Gujarati News

Gujarati News

News of Thursday, 17th September 2020

અભયભાઈની તબિયતમાં સુધારો નોંધાયો : કફ છૂટો પડવા લાગ્યો

રાજકોટ : સુપ્રસિદ્ધ ધારાશાસ્ત્રી અને ભાજપના રાજયસભાના સાંસદ, વિખ્યાત કાનુનવિદ્દ શ્રી અભયભાઈ ભારદ્વાજની તબિયતમાં સુધારો નોંધાતો જાય છે.

ભાજપના પ્રથમ હરોળના અગ્રણી શ્રી નીતિનભાઈ ભારદ્વાજનો સંપર્ક સાધતા તેમણે 'અકિલા'ને જણાવેલ કે ઈકમો પ્રોસીજર શરૂ થયા પછી અભયભાઈની તબિયત સુધારા ઉપર છે. હવે કફ છૂટો પડવા લાગ્યો છે અને ફેફસા ધીમે ધીમે મુળ સ્થિતિમાં આવતા - જતા હોવાની ખૂબ જ સારી આશા સર્જાઈ છે. તેમનું ઓકિસજન લેવલ ૯૫ આસપાસ રહે છે. (૯૨ થી ૧૦૦ વચ્ચે નોર્મલ રેન્જ ગણાય.) જે ખૂબ જ સારી નિશાની છે. અભયભાઈનું ડી-ડાયમર લેવલ જે ૧૫૦૦૦ થઈ ગયેલ તે આજે ૫ હજાર છે જે ખૂબ સારી નિશાની ગણાવાય છે.

મુખ્યમંત્રી શ્રી વિજયભાઈ રૂપાણી અભયભાઇની તબિયત અંગે સતત મોનીટરીંગ કરી રહ્યા છે. વડાપ્રધાનશ્રી પણ ચિંતિત છે.  શ્રી અભયભાઈને કોરના પોઝીટીવ આવ્યા પછી શ્વાસ અને ફેફસાની તકલીફો સર્જાતા પ્રથમ ઓકિસજન ઉપર અને પછી વેન્ટીલેટર ઉપર રાખવામાં આવ્યા છે.

ગુજરાતના સુપ્રસિધ્ધ કોરોના નિષ્ણાતો અમદાવાદના ડો.તુષાર પટેલ, સુરતના ડો.સમીર ગામી અને રાજકોટના ડો.જયેશ ડોબરીય સહિતના નિષ્ણાતો સતત અભયભાઈની તબિયતની કાળજી લઈ રહ્યા છે.

(3:32 pm IST)
  • ઉત્તર પ્રદેશના પ્રયાગરાજમાં એકબાજુ વડાપ્રધાન શ્રી નરેન્દ્ર મોદીના જન્મદિવસની ઉજવણી અને બીજીબાજુ પથ્થરમારો : સરકારી નોકરીમાં 5 વર્ષ માટે કોન્ટ્રાકટ ઉપર ભરતી કરવાના નિર્ણય સામે વિરોધીઓતોફાને ચડ્યા : પોલીસ ઉપર પથ્થરમારો કરતા વળતા જવાબમાં પોલીસનો લાઠીચાર્જ access_time 6:35 pm IST

  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST

  • નેપાળના પ્રાઈમ મિનિસ્ટર કે.પી.શર્મા ઓલીએ શ્રી નરેન્દ્ર મોદીને જન્મદિવસની શુભેચ્છા પાઠવી : બંને દેશ સાથે મળીને કામ કરશું તથા સબંધો વધુ મજબૂત કરીશું તેવી ભાવના વ્યક્ત કરી access_time 1:11 pm IST