Gujarati News

Gujarati News

News of Saturday, 17th November 2018

એર ઇન્ડિયાની અનોખી ઓફર : માત્ર રૂ. ૧૦૦૦માં કરો પ્લેનની મુસાફરી

નવી દિલ્હી તા. ૧૭ : સરકારી એરલાઈન કંપની એર ઈન્ડિયા ૧૦૦૦ રૂપિયામાં જ મુસાફરી કરવાની તક આપી રહી છે. કંપનીની આ ઓફરનો લાભ કેટલીક ખાસ ડોમેસ્ટિક ફલાઈટ પર યાત્રા કરનાર લોકો ઉઠાવી શકે છે. જોકે, આ માટે મુસાફરો પાસે માત્ર રાત્રે જ યાત્રા કરવાનો ઓપ્શન રહેશે. સસ્તી વિમાન ટિકિટની આ ઓફરનો લાભ ૩૦ નવેમ્બરની રાતે શરૂ થતા ઉડ્ડયન માટે લઈ શકો છો.

આ ઓફર હેઠળ બેંગલુરૂ-અમદાવાદ અને અમદાવાદ બેંગલુરૂ રૂટ પર માત્ર ૧૦૦૦ રૂપિયાના બેઝિક ફેર પર ટિકિટ ઉપલબ્ધ છે. દિલ્હીથી કોઈમ્બતુર અને કોઈમ્બતુરથી દિલ્હીની ટિકિટ ૨૫૦૦ છે. આ સાથે જ દિલ્હીથી ગોવા અને ગોવાથી દિલ્હીનું ભાડું ૩૦૦૦ રૂપિયા છે.

નોંધનીય છે કે આ પહેલા એરએશિયાએ તાજેતરમાં જ ડોમેસ્ટિક ટિકિટનું વેચાણ ૩૯૯ રૂપિયા અને આંતરરાષ્ટ્રીય ટિકિટનું વેચાણ ૧,૯૯૯ રૂપિયાથી શરૂ કર્યું હતું. આ ઓફરનો લાભ મે ૨૦૧૯થી લઈ ફેબ્રુઆરી ૨૦૨૦ સુધીની મુસાફરી માટે લઈ શકો છો. આ ઉપરાંત ગો-એરે પણ ૧૩૧૩ રૂપિયાની શરૂઆતની કિંમતથી લઈને ટિકિટના વેચાણની જાહેરાત કરી હતી. આ ઓફરનો લાભ લેવાની સમયમર્યાદા ૫ નવેમ્બર ૨૦૧૮થી ૪ નવેમ્બર ૨૦૧૯ વચ્ચે હોવી જોઈએ.

(10:57 am IST)
  • સુરતના પલસાણા ખાતે થયેલ હત્યાનો ભેદ ઉકેલાયો:પલસાણા જોળવા ગામે નંદલાલ ગુપ્તા નામના યુવકની થઇ હતી હત્યા: લોખંડના પાઇપ મારી કરવામાં આવી હતી હત્યા:SOG પોલીસે હત્યાના આરોપીઓને ઝડપી પાડ્યા:હત્યા કરનાર મુર્તકની પત્ની, પુત્ર અને સાળો જ નીકળ્યા:ન જેવી બાબતે ઝગડો થયાં બાદ દિવાળીના દિવસે નંદલાલ ગુપ્તાની કરાઈ હતી હત્યા:પોલીસે હત્યામાં સામેલ પત્નીની કરી ધરપકડ, જ્યારે પુત્ર અને સાળા ને વોન્ટેડ જાહેર કર્યા access_time 10:44 pm IST

  • સુરતના હજીરા થી ભાવનગરના ઘોઘા વચ્ચે 9 ડિસેમ્બરથી રો રો પેસેન્જર સર્વિસનો પ્રારંભ થશે:4 કલાકમાં ઘોઘા થી હજીરા પહોંચી શકાશે access_time 12:01 pm IST

  • અમરેલી:ધારીના આંબરડી ગામે મોડી રાત્રે દીપડાએ 16 વર્ષના છોકરા ઉપર હુમલો કર્યો: ખેતરમાં સુતા હતા ત્યારે દીપડાએ કર્યો હુમલો:ઘરના સભ્યો જાગી જતા દીપડો છોકરાંને મૂકી જંગલ વિસ્તાર તરફ જતો રહ્યો:છોકરાને અમરેલી સિવિલ હોસ્પિટલ ખાતે સારવાર અર્થે ખસેડવામાં આવ્યો access_time 12:02 pm IST