Gujarati News

મુંબઈ : દિલ્હી-મુંબઈ રેલવે લાઈન પર એક એવું પણ સ્ટેશન પણ છે જે બે રાજ્યો સાથે જોડાયેલું છે. જી હાં આ રેલવે સ્ટેશન ઝાલાવાડ જિલ્લા અને રાજસ્થાનના કોટા વિભાગમાં આવે છે. ભવાની મંડી રેલવે સ્ટેશન કરીને એક સ્ટેશન આવેલું છે કે જે રાજસ્થાન અને મધ્યપ્રદેશ બંને રાજ્યોમાં વહેંચાયેલું છે. કદાચ આ વાત સાંભળીને આશ્ચર્ય થાય પરંતુ આ વાત સાચી છે. આ સ્ટેશન પર ટ્રેનનું એન્જિન એક રાજ્યમાં અને ટ્રેનનો ગાર્ડ ડબ્બો બીજા રાજ્યમાં ઉભો છે. આ રેલવે સ્ટેશન પર રાજસ્થાનનું બોર્ડ રેલવે સ્ટેશનના એક છેડે અને મધ્યપ્રદેશ રાજ્યનું બોર્ડ બીજા છેડે જોવા મળે છે.

જ્યારે આ સ્ટેશન પર ટ્રેન ઉભી રહે છે ત્યારે તે ટ્રેન અડધી મધ્યપ્રદેશમાં અને અડધી રાજસ્થાનમાં હોય છે. આ ભવાની મંડી સ્ટેશન રાજસ્થાન અને એમપીની સરહદ પર સ્થિત હોવાને કારણે ઘણી રીતે વિશેષ છે.