Gujarati News

Gujarati News

News of Wednesday, 17th October 2018

ઓનલાઇન ટ્રાવેલ અેજન્‍સીઝને આ વખતે દિવાળી તહેવારમાં બમ્‍પર બિઝનેશની આશા

નવી દિલ્હી:ટૂર ઓપરેટર્સ અને OTA (ઓનલાઇન ટ્રાવેલ એજન્સીઝ) ચાલુ તહેવારની સીઝનમાં બમ્પર બિઝનેસની અપેક્ષા રાખે છે. દશેરા, દુર્ગા પૂજા અને દિવાળી જેવા મોટા તહેવારોના કારણે ગયા વર્ષની સરખામણીમાં બૂકિંગમાં ભારે વધારો થશે. ઈંધણ મોંઘું થવાના કારણે એરલાઇન્સના માર્જિન પર દબાણ હોવા છતાં વખતે ડીલ વધુ સસ્તી પડે છે.

ક્લિયરટ્રિપ, એક્સપિડિયા, બિગ બ્રેક્સ, યાત્રા જેવા પોર્ટલ અને કન્ફર્મટિકિટ જેવા ટ્રેન ટિકિટિંગ પ્લેટફોર્મે જણાવ્યું કે આગામી તહેવારોની તારીખોમાં તમામ શહેરોમાં બૂકિંગ દર્શાવે છે કે ટ્રાવેલની ભારે માંગ છે.

કોક્સ એન્ડ કિંગ્સના રિલેશનશિપ હેડ કરણ આનંદે જણાવ્યું કે, “સ્થાનિક સ્થળોમાં રસ વધી રહ્યો છે. લોકો દેશના જુદા જુદા ભાગોમાં ઉજવણી કરવા માટે પ્રવાસ કરી રહ્યા છે. તેઓ મૈસુર પેલેસ, દિલ્હીમાં રામલીલા, ગુજરાતમાં ગરબારાસ, કોલકાતામાં દુર્ગા પૂજા, સિંદૂર ખેલા અને ધાક તથા ધુનુચી શો જોવા માટે પ્રવાસ કરી રહ્યા છે.”

આનંદે જણાવ્યું કે, “ભારતમાં તહેવારો ભારે ધામધૂમથી ઉજવાઈ રહ્યા છે અને પ્રવાસીઓ તેનો ભરપૂર આનંદ ઉઠાવવા માંગે છે. આગામી દશેરા વખતે લાંબો વીકએન્ડ આવશે જેથી ટૂંકી ટ્રિપ કરવા માટે સારી તક મળશે. વીકએન્ડ માટે બૂકિંગમાં 15થી 20 ટકાનો વધારો થયો છે. દિવાળી બૂકિંગ પણ જોરદાર ચાલે છે અને તેમાં આવી વૃદ્ધિ નોંધાઈ છે. દિવાળી દરમિયાન હિલ સ્ટેશનની માટે ભારે માંગ છે. લોકો પ્રદૂષણથી બચવા માટે હિલ સ્ટેશનો પર જઈ રહ્યા છે.”

કોલકાતા, મૈસુર, અમદાવાદ, રાજસ્થાન, દિલ્હી અને ગોવા માટે દશેરા દરમિયાન બૂકિંગમાં 40થી 42 ટકાનો વધારો થયો હોવાનું એક્સપિડિયા જણાવે છે. એક્સપિડિયાના માર્કેટિંગ હેડ મનમીત આહલુવાલિયાએ જણાવ્યું કે, “ભારતમાં ઓક્ટોબર અને નવેમ્બર તહેવારોના મહિના હોય છે. લોકો સમયગાળામાં મહત્તમ પ્રવાસ કરે છે. અમે ઈનબાઉન્ડ પ્રવાસમાં વધારો નોંધાવ્યો છે કારણ કે લોકો પોતાના વતન પરત જતા હોય છે જ્યારે વિદેશીઓ ભારતમાં તહેવારની સીઝનનો અનુભવ કરવા માંગે છે.”

સ્કાયસ્કેનર જેવા ગ્લોબલ પોર્ટલ પણ ભારતમાં તહેવારોની સીઝનમાં કમાણી કરવાની ધારણા રાખે છે. તેમણે દિવાળી દરમિયાન બેસ્ટ ડીલ શોધવામાં સુવિધા પૂરી પાડી છે. તેમાં મલ્ટિ સિટી ફ્લાઇટ ટિકિટ સામેલ છે. યાત્રાડોટકોમ ટૂંક સમયમાં ફેસ્ટિવ સેલ ઓફર શરૂ કરશે અને તેની ફ્લેક્સી સ્ટે ઓફર કોલકાતા અને હૈદરાબાદ જેવાં શહેરોમાં પણ આપશે.

ચાલુ સપ્તાહમાં યાત્રાનો ફ્લેક્સી સ્ટે ઓપ્શન લોન્ચ થયો હતો, જેથી ગ્રાહકો મલ્ટિ બજેટ અને પ્રીમિયમ (ફોર/ફાઇવ સ્ટાર) હોટેલમાં બૂક કરી શકશે. તેમાં કોઈ પણ સમયે ચેક ઈન અને ચેક આઉટની સુવિધા મળશે. ગ્રાહકો જેટલા કલાક રૂમનો ઉપયોગ કરે તેટલા સમય માટે ચુકવણી કરવાની રહેશે.

યાત્રાડોટકોમના સીઓઓ (બીટુસી) શરત ઢાલે કહ્યું કે, ટ્રાવેલને લાગે-વળગે છે ત્યાં સુધી સૌથી ભારે ક્વાર્ટર છે. મોટા ભાગના રૂટ પર દશેરાનાં ભાડાં ગયા વર્ષ કરતાં નીચાં છે. સ્થાનિક ડિમાન્ડના કારણે બજાર 20 ટકા વૃદ્ધિ નોંધાવી રહ્યું છે.

 

(5:56 pm IST)
  • આદિવાસીના બંધારણીય અધિકારોનું રક્ષણ કરતા કાયદાને રાષ્ટ્રપતિએ મંજૂરી આપી : વિધાનસભાના બજેટ સત્ર દરમિયાન પસાર કરાયો હતો કાયદો :કાયદાને રાજ્યપાલની ભલામણથી રાષ્ટ્રપતિ સમક્ષ મોકલાયો હતો : હવે ખોટા પ્રમાણપત્રો મેળવનાર સામે થઇ શકશે કડક કાર્યવાહી access_time 4:49 pm IST

  • અમદાવાદ શહેર પોલીસ કમિશનર દ્વારા દુર્ગા પૂજાને લઈ જાહેરનામું બહાર પડાયું: નદી કે તળાવમાં દુર્ગા માતાની મૂર્તિ પધરાવવા પર પ્રતિબંધ: જાહેરનામાનો ભંગ કરનાર સામે કાર્યવાહી કરાશે access_time 1:00 am IST

  • અમદાવાદમાં અપોલો હોસ્પિટલના ગાર્ડનમાંથી 5 દિવસની નવજાત બાળકી મળી: બાળકીને સારવાર માટે હોસ્પિટલ ખસેડાઈ: પોલીસે ગુનો નોંધી વધુ તપાસ શરૂ કરી. access_time 1:15 am IST