Gujarati News

આયરલેન્ડ તા. ૧૭ : વિશ્વમાં ગત દિવસોમાં મીટૂ કેમ્પેને જોર પકડ્યું હતું. ભારતમાં પણ આ કેમ્પેન મારફતે અનેક મોટા માથાના નામો સામે આવ્યા હતા. હવે વિશ્વમાં એક બીજા કેમ્પેને જોર પકડ્યું છે. ઇન્ટરનેટ પર ધીસ ઇઝ નોટ કન્સેન્ટ કરીને કેમ્પેન ચાલી રહ્યું છે જેના અંતર્ગત મહિલાઓ પોતાના આંતરવસ્ત્ર દ્વારા વિરોધ વ્યકત કરી રહ્યા છે. આ કેમ્પેનની શરૂઆત આયરલેન્ડમાંથી થઇ હતી. કોર્ટ રૂમમાં રેપ કેસના ટ્રાયલમાં બચાવ પક્ષના વકીલે જાહેરમાં પીડિતાના આંતરવસ્ત્ર દર્શાવ્યા બાદ આયરલેન્ડની સંસદમાં સાંસદ રૂથ કોપિંગરે પણ ઘટનાનું પુનરાવર્તન કરતા લીલા રંગના આંતરવસ્ત્રને દર્શાવ્યું હતું. ત્યારબાદ આ ઘટનાના પડઘા સોશિયલ મીડિયા પર પણ પડ્યા જેમાં ધીસ ઇઝ નોટ કન્સેન્ટ કેમ્પેન હેઠળ લોકો જોડાઇને પીડિતાનું સમર્થન જોવા મળી રહ્યા છે.

આ કેમ્પેનની શરૂઆત કોર્ટ રૂમમાંથી થઇ હતી. આયરલેન્ડમાં ૧૭ વર્ષની સગીરાએ ૨૭ વર્ષના પુરુષ પર બળાત્કારનો આરોપ લગાવ્યા હતો. ટ્રાયલ દરમિયાન બચાવ પક્ષની વકીલે પીડિતાના વસ્ત્રો અંગે ટીપ્પણી કરી હતી. વકીલે જણાવ્યું હતું કે, સગીરાએ લેસ વાળા આંતવ સ્ત્ર પહેર્યા હતા અને તે આરોપીથી આકર્ષિત થઇ હતી. લોકો ધીસ ઇઝ નોટ કન્સેન્ટ કેમ્પેન અંતર્ગત રોડ પર આવીને વિરોધ વ્ચકત કરી રહ્યા છે

હકીકતમાં આયરલેન્ડમાં રેપ કેસમાં આરોપીના વકીલ એલીઝાબેથ ઓ'કોનેલે પીડિતાના અંતરવસ્ત્રને કોર્ટ સામે રાખીને દલીલ કરી હતી કે, શું આ પુરતું નથી કે પીડિતા આરોપીથી આકર્ષિત થઇ હતી. તે કોઇની સાથે મળવા માટે સંપૂર્ણ રીતે તૈયાર હતી. વકીલે દલીલ કરી હતી કે, આ બન્નેએ સંમતિથી સંબંધ બાંધ્યો હતો. કોર્ટે આરોપીને મુકત કરી દીધો હતો.

આયરલેન્ડની મહિલા સાંસદ રૂથ કોપિંગરે મંગળવારે આ અંગે વિરોધ વ્યકત કરતા લીલા રંગના આંતરવસ્ત્ર લહેરવતા નારાજગી વ્યકત કરી હતી. તેમણે જણાવ્યું હતું કે, તમને આ આંતરવસ્ત્ર ફરકાવવું સારું ન લાગે... તો પછી વિચારવા જેવી વાત છે કે, જયારે કોઇ બળાત્કાર પીડિતાનું અથવા અન્ય કોઇ મહિલાના આંતરવસ્ત્ર કોર્ટમાં દેખાડવામાં આવે તો તેને કેવું લાગ્યું હશે. અને આ ઘટનાને પગલે વિશ્વની અન્ય મહિલાઓ પણ ધીસ ઇઝ નોટ કન્સેન્ટ કેમ્પેન ચલાવી રહ્યા છે.  આ કેમ્પન દ્વારા લોકો પીડિતાને ન્યાય અપાવવાની માંગ કરી રહ્યા છે.