરેશન હાથ ધર્યું હતું.

          આ પહેલા 14 નવેમ્બરના રોજ, સામાન્ય લોકોમાં ભય ફેલાવવા માટે કપડાની દુકાનદારને ત્રાલ બસ સ્ટેન્ડ પર આતંકીઓએ ગોળીથી ઠાર માર્યો હતો. મેહરાજુદ્દીન દુકાન નજીક ઉભો હતો ત્યારે બપોરના સાડા ત્રણ વાગ્યાની આસપાસ આ ઘટના બની હતી.