Gujarati News

નવી દિલ્હી : સંરક્ષણ મંત્રાલય મુજબ એનસીસીની વ્યાપક સમીક્ષા માટે પૂર્વ સાંસદ બૈજયંત પાંડાની અધ્યક્ષતામાં ઉચ્ચ સ્તરીય નિષ્ણાત સમિતિની રચના કરવાનો નિર્ણય લેવામાં આવ્યો છે.

ભારતીય ક્રિકેટ ટીમના ભૂતપૂર્વ કેપ્ટન એમ.એસ. ધોની હવે એનસીસીને વધુ શક્તિશાળી બનાવવામાં મદદ કરશે. સંરક્ષણ મંત્રાલયે ધોની અને મહિન્દ્રા કંપનીના માલિક આનંદ મહિન્દ્રાને એક ઉચ્ચ સ્તરીય નિષ્ણાત સમિતિના સભ્ય તરીકે નિયુક્ત કર્યા છે જેથી એનસીસીને વધુ અસરકારક રીતે રાષ્ટ્ર નિર્માણના પગલાં માટે માર્ગદર્શન આપી શકાય.

સંરક્ષણ મંત્રાલયના જણાવ્યા મુજબ, બદલાયેલા સમયમાં તેને વધુ સુસંગત બનાવવા માટે નેશનલ કેડેટ કોર્પ્સ (NCC) ની વ્યાપક સમીક્ષા માટે પૂર્વ સાંસદ બૈજયંત પાંડાની અધ્યક્ષતામાં ઉચ્ચ સ્તરીય નિષ્ણાત સમિતિની રચના કરવાનો નિર્ણય લેવામાં આવ્યો છે.

સંરક્ષણ મંત્રાલયના જણાવ્યા અનુસાર, સમિતિના સંદર્ભની શરતો વ્યાપકપણે એવા પગલાં સૂચવે છે જે એનસીસી કેડેટ્સને રાષ્ટ્ર નિર્માણ અને વિવિધ ક્ષેત્રોમાં રાષ્ટ્રીય વિકાસના પ્રયાસોમાં વધુ અસરકારક યોગદાન આપવા માટે સક્ષમ બનાવે.

આ નિષ્ણાત સમિતિઓ નેશનલ કેડેટ કોર્પ્સ એટલે કે એનસીસીની સુધારણા માટે સમાન આંતરરાષ્ટ્રીય યુવા સંગઠનોની શ્રેષ્ઠ પદ્ધતિઓનો અભ્યાસ કરશે, જેથી એનસીસીના અભ્યાસક્રમમાં ભૂતપૂર્વ વિદ્યાર્થીઓની લાભદાયી ભરતી માટેના પગલાં સૂચવે.

જેમાં ધોની અને આનંદ મહિન્દ્રા ઉપરાંત જામિયા મિલિયા ઇસ્લામિયાના કુલપતિ, નજમા અખ્તર, પૂર્વ મંત્રી કર્નલ રાજ્યવર્ધન સિંહ રાઠોડ (નિવૃત્ત), ભાજપના સાંસદ વિનય સહસ્ત્રબુદ્ધે અને મુખ્ય આર્થિક સલાહકાર સંજીવ સાન્યાલનો સમાવેશ થાય છે. જાણીતા ક્રિકેટર ઉપરાંત ધોની આર્મીના માનદ લેફ્ટનન્ટ કર્નલ પણ છે.