Gujarati News

Gujarati News

News of Sunday, 17th November 2019

૪૮૧ કરોડના દેવામાં ડૂબેલી મીરા-ભાઈંદર મહાનગરપાલિકા દ્વારા મેયર, ડૅપ્યુટી મેટર અને સ્ટૅન્ડિંગ કમિટીના અધ્યક્ષની ઑફિસના વિસ્તાર અને રિનોવેશન પાછળ ૨ કરોડ ૨૫ લાખ રૂપિયાનો ફાજલ ખર્ચ

મીરા-ભાઈંદર  : ૪૮૧ કરોડના દેવામાં ડૂબેલી મીરા-ભાઈંદર મહાનગરપાલિકા દ્વારા મેયર, ડૅપ્યુટી મેટર અને સ્ટૅન્ડિંગ કમિટીના અધ્યક્ષની ઑફિસના વિસ્તાર અને રિનોવેશન પાછળ ૨ કરોડ ૨૫ લાખ રૂપિયાનો ખર્ચ કરાતો હોવાની ચોંકાવનારી માહિતી જાણવા મળી છે.

મીરા-ભાઈંદર મહાનગરપાલિકા પાસે વિવિધ કામો માટે ભંડોળ ન હોવાથ‌ી ૪૮૧ કરોડ રૂપિયાનું કર્જ લેવામાં આવ્યું છે. ભંડોળ ઊભું કરવા માટે પાણીના દરમાં વધારો કરાયો છે, પણ એની સામે નાગરિકોને મૂળભૂત સુવિધા પૂરી નથી પડાતી. આવી સ્થિતિમાં સત્તાધારી બીજેપીએ પાલિકામાં મુખ્યાલયમાં બીજા માળે આવેલી મેયર, ડૅપ્યુટી મેયર અને સ્ટૅન્ડિંગ કમિટીના અધ્યક્ષની ઑફિસોને તોડીને નવેસરથી વિશાળ બનાવવાનું કામ ૨.૨૫ કરોડ રૂપિયાને ખર્ચે ચાલુ કર્યું છે. પાલિકાના મુખ્યાલયમાં દરરોજ નગરસેવકો, પાલિકાના અધિકારીઓ અને આમ જનતા કામકાજ માટે આવતા હોવાથી જગ્યા ઓછી પડે છે. આથી મેયર ડિમ્પલ મહેતાએ ત્રણેય ઑફિસ મોટી કરવાની માગણી પાલિકા પ્રશાસન પાસે કરી હતી. આથી પાલિકાએ ૨૦૧૯ની ૨૬ જુલાઈએ આ કામ કરવા માટે ટેન્ડર મગાવ્યું હતું. બાદમાં સ્પાર્ક સિવિલ ઇન્ફ્રા પ્રોજેક્ટ્સ નામની કંપનીને ૨ કરોડ ૭ લાખ ૯૧ હજાર રૂપિયામાં આ કામ આપવામાં આવ્યું હતું. અત્યારે મેયરની ઑફિસનું કામ ચાલુ કરાયું હોવાથી મેયર ડૅપ્યુટી મેયરની ઑફિસમાં અને ડૅપ્યુટી મેયર સ્ટૅન્ડિંગ કમિટીના સભાપતિની ઑફિસમાં બેસે છે.

ભૂતપૂર્વ ઉપનગરાધ્યક્ષ અરુણ કદમે કહ્યું હતું કે સત્તાધારીઓ પાલિકા અને કરદાતાઓના રૂપિયાનો દુરુપયોગ કરી રહ્યા છે. લોકો વિવિધ સમસ્યાનો સામનો કરી રહ્યા છે એના પર ધ્યાન દેવાને બદલે પોતાની ઑફિસો મોટી અને આલીશાન જોઈએ છે. આથી આ કામ અને રૂપિયાનો થઈ રહેલો દુરુપયોગ રોકવો જોઈએ.

મેયર ડિમ્પલ મહેતાનો આ વિશે 'મિડ-ડે'એ સંપર્ક કરવાનો પ્રયાસ કરાયા બાદ પણ તેમની સાથે વાત નહોતી થઈ શકી.

(11:58 am IST)
  • ઝારખંડ વિધાનસભા ચૂંટણી : સીએમ રઘુબીરદાસ સામે કોંગ્રેસે તેજતર્રાર પ્રવક્તા ગૌરવ વલ્લભને મેદાનમાં ઉતાર્યા : ટીવી ડીબેટમાં છવાયેલ અને અર્થશાસ્ત્રના પ્રોફેસર ગૌરવ વલ્લભ એક ખાનગી ચેનલમાં ભાજપના રાષ્ટ્રીય પ્રવક્તા સબિત પાત્રા જયારે 10 ટ્રિલિયન 10 ટ્રિલિયન કહેતા હતા ત્યારે ગૌરવ વલ્લભે એક ટ્રિલિયનમાં કેટલા ઝીરો આવે છે તેવો બેધડક સવાલ કરતા સબિત પાત્રા જવાબ નહોતા આપી શક્યા અને હાંસીપાત્ર બન્યા હતા જેનો વિડિઓ ખુબ વાયરલ થયો હતો access_time 10:55 am IST

  • બાબા રામદેવએ કહ્યું અયોધ્યામાં રામમંદિરની આધારશિલા વડાપ્રધાન નરેન્દ્રભાઈ મોદીએ રામનવમીએ રાખવી જોઈએ : રામદેવએ એમ પણ કહ્યું હતું કે રામ મંદિર મહાન વૈદિક પરંપરાનું પ્રતિબીંબ હોવું જોઈએ access_time 1:10 am IST

  • આ દેશ સદૈવ તમારા બલીદાન માટે ઋણી રહેશેઃ અમિતભાઇ: સીઆરપીએફ ઇન્ડિયાના હેડકવાટરમાં ''સરદાર પોસ્ટ'' ઉપર દેશની રક્ષા માટે પોતાના જીવન ન્યોછાવર કરનાર આપણા અમર બલીદાનીઓને ગૃહમંત્રી અમિતભાઇ શાહે શ્રધ્ધાંજલી અર્પતા કહેલ કે આ દેશ સદા તેમના બલિદાનો માટે ઋણી રહેશે access_time 2:26 pm IST